¹ oleh karamo koo, waktu kami namuot palayanan nyian, sajamae kami namu balas kasihot Allah, kami anok bakenek ati. ² ayamae, kami nolak hal-hal anok gari nang malui diri, anok bajoot doop kalicikot, ato malsuot firman Allah, malaenkan nang ngatoot kabanarot, kami nunjukot diri Kami sandiri ka ati nurani samuae urok kaadapot Allah. ³ makae, kade Injil kami masih tatutup ugo, Injil koo tatutup onto' need' udo nang cilako, ⁴ nang ka antaroe, ilah dunio nang dah mutoot pikiran nang anok picayo makae ne' udo anok biso nanang Tarok kemuliaan In jail Kristus, nang adolah gambare Allah. ⁵ makae, kami anok matakot tentang diri kami sandiri, malaenkan Kristus Yesus koo Tuhan lantas diri kami sandiri sebagai pelayan-pelayanngu karamo Yesus. ⁶ karamo Allah, nang ba firman, "biarlah tarok bacahaya ampat kagalapot," dah bacahayo doop ati diri onto' mare tarok pangatahuan tentang kemuliaan Allah nang ado pado muho Kristus Yesus. ⁷ namun, harto nyian doop bejana tanoh iat supayo kalabihot kuaso koo baasal ampat ka Allah lantas lantas buke ampat ka diri kami sandiri. ⁸ kami dinindas ampat ka segala sisi, tapi anok kano kapet. kami bingung, tapi anok patoh semangat. ⁹ kami dinganiayo, tapi anok ditingoot. kami dinyampakot, tapi anok dimatiot. ¹⁰ kami salalu nabanan kamatiot Yesus doop tubuh kami supayo kaidupot Yesus ugo dingatoot doop tubuh kami. ¹¹ karamo kami, nang idup nyian, salalu dinyarohot ka kamatiot karamo Yesus supayo kaidupot Yesus ugo dingatoot doop tubuh kami nang fana nyian. ¹² jaiyolah kamatiot bakarajo didoop kami, tapi kaidupot bakarajo kadoopngu. ¹³ akan tetapi, dengan adae roh iman nang sabayo, sasuai nang ado tatulis, "Aku picayo, karamo koo aku bakato," kami ugo picayo lantas karamo koo, kami ugo bakato. ¹⁴ makae, kami nahui kade Ia, nang dah mangkitat Tuhan Yesus, akan mangkitat kami ugo sabayo-bayo nang Yesus lantas akan nabanan kami sabayo ba kau Kaadapat-Nya. ¹⁵ makae, samuae hal nyian terjadi onto' kepentinganngu supayo anugrah, nang semakin nyemput manyak urok, biso mareot ucapan sukur onto' kemuliaan Allah. Idup oleh Iman ¹⁶ koolah makanya, kami anok pernah bakenek ati. walaupun tubuh lahiriah kami makin marosot kaadaane, tapi manusio batiniah kami salalu dimarahui Dari demi ari. ¹⁷ makae, mandarito enek nang kanio nyian, ngarajaan onto' kami sabuoh kelimpahan kekal kemuliaan nang malabihi sagala-galae. ¹⁸ kami anok maratiot hal-hal nang gari, malaenkan hal-hal nang anok gari. makae, hal-hal nang gari koolah samantaro sadangkan hal-hal nang anok gari koolah kekal.