paulus nyamo panele'atn man pangilamatatn
1
Ngka nana baguna ba kade'nya aku nian bapoah biarga leakoa aku mao uga muji diri'ku ka paringa panele'atnku nang di Jubata matakan ka kau man parintah Nya nang di-Nya mucaya'atn ka aku.
2
aku ada nau'an ka seko urakng Kristen ampatbalas tahutn nang lalu antah ka luas tubuhnya ge'nya ka dalapm tubuhnya aku nana nau'an gila urakng ka di Jubata ngapucukatn ka saruga tiga nang katalu.
3
Aku nau'an sidi ka urakng koa antah ka dalapm tubuhnya ge'nya kaluas tubuhnya Jubata iahan nang nauan.
Ia sau da'dinaikatn ka pirdaus ia nangar kata nang nana baya dikataatn nang nana mulih ditalino kataatn
5
urakng koa nta sidi kumuji ka diri ku babaro nana baya kupajaji tagal kaloe'atnku.
6
jukut kadenya aku bapoaha uga aku bukenya urakng baga agi aku ngataatn jukut nang ngka sidi ihan biarga leakoa aku nahan diri ku nyuruhatnnya bapikir ame ngaluatni ahe nang dah dinya nangar man dinya nele ka aku.
7
ame sampe aku matingi diriku tagal sigana kata nang balabih koa ka aku sau dimare pansuruh balis mpa duri ka insiku nang ngaco- ngeba aku nyuruhatn aku ame ningalatn diri ku.
8
talu kali aku dah ba babamang ka Jubata bapinta ngankat panyakitku koa.
9
biarga leakoa jakata Jubata bapinta ka aku dah sadakngba kalabuatn pamare- ku ka koa tagal ada ba bakaloeatn ihan pama ku sau jaji ina basantuk tagal koa aku repo dehe mapoahatn kaloe'atn ku nyuruhatn pama Kristus turutn ka aku
10
aku repo man sanang ati ada bakaloe'atn kana ejet man namu kasusahatan diurakng tampagukng man sontak tagal Kristus jukut kade aku loe ratinya taka koa ihan sau kuat.
11
aku dah ngka jaji baga tagal kita nang maksaatn aku. aku nian ba nang sasidinya nang dikita puji jukut biarba nana ihan barati ka sagana jukut aku nana kurang ke dipasigajiatn man na panali nang miah babasa koa
12
sagana mujisat man pama man tahatn ati ka tea kita nang jaji tandahatn kade aku nian ngka panali
13
ka aheba agi kita nana diparatiatn gila'ge dipasamaan man jama'at dangan ka sote sikap ihan ao koa aku nian bai masusahi kita babare pikutatn ka kita aku sidi minta ampon ka' kasalahatn koa.
14
sasidinya ampean talu kalinya aku dah siap ngonyokng kita aku nana nyusahia kita agi jukut bukenya duit kita nang kungago'i kita koa ihatn jukut bukenya kamuda nang ngomoa'an kakayaatn ka mare urakng tuhanya' urang tuha nang ngomo'atn mare na'anaknya.
15
tagak koa aku repo mare'atn kakayaatnku sampe aku mare'atn idupku ka kita Ratinya aku nta miah labu ka kita ahege padan kita nana ngalabuatn aku.
16
kita ngka dah sapakat matak kade aku ina suah masusahi kita biarga leakoa ada nang bakata kade aku nian pangakal nipu kita bagago untukng.
17
adage ahe aku na'ap untunkg ka kita nang kuna'ap ka kokot urakng nang kunyuruhatn ka' kita.
18
aku ngka dah nyuruhatn Titus ampus man ia koa ampus uga seko kita samadi'atn Kristen adame Titus na'ap untukng ka kita ina ge kami dua idup nurutatn roh nang singaji ina ge kami babuat nurutan cara nang singaji
19
dah lama ihan leanya kita matak kade kami nyintangan diri kami adapatn kita'. Kita samadi'atnku nian aku ba kata ka kita ngahiak dama Jubata man dama Kristus sagananya nian kugarajaatn yak madirira kapucaya'atn kita
20
aku jukut gali-gali kade nya ngonyokngi kita nae napatatn kita lain man kamao'atnku kita napati aku ina sigaji man kamao'atn kita. aku gali-gali ka paolekatn karusi'atn kaberaatn nurutatn kamo'atnya babaro batanas- tanasi basabut- sabut, tinggi ati man pakalahiatn.
21
aku gali-gali kade nya aku atakng agi, Jubata ngababahatn aku ka adapatn kita aku ngka urakng ka tea kita nang de'enya badosa uga babuat katotong, kalasangan man babuat nang nana padan dipabuat.