¹ Waktu Yesus dah ngako'ot samuo kata-kata-E nyian, Io bakato ka murid- murid-E ² "Kau nahui' bahawo dua ari agi' paskah, lalu anak manusio pasti di sarohotn sak di salipotn." ³ Ako'koo para imam kapalo ba tuho-tuho bangso koo di ngumpulotn sabayo-bayo ka istana Imam ayo' ,nang badamo Kayafas. ⁴ Lalu, ne'ido' bapakat mao nangkapo' Yesus ba tipu dayo lalu lalu mao di bunuh. ⁵ Tapi ne' ido' bakato, "Ame waktu pestae supayo ino' ado karusuhotn antaro urokng rami." SEKO' AMBINI NGURAPI YESUS ⁶ Kanio', salamo Yesus ado ka Betania, karumoh Simon si Kusta, ⁷ atokng seko' ambini ka Io nabanan saboto guci pualam enek baisi' minyak wangi nang paling moho, lalu ambini koo nyiraman ka atas kapalo Yesus pas Io gi' duduk makotn. ⁸ Waktu murid-murid nanang io, ne'ido' bero sambil bakato, "Dameo pamborosan nyian? ⁹ Sabab, minyak wangi koo biso di juo rago moho lalu di bare'otn ka nang sontok." ¹⁰ Tapi, Yesus, nahui' hal nyian, ba kato ka ne'ido', "Dameo kau nyusohotn ambini koo? Sabab, io ngarajaan kalakuan baik ka Aku. ¹¹ Sabab, kau salalu ado ba urokng-urokng sontok, tapi kau ino' salalu ba Aku. ¹² Waktu ambini nyian nyiraman minyak wangi ka tubuh-Ku, io ngalakuan koo sak nyuburo' Aku nano. ¹³ Aku bo ngatootn nang sabanare ka kau bahawo dimae sajo' injil nyian fi baritoot ka saluruh dunio, dameo nang di karajaan ambini nyian pasti di caritootn sak ngingatot io."RANCANA SAK NGIANATI YESUS ¹⁴ Ako' koo, seko' dari kadua balas murid, nang badamo Yudas Iskariot, ampus ka imam-imam kapalo, ¹⁵ "lalu ba kato, "Kau mareo' aku dameo kalo aku biso nyarohot Io ka kau?" Lalu, ne'ido' natapotn 30 kapikng perak ka io. ¹⁶ "Lalu, mulai' koo, io ngago' kasampatotn nang baik nyarahatno' Yesus. PAMAKANAN PASKAH ¹⁷ Kanio' pado ari pamulo Roti ino' baragi, para murid atokng ka Yesus lalu ba tanyo', "Dimae Kau mao' kami nyiapotn makotn Paskah Ngu?" ¹⁸ Yesus nyahut, "Taamo'lah ka koto, ka urokng, lalu katootn ka Io, 'Guru bakato, "Waktu-Ku dah samak. Aku pasti ngarayootn Paskah ka rumahngu ba murid-murid-Ku.""' ¹⁹ Para murid ngarajaan dameo nang dah Yesus masotn ka ne'ido', lalunyiapotn Paskah koo. ²⁰ Kanio, waktu dah maamo', Yesus duduk makot barage ba kadua balas murid. ²¹ Lalu, waktu ne'ido' tangoh makotn, Io bakato, "Aku ngatootn nang sabanare ka kau bahawo seko'dari kito' pasti ngianati' Aku.". ²² Ne'ido' maraso sadih lalu seko'-seko' mulai' bakato ka Io, " Pastie, buke' aku, Tuhan?" ²³ Lalu, Io nyahuti, "Io, nang nyalupotn kokote ka doopm mangkok barage ba Aku, iolah nang pasti ngianati Aku. ²⁴ Anak Manusio pasti ampus angayo nang dah tatulis tantang Io. Tapi, cilakolah urokng koo, karamo iolah Anak Manusio di ngianati'! Tapi paling baik agi' urokng koo kalo ino' di paranakotn." ²⁵ Ako'koo Yudas, nang mao' nyarohotn Yesus, bakato ka Io, "Pasti buke' aku, Rabi ?" Yesus bakato ka io, "Kau dah ngatootn io." PARINGATAN TUBUH BA DAROH KARISTUS ²⁶ Waktu ne' ido' tangoh makotn, Yesus ngicokng roti. Lalu, ako' marakati' io, Yesus macoh-macohotn lalu mare'atni' ka para murid sambil bakato "Icoknglan lalu tajarlah, nyianlah tubuh-Ku." ²⁷ Ako' koo, Io ngicokng galas, sambil ba syukur, lalu di mare'atni' ka ne'ido', ja kata-E, "Kito' samuae, cocoklah nyian. ²⁸ Sabab, nyian darah Ku, daroh pajanyian, nang