¹ Kowolah makae,aku, urokng nang di minjaro karano Tuhan, nasihati diri' ngu supayo idupngu ba padanan ba panggilanngu. ² Nang sigale karendahan hati ba kalembutan,nang kasabaran,sabayo-bayo nanggung Beban doop kasih, ³ barusoholah sakoat tanago ontok miharo kasatuan Roh doop ikatan damai sejahtera. ⁴ Satu tubuh ba satu Roh, angayo diri' dah di nyaru' ka doop sete' pengharapan nang ado ka doop panggilanngu, ⁵ sete'Tuhan, sete' iman ba sete' babtisan, ⁶ Sete' Allah ba Bapa samuee, nang di atas samuee, ba didoop samuee. ⁷ Tapi ka diri' nyian masing- masing dah di mareot kasih karunia manurut ukuran nang kristus nyadioot. ⁸ kowolah mangkae jare nas : " Waktu Iyo naik ka tampat tinggi,Iyo nabanan tawanan- tawanan,Iyo mare kuaso Roh ( karunia roh kudus) ka manusio." Mazmur 68 : 19 ⁹ Dah di madohot,"iyo telah naik"bukek ge angkowo baarti iyo dah turuth ka bagian bumi nang paling baboh? ¹⁰ Iyo nang dah turuth, iyo ugo nang naik labih tinggi Dari pado samuee langit ontok nginsii sigale sesuatu. ¹¹ Iyolah nang dah mareot,baik rasul- rasul,maupun nabi- nabi,baik panginjil- panginjil maupun gembala- gembala ba pangajar- pangajar, ¹² ontok ngalengkapi urokng- urokng kudus doop pakarajan palayanan,ontok pembangunan tubuh Kristus, ¹³ Sampe diri' samuee nyapai kasatuan iman ba pengetahuan akan Anak Allah, dewasa sapanuhe ba tingkat patumbuhan nang sasuai ba kapanuhan Kristus. ¹⁴ Jakowolah diri' nyian bukek agik anak- anak nang di ombang- ambingkan bamàcam- macam angin pangajaran oleh tipuan manusio doop kalicikan nang nyasatot, ¹⁵ sabalike nyampeot kabanaran di doop kasih, diri' akan batumbuh doop sigale hal ka arah Dia,nang jadi kapalo iyolah kristus. ¹⁶ Ampat ka iyolah samuee tubuh tasusun rapi di ikat manjadi sete' oleh palayanan samuee bagian sasuai ba pakarajaan tiap-tiap anggota narimo patumbuhanne sambil mambangun diri'e doop kasih. Caro idup di doop Kristus ¹⁷ Kowolah mangka kukatoot ba kutagasot ka diri' ngu di doop Tuhan,ame agik kauu idup angayo urokng nang anok picayo,nang idup ba pikiranne nang sio- sio. Ugo'k ¹⁸ pamahaman ne' ido'k dah galap, jauh ba kaidupot karena kabodoot nang ado ka diri' kito'k olehkarena kadegilan ati kito'k. ¹⁹ parasaan ne' idok dah tumpu ,sampe ne'idok nyarohot diri' e ka hawo napsu ugo'k ngarajaan sigale macam kacemaran ba keserakahan. ²⁰ Tapi kauu bukek ayakowo .kauu dah balajar nganali Kristus. ²¹ Karena kauu dah nangar tentang Iyo ugo'k narimo pangajaran ampat ka Iyo manurut kabanaran nang nyato ka doop Yesus, ²² Kauu harus ningoot manusio lamongu,bahubung nang coro idupngu nang lamo nang akan binaso oleh nafsue nang nyasatot. ²³ Barahui'lah roh ba pikiranngu. ²⁴ Kanaanlah manusio barahu nang dah di ciptoot manurut kamaoan Allah doop ka banarot ba kakudusan nang sasidie. ²⁵ mangkae ame pangalok,bakato nang banar ka samuee urokng karano diri sete' tubuh. ²⁶ Kade kauu bero,ame babuat doso. Ame sampe mata ari dah tabanam,kauu masih bero. ²⁷ Ame mare'k kasampatot ka ibalis. ²⁸ Urokng nang pangait ame agik ngait. labih baik iyo bakarajo karas ba ngarajaan pakarajaane sandiri supayo iyo biso magi-magiot dameo nang ado ka iyo ka urokng nang bakakurangan. ²⁹ Ame sampe ado pakatoot cacok kauwar ampat ka mootngu,tapi pakelah kato-kato nang gagas ontok mangoatot ,kade paralu , supayo urokng nang nangar iyo di barakati. ³⁰ Ame ugok kauu ngamuat Roh Kudus Allah basedih, Iyolah nang dah memetraikan diri'ngu onto ari panyalamatot. ³¹ Buoklah ba macam-macam kapahitot ,kageraman, kaberoot,pertikaian,ugo kato-kato pitnah,samuee kajahatot jauhi ame sample ado ka kauu. ³² Tapi sabaike kauu ramah ka seko ba nang laine di saratai ba kasih mesra,saling mangampuni angayo Allah di doop Kristus dah ngampuni kauu.