¹ Yesus ba kato agi' ka ne' ido' doop parum pamaan-parumpamaan, ja kata-E ² "Karajaan Sarugo biso di umpamaan angayo rajo nang ngadotn pesto panganten anak angakie. ³ Lalu, io nyuruh ambo-amboe( kuli-kulie )nyaru' urokng-urokng nang dah di ngundang ka pesto koo, tapi ne'ido' bai' atokng. ⁴ Lalu, rajo koo nyuruh agi' kuli kulie ( ambo-amboe)nang lain, ja katae, 'Batakotnlah ka urokng-urokng nang di ngundang, Tanang, aku dah nyiapotn pamakananku. Sapi-sapi angaki ba piharootn-piharootn nang mano' samuae dah ku nyambaleh,lalu, samuae dah siap. Atoknglah ka pesto panganten nyian.' ⁵ Tapi, ne'ido' ino' paduli lalu badariatni', seko'. ka umae, nang lain ka usahae, ⁶ lalu nang laine nangkapi ambo-ambo (kuli-kuli) rajo koo, di nyikso, lalu ne'ido' munuhi'. ⁷ Mangkenyo, sang rajo berobat, lalu io ngirim tantara-tantarae, binasootn pambunuh-pambunuh koo, lalu di nunu koto ne'ido'. ⁸ Ako' koo io ba kato ka amba-ambae, 'Pesto panganten dah siap, tapi urokng-urokng nang dingundang koo ino' pantas. ⁹ Mangkenyo, ampuslah ka marago-marago rayo' lalu undanglah sangape manyak urokng nang biso kau tamui' ka pesto panganten nyian.'. ¹⁰ Mangkenyo ambo-ambo koo ampus ka marago-marago ngumpulotn samuo urokng nang ns'ido' namui', nang baik ba nang jahat. Lalu, tampat panganten koo dah baisi' ba para tamoe. ¹¹ Tapi, waktu rajo taamo' batamuo' ba para tamoe-e, io nanang ado ba urokng di na'un, nang ino' ba pakean pesto pesto panganten. ¹² Io ba kato ka urokng koo, 'Kamaru' jamae kau niso taamo' ka sio kalo ino' ba pakean sa' pesto panganten?' Lalu, urokng koo tadiam. ¹³ Ako' koo rajo koo bakato ka amba-ambae, 'Ikatlah kokot ba pahae, lalu tabakotnlah io ka doopm kagalapotn nang paling uas. Dinaun, pasti ado tangis ba garek gigi.' ¹⁴ Sabab, manyak urokng dinyaru', tapi sadikit nang di milih." USOHO PAMIMPIN YAHUDI SA' NGAJANAHANIO’ YESUS ¹⁵ Ako' koo, urokng-urokng Farisi ampus lalu ba pakat supayo ne'ido' biso ngajanahani' Yesus ba kata-E. ¹⁶ Lalu, ne'ido' ngirim murid-murid ne'ido' ka Yesus, barage ba urokng-urokng Herodian. Ne'ido' ba kato, "Guru, kami nahui' bahawo kau jujur lalu ngajarotn marago Allahdoopm ka banarotn. Kau ini' gai' ka sapepun karamo Kau ino' nanang rupo. ¹⁷ Kalo jakoo, katootnlah pandapat-Ngu ka kami. Dibanarotn ge mayar pajak Ka kaisar ato ino'?" ¹⁸ Tapi, Yesus nahui' kajahatotn ne'ido' lalu bakato, "Dameo kau nyobai' Aku, He munafik? ¹⁹ Tojokotnlah ka Aku duit pajak koo." Lalu, ne'ido' nyarohotn sakapikng dinar ka Io. ²⁰ Lalu,Io ba kato ja ne'ido', "Gabar ba tulisan sape ge nyian?" Ne'ido' nyahuti', "Kaisar." ²¹ Ako' koo, Yesus bakato ka ne'ido', "Karamo koo, bayarlah ka kaisar dameo