¹ Kamaru'k-kamaru'k,kainginan atiku ba doaku ka Jubata adalah,biar mereka disalamatatn. ² Soale aku bisa mare'k kasaksian tentang mereka,kade'k mereka sungguh-sungguh giat untuk Allah,tapi tanpa pengertian nang banar. ³ Soale, karna mereka ina'k kanal kabanaratn Allah ba oleh karna mereka barusaha untuk madiri kabanaratn mereka sandiri'k,jaji mereka ina'k gai'k ka kabanaratn Allah. ⁴ Karna Kristus adalah kegenapan ukum Taurat,sehingga kabanaratn dinamu tiap-tiap urakng nang picaya'k. ⁵ Karna Musa nulis tentang kabanaratn karna ukum Taurat:"Urakng nang ngalakukan iya,pasti idup karna iya." ⁶ Tapi kabanaratn karna iman bakata yanyian:"ame kataat kadaapm atinyu: Saelah nang naik kasorga?",yakoa:untuk ngicakng Yesus turutn, ⁷ ato:"saelah nang akan turutn kajurang maut?",yakoa:untuk ngicakng Kristus naik dari antara urakng mati. ⁸ Tapi ahelah jakatae? nyian:" Firman koa samak ba kao,yakoa kadaapm mootnyu ba kadaapm atinyu."Koalah firman iman,nang diri'k ngabaratn. ⁹ Karna kade'k kao ngako'k ba mootnyu,kade'k Yesus koa Jubata,ba picaya'k daapm atinyu,kade'k Allah mangkitatn Ia dari antara urakng mati,maka kao akan disalamatatn. ¹⁰ Karna lewat ati urakng picaya'k ba dibanaratn,ba lewat moot urakng ngakok'ik ba disalamatatn. ¹¹ Karna kitab suci bakata:" Saepun nang picaya'k ka Ia,ina'k akan dipasupek'ik." ¹² Karna ina'k dibedaatn antara urakng ba urakng Yunani. Karna, Allah nang sote'k koa adalah Jubata dari samua urakng,kaya untuk samua urakng nang basaru'k ka Ia. ¹³ Karna, saepun nang basaru'k ka dama Jubata,akan disalamatatn. ¹⁴ Tapi yamae mereka bisa basaru'k ka Ia,kade'k mereka ina'k picaya'k ka Ia? ayamae mereka bisa picaya'k ka Ia,kade'k mereka ina'k nangar tentang Ia,kade'k ina'k ada nang ngabaratn Ia? ¹⁵ Ba yamae mereka bisa ngabaratn Ia ,kade'k mereka ina'k di suruh? aya ada tatulis:"Batapa indahe ka atangan mereka nang ngicakng kabar baik!" ¹⁶ Tapi ina'k samua urakng nang dah narima'k kabar baik koa.Yesaya sandiri'k bakata:" Jubata,sae ge'k nang picaya'k ka pangabaratn kami?" ¹⁷ Jaji,iman muok dari panangartn,ba panangaratn dari firman Kristus. ¹⁸ Tapi aku batanya'k: Ada ge'k mereka ina'k nangratn iya? memang mereka udah nangaratn iya:" Suara mereka dah sampe kasaluruh dunia,ba pakataatn mereka sampe ka ujukng bumi." ¹⁹ Tapi aku batanya'k:Ada ge'k Israel nanggapi'k iya? pertama-tama Musa bakata:" Aku minjawat kao cemburu ka urakng-urakng nang buke'k umat ba mangkitatn beranyu ka bangsa nang bebal/bodo." ²⁰ Ba dah barani Yesaya ngataatn:" Aku dah bakenan/mao'k ditamui'k mereka nang ina'k ngagui'k Aku, Aku udah neeatn diri'k ka mereka nang ina'k nanyaan Aku." ²¹ Tapi tentang Israel ia bakata:" Saarianan Aku udah nyooatn kokot-Ku ka bangsa nang ina'k taat ba mantah."