¹ Satiap urakng arus taat ka pamarentah nang kaatase,karna ina'k ada pamarentah, nang ina'k barasal dari Allah; ba pamarentah-pamarentah nang ada, dinatapatn di Allah. ² Karna koa barangsae malawan parentahe, ia ngalawan katatapatn Allah ba sae nang ngalakukaniya, dibare'k ukuman untuk diri'ke. ³ Sabab kade'k seko'k urakng babuat baik,ia ame gai'k ka parentah,tapi kade'k ia,tapi kade'k ia babuat jahat. Mao'k ge'k kao idup tanpa gai'k terhadap pamarentah? babuatlah ahe nang baik ba kao pasti namu pujiatn dari ia. ⁴ Karna pamarentah koa amba Allah untuk kabaikatn nyu. tapi kade'k kao babuat jahat,gai'klah ka ia,soale ina'k percuma pamarentah ada ba pedang.pamarentah koa amba Allah untuk malasatn bera Allah untuk mereka nang babuat jahat. ⁵ Karna koa palaru untuk diri'k ngandalikan diri'k,buke'k kahe karna bera Allah,tapi karna uga'k suara ati diri'k. ⁶ Koa uga'klah panyababpe kao mayar pajak. Karna mereka nang ngurus hal koa adalah palayan-palayan Allah. ⁷ Bayarlah ka samua urakng ahe nang harus kao bayar: pajak ka urakng nang bahak narima'k pajak,cukai ka urakng nang bahak narima'k cukai; rasa gai'k ka urakng nang bahak narima'k rasa gai'k ba hormat ka urakng nang bahak narima'k hormat. ⁸ Amelah kao barutakng ahe-ahe kasaepun uga'k,tapi baike kao saling mengasihi'k.Sabab barang sae mengasihi'k sesamae manusia, ia udah nuruti'k ukum Taurat. ⁹ Karna firman: ame ba zinah,ame munuh,ame ngait,ame ngingini'k ba firman lain maepun uga'k,udah tasimpul ka firman nyian,yakoa kasihi'klah sesamanyu manusia tolen diri'k nyu sandiri'k! ¹⁰ Kasih ina'k babuat jahat ka sesama manusia,karna koa kasih adalah kagenapatn ukum Taurat. ¹¹ Hal nyian harus kao lakukan,karna kao nauan kaadaan waktu angkitn, yakoa bahwa saate udah tiba untuk kita'k umpat tidur.karna angkitn kasalamatatn udah samak untuk diri'k dari pada waktu diri'k untuk bisa picaya'k. ¹² Ari udah jauh maam,dah amper siakng.karna koa ijeklah diri'k ngalapasatn pabuatatn-pabuatatn jahat ba mulai'k balajar kabaikatn! ¹³ Jeklah diri'k idup sopan, aya siakng ari, ame bapesta pora ba bakamabukatn, ame suka cabul ba hawa nafsu, ame suka basalisih paham ba iri ati. ¹⁴ Tapi pakelah Jubata Yesus Kristus sabagai perlengkapan senjata tarakng ba amelah ngarawat tubuhnyu untuk kaingianne.