¹ "Ka malaekat umat di Efesus tulisotnlah: Nyianlah pakataatn-E nang nangkapi' tujuh bintokng ka kokot kanan-Elalu nang bajootn ka antaro tujuh poho sensan amas koo: ² Aku nahui' samuo pakarajaan ngu ba jareh payohngu ba karajinan ngu, jamae kau ino' tahan ka nang jahat, lalh kah nguji urokng-urokngnang nyabut diri'e rasul, tapi sabanare ne'ido' bukotnlah rasul, lalh napati'ne'ido' kok palsu. ³ Kau ado karajinan lalh ba tahan karamo dama-Ku lalu ino' nganal laloh. ⁴ Tapi, aku ngatai' kau karamo kau dah ningootn kasihngu nang samulo. ⁵ Karamo koo, ingatlah kamae kau janto' lalu ba tobat sambil ngarajaan ameo nang dah kau ngarajaan samulo. Kalo ino', aku pasti atokng ka kau lalu ngicokng poho sensan ngu ampat ka tampate, kacoali kau ba tobat. ⁶ Tapi, nang nyian nu'ngu: kau negetotn parambuatan-parambuatan para pangikut Nikolaus, nang Ku negetotn ugo'. ⁷ Io bo ado ugo' ba tarenyekng biarotn io nangarotn dameo nang dah Roh* koongatootn ka umat-umat. Ka io nang manang, Aku paati mare' makotn ampat ka Puhutn Kaidupotn nan ado ka Taman Allah." SURAT KA UMAT DI SMIRNA ⁸ "Lalu, ka malaekat umat di Smirna tulisotnlah: Nyianlah kato-kato ampat ka Nang Pamulo b Nang Pangabisan, nang dah mati ba nang idup agi': ⁹ Aku nahui' kasusohotn ba kasontokotngu, tapi sasungguhe kau kayo! Aku nahui' tuduhotn nang dinojokotn ka kau ne'ido' nang nyabut diri'e urokng Yahudi, tapi sabanare buke', malainkan sinagoge iblis. ¹⁰ Ame gai' ka dameo nang pasti ngamuat kau sangsaro. Tananglah, setan pasti nabakatni' kito' ka pinjaro supayo kau di uji, lalu kau pasti ngalami' panyiksootn salamo 10 ari. Satiolah sampe mati, lalu Aku pasti mare'otn ka kau mahkota kaidupotn. ¹¹ Io nang ado ba tarenyekng biarotn io nangar dameo nang dah dikatootn Roh ka umat-umat. Urokng nang manang pasti ino' tasikso ba kamatiotn nang kaduo." SURAT KA UMAT DI PERGAMUS ¹² "Lalu, ka malaekat umat nang di Pergamus tulisotnlah: Nyianlah kata-kata-E nang Io maksut mando tajopm bamato duo: ¹³ Aku nahui' dimae kau diopm, di tampat takhta Iblis barado; tapi kau mampaut ka damaKu lalu ino' masangkootn iman-Ku malah pado jaman Antipas, saksi-Ku nang paling satio nang dimunuh ka antaro kito', tampat Iblis diopm. ¹⁴ Tapi, Aku ngatai' kau karamo ado sangape urokng di antaro kito' nang nunootn ajaran Bileam, nang ngajar Balak sa' muangan sudo ka muho kamudo' Israel*, sa' makotn mangkanan nang dinyambohotn ka berhala* lalu ngamuat doso-doso seksual. ¹⁵ Jakoo ugo', ado sangape urokng di antaro kito' nang mampaut ka ajarotn Nikolaus. ¹⁶ Karamo koo, batobatlah! kalo ino', Aku pasti atokng ka kau lalu marangi ne'ido' ba mando ampat ka moot-Ku. ¹⁷ Io nang batarenyekng biarlah nangar dameo nangdi katootn Roh ka umat-umat. Ka io nang manang, Aku pasti mare' manna* nang kataukotn; lalu Aku pasti mare'otn ka iosabuoh batu putih, lalu sabuoh damo barahu batulis ka batu koo, nang ino' seko' urokngpun nahui' kacuali urokng nang narimo' io." SURAT KA UMAT DI TIATIRA ¹⁸ "Lalu, Ka malaekat umat di Tiatira tulisotnlah: Nyianlah kato-kato Anak Allah, nang Mata-E angayo nyalo api lalu nang paha-E nyalo angayo timago doopm parapiotn: ¹⁹ Aku nahui' parambuatan- parambuatan ngu, kasih ba iman ngu, palayanan ngu, ba kasabaratn ngu, lalu bahawo pakarajaan-pakarajaan ngu nang pangabisan malabihi' nang pamulo. ²⁰ Tapi, Aku nyabut kau karamo kaumiarotn ambini Izabel koo, nang ngako' diri'e angayo nabiah, ngajar ba nyasatotn palayan-palayan Ku supayo babayo' lalu makot makanan nang dah dinyambohotn ka nang berhala. ²¹ Aku dah mare' io waktu sa' batobat,tapi io batobat babayo' ²² Tananglah, Aku pasti nabakotn io ka atas tampat tidur nangbajaro ba ne'ido' nang babayo'* ba ne'ido' pasti Ku tabakotn doopm kasusohotn kayo', kacuali ne'ido'batobat ampat ka parambuatan-parambuatan ambini koo. ²³ Lalu, Ku pasti munuhi' anak-anake ba kamatiotn; lalu samuo umat pasti nahui' bahawo Akulah nang nguji pikiran ba ati urokng, lalu Aku pasti mare' ka kito' masaing-masaing manurut parambuatan kito'. ²⁴ Tapi, ka kito' nang laine di Tiatira, nang ino' nunootn ajarotn nyian, nang nape' nahui' rahasio-rahasio Iblis, Aku ngatootn: Aku pasti ino' muangano' baban nang laine ka atasngu. ²⁵ Tapi, mampautlah tarus ka dameo nang dah ado ka kau sampe Aku atokng. ²⁶ Lalu, ka urokng nang dah manang lalu ngarajaan pakarajaan-pakarajaan-Ku sampe abis, Aku pasti mare' kuaso ka bangso-bangso, ²⁷ lalu ne'ido' pasti marentoh bangso-bangso koo ba tungkat basi, ngancurotn ba kapikng-kapikng angayo tambikar tukang kenceng,karamo Aku ugo' dah narimo' kuaso ampat ka Bapa'-Ku. ²⁸ Lalu, Aku pasti mare'otn ka io bintokng timur. ²⁹ Io nang ado ba tarenyekng no'meolah nangar dameo nang dah dingatootn Roh ka umat-umat."