di numpohotn sak urokng rami sak ngampuni' doso-doso. ²⁹ Aku ngatootn nang sabanare ka kau bahawo Aku ino' nyocok asil batokng anggur nyian, dari kanio' sampe ari koo, waktu Aku nyocok anggur nang barahu barage kito' doop karajaan Bapo'-Ku." ³⁰ Ako' barenyoh sege' lagu, ne' ido' ampus ka bukit Zaitun. PETRUS MAS ANGKOOTN YESUS ³¹ Ako' koo Yesus bakato ka murd-murid-E, "Kito' samuo pasti tadangkut karamo Aku maam nyian. Karamo ado tatulis, Aku pasti mangkong gambala ba domba-domba dari kumpulan koo pasti ba carai-barai'. Zakharia 13:7 ³² Tapi, ako' Aku bangkit, Aku pasti ngadohou' kito' ka Galilea." ³³ Petrus bakato, " sekaipun samuae tasangkut garo- garo Kau, aku pasti ino' suoh sangkuto' ³⁴ Jare Yesus ka io, "Aku ngatootn nang sabanare ka kau bahawo pado maam nyian, sanape' manok b kokok, kau pasti masangkootn Aku talu kai." ³⁵ Petrus bakato ka Io, "Sakaipun aku harus mati ba Kau, aku pasti ino' masangkootno' Kau!" Samuo murid nang laun ugo' bakato jakoo. YESUS BADO'A KA GETSEMANI ³⁶ Ako' koo Yesus ngaramus ba murid-murid-E ka tampat nang badamo Getsemani lalu Io bakato ka murid- murid-E, "Duduklah kasio, samantaro Aku kanaun mao' ba doa.". ³⁷ Lalu, Io nabanan Petrus ba duo anak Zebedeus barage Io, lalu io mulai susoh atie. ³⁸ Ako' koo, Io bakato ka ne'ido', " Atiku susoh sidi, angayo mao' mati rasae. Diopmlah kasio lalu tataplah ba jago- jago ba Aku." ³⁹ Lalu Io sadikit bageser, lalu ngogo' sampe muhai ngaramus ka tanoh lalu ba do'o, ja kata-E, "Bapa'-Ku, kade'(kalo) mungkin, biarotn cawan(galas) nyian ngalewati' Aku. Tapi, ame saparati nang Aku mao'an, malainkan saparati nang kamao'an Ngu." ⁴⁰ Ako' koo, Io ampuslah Io ka murid-murid-E laly namui' ne'ido' gi' tidur. Lalu, Io bakato ka Petrus, "Jadi, kau ino' sanggup ba jago-jago ba Aku salamo 1jam? ⁴¹ Ba jago-jago lalu ba do'olah supayo kau ino' janto' ka doopm pancobaan. Sumangat memang panurut tapi dagin lamoh." ⁴² Yesus ampus agi' nang ka duo kaie lalu ba do'o, ja kata-E, "Bapa' Ku, kalo nyian ino' biso lewat kacoali Aku nang nyocok io, ka mao'anngulah nang tajadi." ⁴³ Sakai agi', Io atoknglalu namui' ne'ido' tidur karamo mato ne'ido' taraso barat. ⁴⁴ Jadi, Io ningootn ne'ido' lalu io ampus agi ba do'o nang ka talu kaie, ngatootn kato-kato nang sabayo. ⁴⁵ Ako' koo Yesus muokng agi' ka murid-murid lalu bakato, "Tidurlah kanio' lalu ba istirahatlah. Tanang, waktue makin samak lalu Anak Manusio mao' di sarohotn ka kokot urokng- urokng ba doso. ⁴⁶ Umpatlah, je' diri' ampus. Tanang, urong nang nyarohotn Aku dah samak." PANANGKAPOTN YESUS ⁴⁷ Samantaro Yesus masih bakato, Yudas,saloh seko' ka duo balas murid koo atokng. Barage ba io, karumunan urokng rami nabanani' mando ba kayu, mulai' imam-imam kapalo ba tuho-tuho bangso koo. ⁴⁸ Kanio', io nang nyarohotn Yesus mare' ne'ido' tando, jare, "Sape nang ku idung, nang koolah Io, tangkaplah Io." ⁴⁹ Yudas langsung nyeketi' Yesus lalu bakato, " Salam, Rabi!" Lalu Yudas ngidung Io. ⁵⁰ Yesus bakato ka io, Ayukng, karajaanlah maksut ka atanganngu kasio." Ako'koo urokng rami nyeketi' io, muangani' kokote ka Yesus, lalu nangkap Io. ⁵¹ Lalu, tanang, seko' ampat ka ne'ido' nang barage Yesus nyootn kokote, narik mandoe, lalu nyrang imam ayo' koo, lalu natak