¹ Waktu Yesus dah ako' ba kato- kato, Io barangkat ampat ka Galilea lalu sampe ka daeroh Yudea, ka sabarang sunge Yordan. ² Lalu, karumunan urokng rami manyak nunootn Io, lalu Io nyamuhotn ne'ido' ka koo. ³ Ado sangape urokng atokng ka Yesus nyoboo' Io lalu batanyo', "Memang di banarotn ge angaki nyareotn binie ba macam alasan?". ⁴ Lalu, Yesus nyahuti' ja kata-E, " Ano' ge kau maco bahawo Io, nang nyiptootn ne'ido' samulo jaji, ngamuat ne'ido' angaki ba ambini, ⁵ lalu Io bafirman, 'Karamo koo, angaki arus ningootn bapo'e ba inu'e, laly ba satu ba binie, lalu ne'ido' baduo koo jaji sete' tubuh'? ⁶ Jadi, ne'ido' buke' agi' duo, malainkan sete' tubuh. Karamo koo,dameo nang dah di nyatuotn Allah, manusio ini' muih misohotn io." ⁷ Ne'ido' ba kato ka Yesus, "Lalu, ngameo Musa marentohot mareotno' surat carai lalu nyaraiyotno bini?" ⁸ Yesus ba kato ka ne'ido', "karamo atingu karas, Musa nyuruhot kau nyaraiyotn biningu. Tapi, mulae ianolah jakoo. ⁹ Lalu, Aku ngatootn ka kau bahawo sape ang nyaraiyotn binie, kacoali karamo ba bayo', lalu panganten ba ambini lain, io ba bayo'. " ¹⁰ Murid-murid ba kato ka Io, "kalo angayo nyian masalahe akie ba binie, labih baik ame panganten." ¹¹ Tapi, Yesus ba kato ka ne'ido', "Ino samuo urokng biso narimo' kato-kato nyian, kacoali ne'ido' ado baranak. ¹² Sabab, ado urokng ino panganten karamo memang di maranakotn ampat ka parut inu'e, lalu ado urokng nang ino' panganten karamo di manu'ot urokng lain, lalu ado ugo' urokng nang manu' karamo manu'ot diri'e sak Karajaan Sarugo. Barang sape biso narimo' hal nyian, no' meolah nyoo narimo' io." YESUS BA KAMUDO'-KAMUDO' ENEK ¹³ Ako' koo, ado sangape urokng kamudo' enek di ngantat ka Io biar io biso numpangan kokot-E ka atas kamudo'-kamudo' koo lalu doakan ne'ido'. Tapi, murid-murid ngatai' urokbg-urokng koo. ¹⁴ Tapi, Yesus bakato, " Biarotn kamudo'-kamudo' enek koo. Ame di alangi ne'ido' atokng ka Aku sabab Karajaan Sarugo koo nu' urokng-urokng nang angayo kamudo'-kamudo' nyian." ¹⁵ Ako' Yesus numpangan kokot-E ka atas kamudo'-kamudo' koo, Io dari ampat dikoo. JAMAE NAMU IDUP KAKAL? ¹⁶ Ako' koo, atokng urokng ka Yesus lalu batanyo', "Guru, dameo hal nang baik nang arus aku amuat biar aku namu idup nang kakal?" ¹⁷ Lalu, Yesus ba kato ka urokng koo, "Dameo kau batanyo' ka Aku tantang ameo nang baik? Kahe ado Sete' nang baik. Tapi, kalo' kau mao' taamo' kadoop idup, taati'lah parentah-parentah koo." ¹⁸ Urokng koo batanyo' ka Yesus, "Parentoh nang mae?" 'Yesus nyahut, "Ame munuh, ame ba bayo' ame ngait, ame mare' ka saksiot palsu, ¹⁹ hormati' bapo'ngu ba inu'ngu, lalu kasihi' sabayangu manusio angayo kau ngasihi' diri'ngu sandiri'." ²⁰ Urokng mudo koo ba kato ka -Io, "Samuo hal koo dah ku taati', dameo agi' nang masih kurang?" Yesus ba kato ²¹ ka io, "Kalo kau mao' sampurna, ampus lalu juolah samuo barang ngu nang ado. Lalu, bare'otlah ka urokng sontok, pasti kau ado ba harto ka Sarugo, Je' tuno'ot Aku." ²² Tapi, waktu urokng mudo' koo nangar kato nyian, io ampus sambil ba sadih karamo io kayo sidi. ²³ Lalu, Yesus ba kato ka murid-murid-E, "Aku ngatootn nang sabanare ka kau, susoh sidi urokng kayo biso taamo' ka doop Karajaan Sarugo. ²⁴ Sakai agi', Aku ngatootn ka kau bahawo labih mudoh seko' onto ngalewati' ubokng jarupm daripado urokngkayo taamo' ka Karajaan Allah." ²⁵ Waktu para murid nangar kato koo, ne'ido' jadi heran, lalu ba kato, "Kalo jakoo, sape nang biso di salamatotn?" ²⁶ Sambil nanang ne'ido', Yesus bakato "Ba manusio hal nyian mustahil, tapi ba Allah, samuo hal koo mungkin." ²⁷ Ako'koo, Petrus bakato ka Io, "Tananglah, kami dah ningootn samuae lalu nuno'ot Kau. Jadi, dameo nang mao' kami tarimo'?" ²⁸ Lalu, Yesus bakato ka ne'ido', "Aku ngatootn nang sabanare ka kau bahawo kau, nang nuno'otn Aku kadoopm dunio nang barahu, waktu Anak Manusio duduk ka takhta kabasaran-E, kau ga'e pasti duduk ka atas dua balas takhta sa' ngakimi' kadua balas suku Israel. ²⁹ Lalu, satiap urokng nang dah ningootn rumoh, kamaru' angaki, kamaru' ambini,bapo', inu', kamudo'-kamudo' ba umae karamo dama-Ku pasti narimo' saratus kai lipat lalu pasti mawarisi' idup nang kakal. ³⁰ Tapi, manyak urokng nang doho' jadi dudi, lalu nang dudi jadi doho'."