¹ Pas ahi iyak, betamah lagek muhid ya, menyadi timul ngehutau ngehungut dahi uhang Helenis behadap ngau hidak ken'tuhun Ibrani uleh Balu hidak dawak upa ulun me'haek yang mehakan bilang ahi. ² Dah piak, dua belas uhang hasul iyak ningkau se'mua muhid lalu banai "bayah ngampuh kehang kami tauk na nampung anai Allah Tala tanauk kalah ngelayan mija. ³ iyak, menyadek cuba nuan pilaeh Tujauh uhang dahi kian yang benah-benah bait, penauh uleh kuasa piak Hikmat yak tau dipilaeh keheja diak. ⁴ Dahi behapai uhang yang diak iya betapa dah yak dalam anai Allah Tala. ⁵ Uhang hamek semua ningga anai iya. lalu sidak mila'eh Stefanus, uhang yang m'hanyak iman penauh kuasa dah piak Filipus, Prokhorus, Nikanor,Timon, Parmenas, dan Nikolaus suhang Proselit dahi Antiokhia. ⁶ Mehanyak bala sidak debaek ngadap sidak Hasul, dah yak minta khang Tuhan, mehanyak Hasul ngegak jahi datas k'pala sidak Tujauh uhang. ⁷ Behita anai Allah Tala betabuh biuh , betamah magang muhid iyak di Yerusalem. Piak kebanyak imam takut kehang imam suhang iyak. ⁸ dah yak, Stefanus, mehanyak buleh ilmu bait, ngawai utan gila dilepaik mehanyak uhang. ⁹ Piak, behapai uhang dahi Sinagoge dite'lah uhang Libertini, bait uhang Kirene padak sidak uhang Aleksandria, dah yak behapai uhang dahi Klikia dah piak Asia, angkat dah piak becekaih kehang Stefanus. ¹⁰ Piak deh, Stefanus banai uhang yang diak na ngalah nyekai'h bijaksana dah piak se'mengat Stefanus banai. ¹¹ behapai uhang belabuk betapuk nyuhok uhang bekelai anainya, "uhang ditauk dah bisek ningga behita uhang ngemalu Musa dua Allah". ¹² dah yak, mehanyak uhang kiak, sepai-sepai uhang tua dua alhi-ahli Taurat nangkap Stefanus dibaek kadap Sanhedrin. ¹³ Bisek utusan betemu kehang uhang yang disuhauk ngampuh anai sidak," uhang yak kehas k'pala na kalah behenti banai ngelawan kehang suci dua ukum Taurat. ¹⁴ uleh, kami sek ningga Ia banai Yesus dahi Nazaret kak ngancuh kehang tauk dah piak kak muang Adat Basa uhang bahek yang dipulah Musa". ¹⁵ dah iyak, sidak ngupok mua Stefanus, uhang banyak yang du'duk di Sanhedrin ngeliat mua upa mua malaikat.