ajo' nang nu' kaisar, lalu ka Allah dameo ajo' nang nu' Allah." ²² waktu nangar io, ne'ido' ta heran-heran, lalu ningootn Io dari. USOHO UROKNG SADUKI SA' NGAJANAHANIO’ YESUS ²³ Ari koo ugo', urokng-urokng Saduki, nang bakato bahawo ino' ado kabangkitotn, atokng ka Yesus lalu batanyo' ka Io. ²⁴ Ne'ido' bakato, "Guru, Musa bakato bahawo kalo angaki mati ino' baranak, kamaru'e angaki arus manganteni' binie lalu narusotn katurunan kamaru'e nang mati koo. ²⁵ Kanio', ado tujuh baradi' di antaro kami. Nang tuho panganten, lalu mati ino' baranak, lalu ningootn binie sa' kamau'e. ²⁶ Jakoo ugo' ba nang ka duo, ka talu, sampe ka nang ka tujuh. ²⁷ Ahire , nang bini koo ugo' mati. ²⁸ Waktu ari kabangkitotn, ambini koo jadi bini sape dari katujuh baradi' koo? Sabab, ne'ido samuae dah manganteni' io." ²⁹ Tapi, Yesus nyahut lalu bakato ka ne'ido', "Kau tasasat, ino' ngarati Kitab Suci mao'pun kuaso Allah. ³⁰ Sabab, pado ari kabangkitotn, ne'ido' nang ino' panganten mao'pun nang di manganteni', tatap angayo malaekat-malaekat ka Sarugo. ³¹ Tapi, manganai' kabangkitotn urokng-urokng mati, nape' ge kau maco dameo nang dah Allah ngatootn ka kau, ³² ' Akulah Allah Abraham, Allah Ishak, ba Allah Yakub'? Io buke' Allah urokng mati, malainkan Allah urokng idup." ³³ Waktu urokng rami nangarotn hal nyian, ne'ido' ta heran-heran ka pangajaran-E UKUM MAE GE' NANG PALING PANTING? ³⁴ Tapi, waktu urokng-urokng Farisi nangar bahawo Yesus dah ngamuat urokng-urokng Saduki tadiam, bakumpulah ne'ido'. ³⁵ Ako' koo , seko' antaro ne'ido', ahli Ukum Taurat, batanyo' ka Yesus ngujio' Io, ³⁶ "Guru, parentoh mae ge nang Paling panting doopm Ukum Taurat?" ³⁷ Lalu, Yesus bakato ka io, "Kau arus ngasihi' Tuhan Allahngu sampe saganap atingu, ba saganap jiwangu, lalh ba saganap pikiranngu. ³⁸ Nyianlah parentoh nang paling ayo' ba pamulo. ³⁹ Nang ka duo s,aparati nyian, "Kau arus ngasihi' sabayo'otngu angayo diri'ngu sorokg.' ⁴⁰ Doopm kaduo parentoh nyian,tagantung samuo Ukum Taurat ba Kitab Nabi." PATANYAAN TANTANG MESIAS ⁴¹ Kanio', samantaro urokng-urokng Farisi bakomo' sabayo-bayo, Yesus batanyo' ka ne'ido', ⁴² "Jamae pandapatngu tantang Kristus? Anak sape ge Io?" Ne'ido' bakato ka Io, "Anak Daud." ⁴³ Io bakato ka ne'ido', "Kalo jakoo, jamae Daud, doopm Roh(sumangat), nyaru' Io 'Tuan', jare, ⁴⁴ Tuhan bafirman ka Tuanku, "Duduklah di sabaloh kanan-Ku, sampe Aku nampatotn musuh-musuh-Ngu ka baboh paha-Ngu.'? Mazmur 110:1 ⁴⁵ Kalo Daud nyaru' Kristus koo 'Tuan', jamae myngkin Io koo anak Daud?" ⁴⁶ Ino' seko' urokng pun nang biso nyahut sapatoh katopun ka Io. Lalu, mulai' ari koo, ino' ado urokng nang barani batanyo'-batanyo' agi' ka Io.