¹ Ako'koo, Yesus bakato ka urokng rami ba murid-murid-E, ² "Para ahli Taurat baurokng Farisi duduk ka atas bangku Musa. ³ Karamo koo, samuo hal, samanyak nang ne'ido' ngatootn ka kau, karajaan ba paratiotnlah. Tapi, ame turuti' kalakuan-kalakuane karamo ne'ido ngatootn io, tapi ini' ngarajaan io. ⁴ Ne'ido ngikatotn tanggongan-tanggongan nang barat ka atas bahu urokng lain. Tapi, ne'ido' ajo' bai' ngaih ba jari ne'ido'. ⁵ Ne'ido' ngarajaan samuo pabuatane biar di tanang urokng. Ne'ido' nganyakngi' tali-tali sambayange lalu ngayai' rumbe-rumbe ujukng jubahe. ⁶ Ne'ido' suko tampat nang. tahormat doopm pajamuan, tampat duduk nang ka muho doopm sinagoge-sinagoge, ⁷ salam hormat katampat -tampat umum, lalu urokng-urokng nyabut io Rabi. ⁸ Tapi, kau ame di sabut rabi karamo kahe seko' Gurungu, lalu kito' samuo ba kamaru'. ⁹ Ame nyabut sape sajo' jadi bapakngu ka dunio nyian karamo seko' ajo' Bapakngu, Io nang ado ka Sarugo. ¹⁰ Ame ugo' kau disabut pamimpin karamo seko' ajo' pamimpinngu, kahe Kristus. ¹¹ Tapi, nang paling kayo' di antarangu, iolah nang jadi palayanngu. ¹² Sape nang ningiotn diri'e pasti di babohotn lalu sape nang mabohotn diri'e io pasti di tingiotn. ¹³ Cilakolah kau, ahli-ahli Taurat ba urokng-urokng Farisi, urokng-urokng munafik! Kau nutup pintu Sarugo ka muho urokng karamo kau sorokng ino' taamo' lalu ino' ugo' muihotn ne'ido' nang mao' taamo'. ¹⁴ Cilakolah kau, he ahli-ahli Taurat ba urokng-urokng Farisi, urokng-urokng Munafik! Kau ngicakngi rumoh para jande lalu sa' kau ba puro'-puro' ngamuat doa-doa nang anyokng. Karamo koo, kau pasti narimo' ukuman nang labih barat. ¹⁵ Cilakolah kau, he ahli-ahli Taurat ba urokng-urokng Farisi, urokng-urokng munafik! Kau majaatni' lautan ba tanoh sa' nabanano' urokng taamo' ka agamangu Lalu, waktu io dah masok , kau ngamuat io anak narako, dua kai lipat dari pado kau ¹⁶ Cilakolah kau, he para pamimpin buto', nang ba kato "Sape nang ba sumpoh atas namo Bait Allah, nang koo ino' ado artie. Tapi, sape nang ba sumpoh atas namo amas Bait Allah, io tarikat ba sumpahe koo." ¹⁷ Kau, nang bodo ba nang buto'! mae nang paling kayo', amas ato Bait Allah nang ngudusotn amas koo? ¹⁸ Lalu, sape nang ba sumpoh atas namo Altar,sumpoh koo ino' ado artie. Tapi, sape nang ba sumpoh atas namo pasambohotn ka atas altar koo, io tarikat ba sumpahe koo.' ¹⁹ He kau urokng-urokng buto'! mae nang paling ayo', pasambohotn ato altar nang ngudusotn pasambohotn koo? ²⁰ Karamo koo, sape nang basumpoh atas altar, basumpoh atas altar ba samuo nang ado ka atase. ²¹ Lalu, sape nang basumpoh atas Bait Allah, basumpoh atas Bait Allah ba atas Io nang diopm ka daapme. ²² Lalu, sape nang basumpoh atas Sarugo, basumpoh atas takhta Allah, lalu