¹ Dari penatua(urok'ng nang di tuho'ot) ka Gayus terkasih, nang ku'gasihi ka'doop kabaik'kot. ² Kamaru'ku nang kugasihi, aku basampok kira'e kau baik-baik ajo ka'doop segala hal, samoga tubuhnyu sehat, sabayo ba'jiwanyu sehat ugo. ³ Sabab, aku karepo'ot sidi takallo kamaru-kamaru atok lalu bacarito manganai kabaik'kotnyu, macam nang kanio anyian kau idup doop kabaik'kot. ⁴ Sukacita-Ku ano ado nang labih ayo dari pado nangar bahwa anak-anakku bajo'ot kadoop kabaik'kot. ⁵ Kamaruku nang terkasih, ka'doop samuo usahanyu untu kamaru-kamaru kau batindak dengan setia, maskipun ne'ido urok'ng lain(asing). ⁶ Ne'ido dah bacarito manganai kasihnyu ka depan jemaat. Kau ma'o babuat nang baik apalagi mantu ne'ido narusoto paja'anan pake caro nang Allah ma'o. ⁷ Sabab, ne'ido dah ampus demi namo ang'koo, tampa narimo ameo pun dari urok'ng-urok'ng nang ano picayo. ⁸ Karano ang'koo, diri harus mantu urok'ng-urok'ng macam ne'ido supayo diri jadi ayuk palayanan untu kabaik'kot Diotrefes ba Demetrius ⁹ Aku dah nulis surat ka jemaat, tapi Diotrefes, nang suko ningian(nonjolot) diri ka antaro ne'ido, bai narimo kami. ¹⁰ Karano ang'koo, kade aku atok, aku mao gingatio io atas kalakuan'ne, nang memfitnah kami ba kato-kato nang jahat! Buke kahe ang'koo ajo, io ugo bai sidi narimo kamaru-kamaru nang atok ba merai ne'ido nang mao narimo kamaru-kamaru ang'koo serta yauh'hoto ne'ido dari jemaat. ¹¹ Kamaruku nang kugasihi, usohlah yontoh nang jahat, malainkan nang gagas. Urok'ng nang babuat baik barasal dari Allah, tapi urok'ng nang babuat jahat, nape nanang Allah. ¹² Samuo urok'ng udoh bacarito nang gagas manganai Demetrius, bahkan ja'koolah carito sasidie. Kami ba carito ugo, lantas kau nahu'i sasungguhe carito kami sidi. Salam Panutup ¹³ Ado manyak hal nang ma'o kutulisot ka'kau, tapi aku bai nulis'soto io ka'kau pake pena ba tinta. ¹⁴ saancange aku ba'arap untu namu io kau lalu diri ma'o bakato sacaro langsung. ¹⁵ Damai sejahtra untunyu. Ayuk-ayuk ka sio bakirim salam untunyu. Sampeot ugo salam kami ka satiap kamaru ka na'an.