¹ NASIHAT ONTOK ANAK-ANAK BA UROKNG TUHO. Anak-anak,taatilah urokng tuhongu di doop Tuhan karano angkowo hal nang banar. ² Hormatilah bapa ba umakngu ,anyianlah parentoh nang pertama nang mengandung janji. ³ Supayo baik kaadaanngu serta kanyok umur kauu ka bumi. ⁴ Bapok-bapok amelah ngamuat anak-anak manjadi bero tapi didiklah ne'idok doop ajaran ba nasehat Tuhan. NASEHAT ONTOK HAMBA NANG TUAN. ⁵ Hamba-hamba,taatilah tuanngu nang ado kadunio nyian nang gaik ba gentar nang sapanuh ati angayo kauu taat ka Kristus. ⁶ Ame angayo urokng nang ngarajaan pakarajaan ka adapot urokng supayo urokng kowo sanang tapi angayo hamba-hamba Kristus nang saganap ati ngarajaan dameo nang Allah mao. ⁷ manjaanan palayanan nang saganap ati angayo malayani Tuhan bukek malayani manusio. ⁸ kauu nahui ,antoh iyo kowo hamba ato nyo urokng nang bebas kalo iyo ngarajaan hal nang baik iyo akan narimo balasan ampat ka Tuhan ⁹ Tuan-tuan,pabuatlah jakowo ugo ka hamba-hambangu barantilah mengancam ingatlah Tuhanngu ba Tuhan nek ido' sabayo-bayo ado ka subayot agik pula Tuhan anok pilih kasih. PAKELAH SAMUEE SANJATO ALLAH. ¹⁰ Akhire ,jadilah koat doop Tuhan doop koat kuasa e. ¹¹ Pakelah saluruh perlengkapan sanjato Allah supayo kauu dapat batahan malawan tipu muslihat ibalis. ¹² sabab pajuangan diri bukek ngalawan daroh nang daging malainkan ngalawan pamarentoh-pamarentoh ,panguaso kagalapan, ngalawan roh-roh jahat nang ado ka udaro. ¹³ mangkae pakelah saluruh palengkapan sanjato Allah supayo kauu dapat batahan pa do ari nang jahat. kowo atok,kauu tatap badiri tegak. ¹⁴ Jadi badirilah taguh,baikat pingok kabanaran,ugok babaju jirahkan kaadilan ¹⁵ Bakasot kareloot ontok maritoot injil damai sejahtera. ¹⁶ Doop sigale sasuatu pakelah parisai iman ontok madaman samuee panoh api ampat ka sijahat. ¹⁷ icok katopong kasalamatot ba padang Roh , koolah iyo Firman Allah, ¹⁸ Badoalah satiap waktu ka Doop Roh samuee doa ba pamohonan, Bajago-jagolah ka doop doa ngu nang sigale katekunan sambil badoa ontok samuee urokgh kudus. ¹⁹ Badoalah ugok onto aku sup a yo waktu aku bakato, Baku dibare paka toot sehingga Baku barani nyampeot barito injil. ²⁰ Karano Injil nyianlah aku di utus ,badoalah supayo aku bar ani nyampeot iyo jamae seharuse aku bakato. ²¹ Thikikus, kamarukghku saiman ugok palayan nang satia di doop Tuhan, akan ma dohot sigale sasuatu ka kau supayo kau nahui jamae kaadaanku ba dameo - dameo nang ku ngarajaan. ²² Aku nyuruhot iyo ka kau nang tujuan supayo kau nahui kabar kami agar iyo biso ngibur atingu. ²³ Salam damai sejahtera ontok kamarukgh -kamarukgh saiman, kasih karunia dari Allah Bapa ba Tuhan Yesus Kristus. ²⁴ Kasih karunia menyertai samuee urokgh nang mengasihi Tuhan diri Yesus Kristus ba kasihe nang anok binaso.