¹ Ahege'k kao ina'k nauan,kamaru'k-kamaru'k jukut aku bakata ka mereka nang nahui'k ukum bahwa ukum bakuasa atas seko'k urakng salama urakng koa idup? ² Karna nang bini dah panganten tarikat ukum ka akie salama akie koa idup.tapi kade'k akie koa dah mati,bebaslah ia dari ukuman akie nang ngikat ia koa, ³ Jaji salama akie idup ia dianggap bazinah,kade'k ia jaji bini nang laki lain; tapi kade'k akie dah mati,ia bebas dari ukum,jaji ia buke'klah bazinah,kade'k ia jaji bini nang laki lain. ⁴ Karna koa,kamaru'k-kamaru'k ku,kao pun dah mati uga'k menurut ukum Taurat karna tubuh Kristus,milik Ia,nang dah dimangkitatn dari antara urakng mati,biar diri'k baguna untuk Allah. ⁵ Karna waktu diri'k masih idup kadaapm dagen,hawa nafsu dosa,nang diransang di ukum Taurat,bakaraja kadaapm anggota-anggota tubuh diri'k,biar diri'k baguna untuk maut. ⁶ Tapi angkitn diri'k dah dimebasatn dari ukum Taurat,karna diri'k dah mati untuk Ia,nang ngurung diri'k,akhire diri'k angkitn ngalayani'k daapm kaadaan barahu manurut Roh ba buke'k daapm kaadaan lama manurut uruf ukum Taurat. ⁷ Kade'k ayakoa,ahelah nang mao,k dikataatn?Ahe ge'k ukum Taurat koa dosa? sakai-sakai ina'k! Sabalike,justru karna ukum Taurat aku udah nganal dosa.karna aku uga'k ina'k nauan ahe koa keinginan,kade'k ukum Taurat ina'k bakata:"Ame ngingini'k!" ⁸ Tapi daapm parintah koa dosa namu kesempatan untuk mangkitatn kadaapm diri'k ku jenis-jenis kainginan;karna tanpa ukum Taurat dosa mati. ⁹ Dee aku idup tanpa ukum Taurat.tapi pas saaka'k atakng parintah koa,dosa mulai'idup, ¹⁰ Sabalike aku mati.ba parintah nang saharuse mare'k idup,ternyata bagiku justru ngicakng ka kamatiatn. ¹¹ Karna daapm parintah koa,dosa namu kesempatan untuk nipu aku ba karna parintah koa ia munuh aku. ¹² Jaji ukum Taurat koa kudus,ba parintah koa pun kudus,banar ba baik. ¹³ Kade'k ayanyian,ada ge'k nang baik koa jaji kamatiatn untuk ku? Sakai-kai ina'k! Tapi biar nyata, kade'k ia koa dosa,jaji dosa ngunaan nang baik untuk ngatangan kamatiatn untuk ku,biar di parintah koa dosa labih nyata agi'k kaadaane sabagai dosa. ¹⁴ Karna diri'k nauan,kade'k ukum Taurat koa rohani,tapi aku basifat dagen,tajua kababah kuasa dosa. ¹⁵ Jukut ahe nang aku minjawat,aku ina'k nauan.Soale buke'k ahe nang aku mao'kan nang aku minjawat,tapi ahe nang aku teget,koalah nang aku minjawat. ¹⁶ Jaji kade'k aku minjawat ahe nang ina'k aku mao'kan, aku satuju kade'k ukum Taurat koa baik. ¹⁷ Kade'k yanyian buke'k aku agi'k nang minjawat iya,tapi dosa nang ada kadaap aku. Karna aku nauan,kade'k kadaapm aku,yakoa kadaapm aku sabagai manusia,ina'k ada ahepun nang baik. ¹⁸ Soale kamao'kan ada ka aku,tapi buke'k hal babuat nang baik. ¹⁹ Karna buke'k ahe nang aku mao'kan,koa nang baik,nang minjawat, melainkan ahe nang ina'k aku mao'kan,yakoa nang jahat,nang aku minjawat. ²⁰ Jaji kade'k aku minjawat ahe nang ina'k mao'kan,jaji buke'k aku agi'k nang minjawatiya, tapi dosa nang diapm ka aku. ²¹ Yakoaihan aku namu ukuman koa: kade'k aku mao'k babuat ahe nang baik,nang jahat koa ada ka aku. ²² Karna kadaapm batin ku aku suka akan ukum Allah, ²³ Tapi kadaapm anggota-anggota tubuhku aku nee'k ukum lain nang bajuang ngalawan ukum akal budiku ba minjawat aku jaji tawanan ukum dosa nang ada kadaapm anggota-anggota tubuhku. ²⁴ Aku,manusia cilaka! Sae ge'k nang mao'k ngalapasatn aku dari tubuh maut nyian? ²⁵ Syukur ka Allah! karna Yesus Kristus,Jubata diri'k.(7-26) Jaji ba akal budiku aku ngalayani'k ukum Allah,tatap ba tubuh insaniku aku ngalayani'k ukum dosa.