tarenyeknge. ⁵² Ako' koo, Yesus ba kato ka io, "Puangan mandongu ka tampate, karamo samuo nang make mando pasti binaso ba mando. ⁵³ Ato, kau pikir Aku ini' mampu minto' ka Bapo' Ku, lalu Io kanio' ugo', pasti mare' labih duo balas pasukotn malaekat ka Aku? ⁵⁴ Tapi, jamae ako' koo Kitab Suci mao diganapi' nang ngatootn bahawo arus tajadi macam nyian? ⁵⁵ Pado waktu koo, Yesus bakato ka urokng rami, "Dameo angayo ngalawan parampok kau kauar nabanan mando ba kayu nangkapo' Aku? Satiap ari, Aku duduk ngajar ka Bait Allah lalu kau ino' nangkap Aku. ⁵⁶ Tapi, samuo nyian tajadi supayo kitab-kitab para nabi di ganapi'." Ako' koo samuo murid ningootn Io lalu samuae dari. PARA PAMIMPIN YAHUDI NGAKIMI' YESUS ⁵⁷ Ne'ido' nang nangkap Yesus nabanan Io ka Kayafaa, Sang Imam Ayo', tampat para ahli-ahli taurat ba para tuho-tuho bakumpul bayo- bayo. ⁵⁸ Lalu, Petrus nunaan Yesus dari kajauhotn sampe ka kaangan rumoh imam ayo'. Lalu Petrus taamo', dudukba para pangawal nanango' kasudahane. ⁵⁹ Kanio', para imam kapalo ba saloruh Sanhedrin ngago' kasaksiotn palsu supayo Io biso' di ukum mati. ⁶⁰ Tapi, ne'ido' ino' namu akal walaupun manyak saksi dusta nang atokng. Ako' koo ado duo urokng nang muok, ⁶¹ lalu bakato, "Aku mampu ngarobohotn Bait Allah lalu ngamuati' io agi' doopm waktu taLu ari." ⁶² Ako' koo, Imam Ayo' badiri lalu bakato ka Yesus, "ino' biso nyahu ge Kau? Dameo nang urokng-urokng nyian nyaksiotn ka Kau?". ⁶³ Tapi, Yesus tatap diam. Lalu, Imam Ayo' koo ba kakto k Yesus, " Aku nyumpahi' Kau atas namo Allah nang idup supayo Kau ngatootn ka kami, memang Kau ge' Mesias, Anak Allah?" ⁶⁴ Yesus bakato ka Io, "Kau sandiri' dah ngatootn io. Tapi, Aku ngatootn nang sabanare ka kau bahawo mulai' kanio' kaupasti nanang Anak Manusio duduk ka sabaloh kanan nang Mahakuaso, lalu atokng ka atas awan ka angit." ⁶⁵ Ako' koo, Imam Ayo' ngarantak pakeane, lalu ba kato, "Io dah makatai'! Paralu ge agi' para saksi? Tanang, kanio' kito' dah nangar kata-E. ⁶⁶ Ayamae(Jamae) pandapat kito'" Para pamimpin Yahudi koo nyahut "Io pantas d ukum mati." ⁶⁷ Ako' koo, ne'ido' ngaujahi' muha-E lalu dininju. Lalu, nang lain nampari' Io. ⁶⁸ Ne'ido' bakato, "Banubuatlah ka kami, hei Mesias; sape ge' nang mangkong Kau?" PETRUS INO' NGAKOI' YESUS ⁶⁹ Kanio', Petrus duduk ka uas kaangan lalu seko' palayan ambini atokng ka io lalu ba kato, "Kau ugo' barage ba Yesus, urokng Galilea koo.". ⁷⁰ Tapi,Petrus masangkootn io ka adapotn ne'ido' samuae, ja katae, " Aku ino' nahui' dameo nang kau ngatootn." ⁷¹ Waktu Petrus kauar ampat ka pintu garabang, palayan ambini nang laine nanang io lalu ba kato ka urokng-urokng nang ado di koo, "Urokng nyandeh nang barage ba Yesus ampat ka Nazaret koo." ⁷² Lalu, sakai agi' Petrus masangkootn io ba sumpoh, "Aku ini' kanal ka urokng koo." ⁷³ Ino' lamo ako' koo, urokng-urokng di koo nyeketi' Petrus lalu ba kato, "Pasti kau nyian ugo' saloh seko' ampat ba ne'ido' karamo ayunan katangu nang sabayo ngamuat kau jalas." ⁷⁴ Ako'koo, Petrus mulai nyumpoh lalu ba sumpoh ja katae, "Aku ino' kanal Urokng koo." Lalu, tibo-tibo, manok aki ngokok. ⁷⁵ Lalu, Petrus taringat ka kato Yesus, " Sanape' manok aki ngokok, kau pasti masangkootn Aku talu kai." Ako' koo, Petrus kauar lalu nangis maraso sadih sidi.