1
Paulus, rasul Jubata Yesus Kristus untu kamaoant Jubata, man Timotius page kami, untu gareja Jubata nang ada ka' Korintus man ka' samua urakng pucaya ka' saluruh daerah Akaia.
2
Sakiranya anugerah man damai Jubata Bapa dirik man Jubata Yesus Kristus ada man kitak.
3
Tapujilah kiranya Jubata man Bapa dari Jubata Yesus Kristus dirik. Ia koalah Bapa saluruh kamurahan man Jubata sagala pangiburatn.
4
Jubata ngibur dirik dari samua pandaritaatn dirik, sahingga kami bisa ngibur saepun nang ada ka' dalamp pandaritaan ahepun. Kami ngibur nang lain man nyorong nang sama dimagunaan di Jubata untu ngibur kami.
5
Soalnya lempahepun kasusahant-kasusahant Jubata Kristus ngalimpah untu kami, lekoa ugak dorongan kami malimpah-limpah ngalalui Jubata Kristus.
6
Tapi kade kami mandarita, hal nang koalah untu dorongan man kasalamatan kita'. Man kade kao dingiburant, Hal nang koalah untu dorongannyu. Dorongannyu bakaraja edo kade kao sabar ka' pandaritaan-pandaritaan nang sama man kami ngarasaant.
7
Man kayakinan kami man kao pasti. Kami nuan kade kao masih babagi pandaritaan-pandaritaan, kao ugak babagi dorongan.
8
Soalnya kami bai kao jaji bongka', o ayungk-ayungk, parihal masalah-masalah nang kami ngadapi ka' Asia. Kami rasa di ngalainan ngalabihi nang bisa kami tanggong, batol barat sampe kami inak baarap untu idup labih lama agik.
9
Sasungguhnya kami udah ada bakuasa untu kamatian kami.
Tapi koa nyuruh kami inak mare ka pucayaan ka' diri'k kami sandiri, malainkan ka' Jubata, nang mangkitant urakng mati.
10
Ia udah nyalamatant dirik dari kagalianan kamatian nang lekoa, man Ia maok nyalamatant dirik agik. Kami udah nyimpan kayakinan kami ka dalamp Ia kade Ia maok mebasant dirik agik.
11
Ia maok ngalakuant hal nian lemae kao ugak nolong dirik ngalalui doa nyu. Lalu manyak nang maok mareant syukur atas nama dirik untu kamurahan nang udah dimareant untu dirik lewat bamang-bamang urangk manyak.
12
Kami bangga hal nian: kasaksian ati-nurani kami. Karna nurani kami ada ka dalamp motivasi-motivasi nang murni man katulusant nang barasal dari Jubata kade kami udah nojokant dirik kami babaro ka dunia.
Kami udah ngalakuant nian labih agik man kao buke ka hikmat duniawi, malainkan oleh anugerah Jubata.
13
Kami inak nulis untu kao sasuatu nang kao inak bisa dibaca ato ngarati. Aku baarap kao bisa ngarati kami sapanuhnya.
14
Lempahe ampeant sabagiannya kao udah ngarati kami. Maka waktu ari Jubata Yesus kami akan jaji alasan untunyu banggaant, lempahe kao akan jaji alasan kami.
15
Soalnya aku batol yakin parihal nian, aku maoknya labih doho atakng ka kao, biar kao bisa narima kauntungan dari dua kunjungan.
16
Aku udah ngarencanaant untu ngampusi kao ka paajananku ka Makedonia. Lalu aku maok ngampusi kao agik ka paajananku lumpat dari Makedonia, biar kao ngutus aku ka dalamp paajananku ka Yudea.
17
Waktu aku bapikir lekoa, ada lea aku ragu? ada lea aku rancanaant hal-hal manurut standar manusia, lalu aku bakata "Auk, auk" man Inak, inak" barage?
18
Tapi lemaepun Jubata koa satia, kami inak bakata dua-duanya "auk" ato "inak."
19
Sabab Anak Jubata, Jubata Yesus Kristus, nak Silvanus, Timotius man aku tagasant ka kitak, buke "Auk" man "inak" malainkan, Ia salalu "Auk."
20
Soalnya samua janji-janji Jubata koa "Auk" ka dalampNya. Lekoa ugak ngalalui Ia kami bakata "Amin" bagi kamuliaan Jubata.
21
Ampeant nian Jubata nanangan kami man kao dalamp Jubata Kristus, man Ia nang udah ngurapi kami.
22
Ia udah mareant materaiNya atas kami man udah mareatn Sumangat kudus ka dalamp ati kami untu jaminan dari ahe nang nae Ia bisa mareatn man kami.
23
u nyaru Jubata untu mare kasaksian alasanku inak atangk ka Korintus koa biar aku bisa nahan dirik untu kao.
24
Nian bukelah alasan kami untu ngontrol lemae kamungkinan imannyu nae. Malainkan, kami tarus bakaraja sama man kao untu suka citanyu, salagi kao badiri dalamp iman nyu.