¹ Waktu e'ido' dah samak ka Yerusalem ngaramus ka Betfage, ka bukit Zaitun, Yesus ngirim duo urokbg murid-E; ² Ja kata-E ka ne'ido' "Ampuslah ka kampokng nang ado ka adapotn kito' koo, lalu kito' pasti langsung namu seko' keledai nang ta ikat ba anake. Apasotn ikatatne tabanan ka duoe ka Aku. ³ Kalo ado urokng nang bakato ka kito', kito' arus ba kato, 'Tuhanmaraluotn io," lalu io pasti ngiriman io." ⁴ Hal nyian tajadi supayo taganapilah dameo nang d katoot oleh nabi: ⁵ "Katoot ka putri Sion, 'Tananglah, Rajangu atokng ka kau, baik ati, naik keledai, ba seko' keledai mudo', anak keledai beban. Zakharia 9:9 ⁶ Murid-murid ampus lalu ngarajaan dameo nang Yesus nyuruhotn. ka nek'ido'. ⁷ Ne'ido' nabanan keledai ba anake koo, lalu ne'ido' muangan jubah-jubah ka atas keledai koo, lalu Yesus duduk ka atase. ⁸ Sabagian ayo' ne'ido' koo ngampar jubah-jubahe ka marago, lalu nang laine nataki dohotn kayu lalu, di ngejet ka marago. ⁹ Manyak urokng nang bajoot ka muha-E lalu ne'ido' nang nunootn Io ba kampakotn, "Hosana bagi Anak Daud! 'Dibarakati'lah Io nang atokng doop damo Tuhan.' Hosana di tampat nang paling tingi!" Mazmur 118:25-26 ¹⁰ Waktu Yesus taamo' ka Yerusalem, saluruh kota ribut. Ne'ido' batanyo' Sape ge Io nyian?" ¹¹ Lalu, urokng rami koo nyahut, "Io koo Nabi Yesus, ampat ka Nazaret di Galilea." YESUS NYUCIOTN BAIT ALLAH ¹² Lalu, Yesus taamo' ka Bait Allah lalu ngoser urokng nang ba juo mai di Bait Allah, lalu matungekngi' mejo-mejo panukarotn duit ba bangku-bangku ne'ido' nang nyuo burukng-burukng daro. ¹³ Io bakato ka ne'ido' "Dah tatulis,' Rumah-Ku pasti di sabut rumoh doa,' tapi kau nyadiotn io angayo sarokng parampok," ¹⁴ Lalu, urokng nang buto' ba nang elat atokng ka Io di Bait Allah, lalu Io nyamuhotn ne'ido'. ¹⁵ Tapi,waktu para imam kapalo ba ahli-ahli Taurat nanang nang endoh-endoh nang Yesus ngamuat lalu nanang kamudo'- kamudo' nang ba kampakotn doopm Bait Allah, "Hosana Bagi Anak Daud," ne'ido lalu bero. ¹⁶ Lalu, ba tanyo' ka Yesus, "Nangar ge' Kau dameo jare kamudo'-kamudo' nyian?" Lalu, Yesus nyahuti' ne'ido, "Au, nape'suoh ge kau maco, 'Ampat ka moot bayi-bayi va kamudo'- kamudo' nang nyusu', Kau dah nyiapotn pujian sa'diri'-Ngu sorokng.?" ¹⁷ Ako' koo, Yesus ningootn ne'ido' lalu kauwar ampat ka kota koo ampus ka Berania lalu bamaam kanaun. YESUS NOJOKOTN KUASO IMAN ¹⁸ Kanio', oopm ari, waktu Yesus puokng ka koto, Io maraso kaparotn. ¹⁹ Lalu, waktu Io nanang puhutn aro' ka sisi marago, Io ngampusi tapi ino' namun dameo-dameo, kacuali daukng-dauknge kahe. Lalu, Io bakato ka puhutn koo, "ino' ihane agi kau ba buoho' sampe salama-lamae!" "Waktu koo ugo' puhutn aro' koo marige. ²⁰ Waktu murid-murid nanang io, para murid ta cangang-cangang lalu batanyo', "Jamae puhutn aro' koo pane langsung marige?" ²¹ Lalu, Yesus nyahuti' ne'ido' "Sasungguhe Aku bakato ka kau, kalo Kau ado ba iman lalu ino' bimbang, kau ino' nyo kahe ngarajaano' puhutn aro' nyian, mungkin kau bakato ka bukit nyian, 'Tarangkatlah, lalu tabakotnlahka doopm laut,' nang koo pasti tajadi. ²² Lalu, samuae nang kau minto' doopm doa, picayo'lah, kau pasti narimo' io.' PAMIMPIN YAHUDI INO' PICAYO' KA KUASA YESUS ²³ Waktu Yesus taamo' ka Bait Allah, para imam kapalo ba para tuho-tuho bangso Yahudi atokng ka Io samantaro Io gi' ngajar lalu batanyo', "Ba kuaso dameo bo Kau ngarajaan hal-hal nyian? Lalu, sape ge nang mare' Kau kuaso nyian?". ²⁴ Yesus nyahuti' ne'ido', "Aku ugo' mao' batanyo' ka kito', nang.mae kito' biso nahui , Aku ugo' pasti mataki' kau ba kuaso dameo Aku ngarajaan