¹ Ampat ka Paulus, Rasul Yesus Kristus oleh kamaoan Allah.Ka pado urokng-urokng kudus do Efesus,Urokng-urokng baiman ka doop Yesus Kristus. ² Pamareot ba damai sejahtera ontok kau ampat ka Allah, Bapa diri' ba Tuhan Yesus Kristus BARAKAT ROHANI DI DOOP KRISTUS. ³ Tapujilah Allah bapo Dan Tuhan diri' Yesus Kristus, nang dàh màrakati' Diri' ka doop Kristus ba satiap barakat rohani ampat ka subayot. ⁴ Sabab Io dah milih diri' ka doop Kristus sanape dunio nyian di pinjawat supayo diri' manjadi kudus Dan anok bacacat cela ka adapot-Te. ⁵ Io dah natapot diri' ampat ka pamulaane ontok di angkat manjadi anak-anake ngalalui Kristus Yesus sasuai ba kasukoot nang kamaokanne. ⁶ Io ngalakuot angkoo ontok kasukoot nang kamuliote nang dah Io. mareot sacaro paracomo kadiri' doop anake nang terkasih. ⁷ Ka doop darahe diri namu penebusan yaitu pangampunan atas palangaran-palangaran diri sasuai ba kasih karuniae. ⁸ Nang Allah bareot ka diri doop sigale hikmat ba pengertian. ⁹ Io dah mataki' diri' rahasia kahendake sasuai ba maksud baik nang io ngarencanakan ka doop Kristus, ¹⁰ Nang Mao di nyaanan waktu kapanuhanne nyampe ontok nyatuot sigale nang ado ka bumi ba nang ado ka subayot ka doop Kristus. ¹¹ Kadoop Kristus diri' dah namu bagian Dari warisan nang dah Io natapot ampat ka samulae sasuai ba rancana-e nang ngarajaan sigale sasuatu doop kaputusan kahendake. ¹² Supayo diri' nang Dari samulo baarap kaYesus Kristus biso manjadi puji-pujian ontok kamulianne. ¹³ Ka doop Dia kito' ugo' dah ako' nangar Firman kabanaran yaitu Injil kasalamatotngu ugo' picayo' ka Io, Dimatraiot pake Roh Kudus nang di nyanjiot. ¹⁴ Roh Kudus koolah jaminan warisan diri' nang manjadi panabusan atas diri' nang nyadiot diri' milik kapunyaan Allah sandiri ontok mamuji kamulianne. DOA PAULUS. ¹⁵ Koo ihanlah mangkae waktu Ku nangar tentang imanngu ka doop Tuhan Yesus ba kasihngu ka samuee urokng kudus, ¹⁶ Aku salalu basukur ontok ngu saat aku taringat ka kau doop doa ku. ¹⁷ Aku badoa ka Tuhan diri' Yesus Kristus agar bapo' sigale kamuliaan, mare' kau Roh hikmat ba panyataan doop pangatahuan akan DOA. ¹⁸ Aku badoa supayo Mato atingu di tarakngi' sample kau biso ngarati pangarapot nang ado ka doop panggilanne, kakayoot nang ado ka doop warisanne nang mulio bagi urokng-urokng kudus, ¹⁹ Ba kakuatan kayo' nang anok ta ukur bagi diri' nang picayo', angayo nang di nunjukot doop kamàhabesaran kakuatatne. ²⁰ Kamahabesaran kakoatatne nyian Io nojokot waktu Io mangkitot Kristus di antaro urokng mati lantas duduk di sabaloh kanan Allah Bapa di subayot, ²¹ nang jauh labih tingi Dari samuee pamarentahan, kakuasaan, kakoatot ba labih tingi Dari samuee namo nang pernah ado, Buke' nyo kanio' sajo' tapi ugo' di kamudian hari. ²² Io naklukot dameo sajo' di baboh pahae ba mare'ot diri'e manjadi kapalo at as dameopun bagi jemaat, ²³ nang adalah tubuhe, Dimae kapanuhanne ngisi'i samuee.