¹ karamo diri miliki Janji-janji nyian, hai nang terkasih , je'lah diri marasihot diri ampat ka samuae ka kotorot tubuh lantas sambil nyampurnaot kakudusot doop gai ka Allah. Sukacita Paulus ² bare tampat onto' kami kaati ngu. kami anok basaloh ka sapepon, anok ngarusak sapepon, lantas anok ngicok ontong ampat ka sapepon. ³ aku anok ngatoot nyian onto' nyalohot kau, karamo sabalome, aku dah ngatoot ka kau kade kau ado doop ati kami, onto' mati sabayo lantas idup sabayo. ⁴ kayakinanku kayo atas kau, kabanggaanku kayo ka kau, aku manyak pangiburan, sukacita manyak ka aku doop smuae kasusohot kami. ⁵ makae, waktu kami nyampe ka makedonia, tubuh kami anok tenang, malaenkan dinganiayo dari segala sisi, koolah patangkarot ampat kaluar lantas kagaianan ampat ka doop. ⁶ tapi, Allah nang ngibur urok nang potos asa, ngibur kami waktu Titus atok. ⁷ buke waktu io atok sajo, tapi ugo karamo pangiburan nang ngamuat io tahibur ka doop kau, angayo nang io nyaritoot ka kami tentang kaaleotngu, dukacitongu, semangatngu onto' aku sehingga aku makin basukacito. ⁸ jadi, kadepon aku dah ngamuat kau sedih karamo suratku nyian, aku anok nyasali io. kalaupon aku pernah nysali io, koo karamo aku nanang kade surat koo menyedihkan ati ngu walaupon kahe sesaat. ⁹ kanio aku basukacita, buke karamo kau sedih, tapi karamo kau sedih onto' batobat, karamo kau sedih sasuai nang maoe Allah sehingga kau anok dirugiot doop hal ameopon oleh kami. ¹⁰ makae kesedihot nang sasuai nang maoe Allah ngasilot pertobatan nang anok disasali lantas mimpin kepada keselamatan. namun, kesedihot duniawi ngasilot kematian. ¹¹ makae, paratiotlah sangape manyak kesedihot nang sasuai nang maoe Allah koo ngarajaan onto' kasidiot nang ayo', buktie kade kau anok basaloh, kaberoot, kagaianan, kaaleot, semangat nang pembalasan, di doop segala hal, kau dah muktiot kade kau anok basaloh doop hal nyian. ¹² jadi kadepun aku nulis surat ka kau, hal koo buke onto' kapentingan urok nang babuat saloh lantas buke ugo onto' kapentingan urok nang disalohot, ta pi supayo kasidiotngu ka kami dingatoot ka kau kaadapot Allh ¹³ koolah makae, kami taibur. disamping pangiburan kami koo, kami labih basukacito agi atas sukacito Titus karamo rohe dah dinyegarot oleh kau samuae. ¹⁴ makae, kade aku suoh mangga-manggaot kau ka Titus, aku anok dimaluot. namun, sajamae kami ngatoot segala sesuatu ka kau doop kabanarot, jakoo ugo kabanggaot kami kaadapot Titus batol tabukti. ¹⁵ lantas, kasih sayange ka kau batamboh kayo' kade io ngingat kataatanngu samuae, jamae kau nyambut io atok nang gai lantas gagatar. ¹⁶ aku basukacito karamo doop segala hal aku miliki kayakinan didoop kau.