samuae nyian. ²⁵ Ampat kamae ge' baptisan Yohanes? Ampat ka Sarugo ge ampat ka manusio?" Lalu, ne'ido' mulai marukuman io ka sabayaatne, jare, "Kalo diri' ba kato, 'Ampat ka Sarugo,' Io pastj bakato, 'Kalo jakoo, dameo kau ino' picayo' ka Yohanes?' ²⁶ Tapi, kalo diri nyahut, 'Ampat ka manusio.'diri' gai' ka urokng rami karamo ne'ido' samuae nganggap bahawo Yohanes koo nabi." ²⁷ Kenyo ne'ido' nyahuti' Yesus, "Kami ino' nahui'." Lalu, Yesus bakato, "Kalo jakoo, Aku ugo' bai' mataki' kau make kuaso dameo Aku ngarajaan hal-hal nyian." PARUMPAMAAN TANTANG DUO UROKNG KAMUDO' ²⁸ Tapi, dameo pandapatngu? Ado ado urokng nang baranak duo aki-aki, io atokng ka nang seko' lalu bakato, 'Anakku, ampus lalh bakarajolah ari nyian ka kabon anggur.' ²⁹ Lalu, io nyahuti', 'aulah, Pak,' tapi ako' koo io ino' ampus. ³⁰ Ako' koo, bapok koo ampus kannang ka duo lalu bakato nang sabayo. Kamudo' koo nyahut, 'Bai', tapi io nyasal lalu ampus. ³¹ Sapelah kamudo' baduo koo nang nurut ka bapak-e? Ne'ido' bakato, "nang kaduo (pangabisan)." "Sabanare, aku bakato ka kau bahawo para pangumpul pajak ba palacur-palacur pasti taamo' ka doop Karajaan Allah ngadohoi' kau. ³² Sabab, Yohanes atokng ka kau doopm jootn jabanarotn lalu kau ino' picayo' ka io, tapi, para pangumpul pajak ba palacur-palacur picayo' ka io. Lalu, kau, waktu nanang hal nyian ino' sidi nyasal ako'e jadi kau biso picayo' ka io." PARUMPAMAAN TANTANG AMPU' BA PANYEWO KABON ANGGUR ³³ Dangarlah parumpamaan nang lain. Ado ampun kabon nang nanami' sabooh kabon anggur, lalu masang pagar ka sakalilinge tampat pamarasot anggur, lalu madiriotn manara. Ako' koo, io nyewootn kabon anggure ka sangape urokng patani, lalu io barangkat ka luar nagari. ³⁴ Waktu musim buoh dah ampir nyampe, io nyuruh ambo-ambo-e (kuli) ka patani-patani koo supayo narimo' buahe. ³⁵ Lalu, para patani nangkapi' para pelayan koo lalu mangkong nang seko', munuh nang seko' lalu nang laine d maramakngi' ba batu. ³⁶ Sakai agi', ampu' kabon koo nyuruh ambo-amboe nang lain, labih manyak daripado sanape'e. Lalu, para patani koo ngarajaan hal nang sabayo ka ne'ido'. ³⁷ Ujuknge, ampu' kabon koo nyuruh anake ka ne'ido', ja katae, 'Ne'ido' pasti tunduk ka anak ku.' ³⁸ Tapi, waktu para patani koo nanang anake, ne'ido' ba kato ka sabayaatne, 'Io koo ahli waris, je' diri' munuh io lalu rampas warisane.' ³⁹ Lalu, ne'ido' nangkap anak ampu' kabon koo, di nabakotn ka uas kabon anggur, lalu di munuh. ⁴⁰ Karamo koo, waktu ampu' kabon anggur koo atokng, ameolah nang io karajaano' ka patani-patani koo?". ⁴¹ Ne'ido' ba kato ka Io, "Io pasti binasootn urokng-urokng jahat koo labih jahat agi', lalu nyewootn kabon anggure ka patani-patani nang lain, nang pasti nyarohotn buohe ka io waktu musime." ⁴² Yesus bakato ka ne'ido', "Ano' suoh ge kau maco ka doop Kitab Suci: 'Batu nang tukang-tukang nolak koo dah jadi batu panjuru. Hal nyian tajadi ampat ka pihak Tuhan, lalu hal nyian endoh ja mato diri''? Mazmur 118:22-23 ⁴³ Karamo koo, Aku bakato ka kau, Karajaan Allah pasti di icok ampat ka kau lalu pasti di bare'otn kaurokng-urokng nang ngaselotn buahe. ⁴⁴ Lalu, sape nang janto' ka atas batu nang koo pasti di pacohotn barerangan; lalu sapepun nang katimpo' batu nyian pasti kali'." ⁴⁵ Waktu imam-imam kapalo ba urokng -urokng Farisi nangar parumpamaan-parumpamaan-E, ne'ido' ngarati bahawo Yesus tangoh ngalakarotn tantang ne'ido'. ⁴⁶ Tapi,waktu ne'ido' barusoho na'apo' ( nangkapo') Yesus, ne'ido' gai' ka urokng rami koo karamo urokng nang rami koo nganggap bahawo Yesus koo nabi.