¹ Kamuda kamuda, taatilah na urang tuha nyu ka dalam Jubata, karna hal koa banar. ² "Hormatilah na Apa man uwenyu"(koa lah parintah nang pertama ka perjanjian). ³ Koa edo bagi nyu man kao akan idup lama ka dunia ngian. ⁴ Apa-apa emelah minjawat anak nyu bera. Lebih baik didiklah ia man disiplin dari patunjuk-patunjuk nang dari Jubata. ⁵ Na pambantu, taat lah ka na toke-toke nyu man rasa hormat man gangatar, jujurlah ka atinyu, sebagemae kau taat ka Kristus. ⁶ Buke hanya ngarepoan ia ka koa saat ka kao are perhatian ka kao. Tapi lea hamba Kristus. Ngalakuan ahe nang Tuhan mao dari atinyu. ⁷ Ngalayani lah sapenuh ati nyu, sebagemae kau ngalayani Jubata buke manusia. ⁸ Kao paralu naoan ahe pun nang kao pinjawat ka urang lain, ka narima nariman nang gagas dari Jubata, na paduli koa urang nang tarikat atau urang nang talapas. ⁹ Toke-toke,pinjawatlah hal nang sama ka na pambantu nyu ame ngancam ia ka koa, ingat me toke ia ka koa man toke nyu ada ka dalam subayant. Kao arus naoan ia ina nele muha. ¹⁰ Ahirnya, jadi lah kao kuat kadalam ka dalam kekuataNya. ¹¹ Makelah saluruh sanjata Juabata, supaya kao dapat batahan ka serangan tipuan na iblis. ¹² Jukut ga pajuangan diri buke ngalawan daging man darat. Sabaliknya ngalawan pamarentah-pamarentah man panguasa-panguasa nang galap, ngalawan roh-roh jahat nang ada ka udara. ¹³ untuk koa, pakelah samua sanjata Jubata, supaya kao bisa badiri tagap ngalawan si jahat ka masa-masa nang jahat ngia, man ngalakuan sagalanya man tatap badiri tagap. ¹⁴ Lea koa badirilah kuat, makelah ikat pinggang kabanaran man baju baparang kaadilan. ¹⁵ Lalu sebage sandal ka paha nyu, makelah sandal karelaan nang manyataan injil damai sajahtera. ¹⁶ Ka sagala situasi salalu ngicang parisai iman, kade le koa kao bisa nangkis panah dari si jahat. ¹⁷ Dan gunaan uga pamungkus kasalamatan man pedang Sumangat, nang adalah firman Jubata. ¹⁸ Dalam sagala doa man pamohonan, badoalah satiap waktu ka dalam sumangatnyu. Man pikiran ngia, bajaga-jagalah salalu dalam bamakng nyu kao man pamohonan nang ina putus-putusnya bagi samau urang pucaya. ¹⁹ Babakngi uga aku, supaya pasan ngia di mareant ka aku, waktu aku muka molot. Badoa agar aku di bareaan pakataan nang banar supaya aku barani nyampean rahasia injil. ²⁰ Jukut ga aku ngian utusan nang di minjara, supaya dengan barani aku nyataan seharusnya aku harusnya bakata. ²¹ Tikhikus, kamaruku nang ku ngasihi man palayan nang setia ka dalam Jubata, akan marenahui samuanya ka kita. ²² Aku ngirim ia ka kita ada tujuannya, supaya kita nahui kaadaan aku ampean, man supaya ia ngibur ati kita. ²³ Kiranya dame sajahtera ka kita na kamaruku, man kasih man iman dari Jubata Apa' man Jubata Yesus Kristus. ²⁴ Kiranya anugerah bagi samua urang nang ngasihi Jubat Yesus Kristus man kasih nang ina parnah toa-toa.