atas Io nang duduk ka atase. ²³ Cilakolah kau,he ahli-ahli Taurat ba urokng-urokng Farisi, urokng-urokng munafik! Kau mare' pasapuluhatn ngu ampat ka salasih, adas manis, jintan, tapi dah ningootn hal-hal nang labih barat dari Hukum Taurat, macam kaadilotn, balas kasihotn, ba iman. Hal-hal nyianlah nang saharuse kau karajaan tapi ino' ningootn hal-hal nang lain. ²⁴ Kau pamimpin-pamimpin buto', nang nyaring nyamuk lalu nootn unto seko'! ²⁵ Cilakolah kau, he ahli-ahli Taurat ba urokng-urokng Farisi, urokng-urokng munafik! Sabab, kau marasihotn bagian uas galas ba pingatn ngu, tapi bagian doopme baisi' rampasotn ba kasarakohotn. ²⁶ Kau, urokng-urokng Farisi nang buto'! Barasihotn doho' bagian doopm galas ngu ba pingatn ngu, baru' bagian uase ugo' biso jadi barasih. ²⁷ Cilakolah kau, ahli-ahli Taurat ba urokng-urokng Farisi, urokng-urokng munafik! Sabab, kau sabayo angayo patunuan nang di ngacat putih, bagian uase gari' gagas, tapi bagian doopme baisi' ba tuokng-tuokng urokng mati ba samuo kanajisot. ²⁸ Jakoo ugo' kau, ka uar kau gari' banar ka manusio. Tapi, bagian doopm kau baisi' ngan kamunafikotn ba kajahatotn. ²⁹ Cilakolah kau, ahli-ahi Taurat ba urokng-urokng Farisi, urokng-urokng munafik! Sabab, kau ngamuat patunuan para nabi lalu ngagasi' nisan-nisan urokng-urokng saleh, ³⁰ lalu ba kato, 'Kalo kami dah idup jaman nenek moyang kami, kami ino' campur tangan ba ne'ido' doopm daroh para nabi.' ³¹ Kalo jakoo, kau ba sakai atas diri' ngu sandiri' bahawo kau nyian anak-anak ne'ido' nang munuhi para nabi. ³² Jadi, ganapi'lah ukuran para nenek moyang ngu. ³³ Kau. uar-uar katurunan uar baludak, jamae kau ngapasatno' diri' ngu dari ukuman api narako? ³⁴ Karamo koo, Aku ngiriman nabi-nabi, urokng-urokng bijaksano, ba ahli-ahli Taurat ka kau. Sangape dari ne'ido pasti kau bunuh ba kau salipotn, sangaepun pasti kau pangkongi' di sinagoge-sinagoge ngu, lalu kau ngarumayo' dari kota ka kota , ³⁵ supayo samuo daroh urokng-urokng banar nang di tumpohotn ka tanoh paati atokng ka kau, mulai' mulai' daroh Habel, urokng nang banar koo, sampe ka daroh Zakharia, anak Berekhya, nang kau munuh di antaro Bait Allah ba altar. ³⁶ Sasungguhe, aku bakato ka kau bahawo samuo hal-hal nyian pasti atokng atas katurunan nyian." UKUMAN BAGI YERUSALEM ³⁷ "Oh Yerusalem, Yerusalem nang munuhi' para nabi lalu ne'ido nang di ngirim ka io dinabaki ba batu. Raso salalu Aku ngumpulano' anak-anakngu sabayo-bayo, angayo uyukng manok ngumpulan anak-anake ka baboh seape, tapi kau bai'. ³⁸ Tananglah, rumahngu kau ningaatni' jadi sunyi'. ³⁹ Sabab, Aku ngatootn ka kau bahawo mulai' kanio' kau dah ini' nanango' Aku agi' sampe kau ba kato, 'Dibarakatilah Io nang atokng doop damo Tuhan.""