¹ Kanio' kaitan ne ngoan pungutan urokng-urokng picayo, macam mae nang udah aku ngarohot jamaat- jamaat ka Galatia, jai'yot ugo' kau ngalakukannyo. ² Ka ari patamo minggu koo, masing-masing kito' nyisoot jukut ba nyimpan io samampu kau sanggup. Lakuot nyian jadi ino ado pungutan pas aku atokng. ³ Ba pas aku atokng, sape pun nang kau satujui', aku mao marintohot barage ba surat-surat untuk nyarohot pasambahan ngu ka Yerusalem. ⁴ Ba kade hal nyian pantas bagiku untuk ampus ugo', ne'ido ugo' ampus barage aku. ⁷ Jukut aku ino mao nanang kau kanio untuk waktu nang seket'. Soalle aku ba'arap make waktu sasaat ba kau, kade' Tuhan ngijinan. ⁸ Tatapi aku mao diop ka Efesus sampe ari Pentakosta, ⁹ soalle pintu tabuko' ayo' bagi ku, ba kanaan manyak munsuh. ¹⁰ Kanio pas Timotius atokng, paratiot pas io barage kau biar ano raso ga'i, soalle io ngalakukan karajaan Tuhan, ngayo nang aku ngalakukan. ¹¹ Ame sekopun ngaupoot io. Bantu lah io doop pajalananne doop damai, supayo io biso atokng ka aku. Soalle aku ngarapot io atokng ngoan kamaru-kamaru. ¹² Nganai' kamaru' diri Apolos, aku nagassot nyorong io ngampusi' kau ba kamaru-kamaru. Tatapi hal nyian buke' kamao'an ne kade io atokng kanio. Jamae pun, io pasti atokng nunggu waktu'e nang tapat. ¹³ Waspada boh, badiri koat ka doop iman, ba tindak ngayo angaki, jadilah koat. ¹⁴ Biarot samuo' nang kau ngalakukan dingalakukan ka doop kasih. ¹⁵ Kau nahu'i kaluarga Stefanus, soalle ne'ido koo nang pertamo batobat ka Akhaya, ba kade ne'ido ngabdikan diri'e sorokng untuk ngalayani urokng-urokng picayo. Kanio aku mandesak kau, kamaru-kamaru, ¹⁶ jadiboh tunduk ka urokng-urokng nang ngayo nyian ba ka samuo' urokng nang mantu doop karajaan ba nang karajo karas ba kami. ¹⁷ Aku kasuko'ot pas ka atangan Stefanus, Fortunatus, ba Akhaikus. Ne'ido ngalangkapot ka ino atangan ngu'. ¹⁸ Soalle ne'ido udah nyagarot rohku ba roh ngu. Jadi, kanali urokng-urokng ngayo' nyian. ¹⁹ Jamaat-jamaat ngriman salam ka kau. Akuila ba Priskila ngiriman salam ka kau ka doop Tuhan, barage ngoan jamaat nang ado ka rumoh ne'ido. ²⁰ Samu'o kamaru nyampeot salam ka kau. Salam satu samo lain ngoan nyium kudus. ²¹ Aku, Paulus, nulis nyian make kokot ku sorokng. ²² Kade urokng ado nang ino ngasihi Allah, kiro nyo io ta'kutuk. Tuhan diri', atoknglah! ²³ Kasih karunio Tuhan Yesus manyertai kau. ²⁴ Kasih ku manyartai kau samu'o ka doop Kristus Yesus. { Babarape version lamo ditamboh,}["Amin."]{Tapi manyak nang barahu ninggo'otnyo'.}