¹ Jaji angkitn hai kita'k urakng-urakng nang kaya, nagislah ba merataplah atas kasusahatn nang mao' nyantui'k kita'k! ² Kakayaatnyu dah buruk, pakean-pakeannyu dah di makant panyanget! ³ Amas ba peraknyu dah ba tagar, lalu tagarre nang jaji kasaksiatn ka kao ba makant dagennyu aya api.Kao udah ngomoan harta pada ari-ari nang terakhir nyian. ⁴ Sabanare udah kadangarat kampak nang aya'k, soale upah nang kao nahan umpat dari kuli nang mebet hasil umanyu, dah sampe ka tarenyekng Jubata semseta alam marecoi'k mereka nang nyabet hasil umanyu. ⁵ Daamp ka kayaatnnyu kao idup bafoya-foya ka dunia nyian, kao udah muasatn atinyu sama baari panyambalehatn. ⁶ Kao dah ngukum, bahkan munuh urakng nang banar nang ina'k mampu ngalawan kao. ⁷ Makae koa, kamaruk-kamaruk, ba sabarlah sampe ka atangan Jubata Yesus! Sabanare patani ngantiaatn asil nang baraga dari tanahe, ia sabar sampe udah turutn ujant waktu musim gugur ba ujant musim semi. ⁸ Kao ugak harus ba sabar ba nguatatn atinyu, soale ka atangan Jubata Yesus udah samak. ⁹ Kamaruk-kamaruk, amelah kao ba sungut-sungut lalu ba salah-salahi'k biar kao inak diukum, sabanare Hakim udah ba diri ka muha pintu. ¹⁰ Kamaruk-kamaruk, turutilah teladan pandaritaatn ba kasabaratn na'k nabi nang bakata demi nama Jubata . ¹¹ Sabanare kami nyabut mereka koa berbahagia, yakoa mereka nang nautu/taat(kade nautu nyian biasae di kataatn untuk mereka nang lebih dari rajin. atau pokus ka sete pakarajaan), kao udah nagar ayamae kataatatn Ayub ba kao dah nauan akhire ahe nang udah di nyiapatn Jubata untoke, Soale Jubata koa Maha penyayang ba penuh belas kasihan. ¹³ Kade ada urakng nang ka antara kita'k nang mandarita, baiklah ia ba doa! kade ada urakng nang karepoatn baiklah ia ba lagu! ¹⁴ Kade ada urakng nang ka antara kita'k nang rongkok, baiklah ia nyarui na'k penatua jemaat, biarmereka koa doaatn ia lalu ngolesie ba binyak atas nama Jubata Yesus. ¹⁵ Ba doa nang muook umpat ka iman bisa nyalamatan urakng rongkok koa ba Jubata Yesus ngumpatatn ia; Kade seandaie ia ba dosa, maka dosae pasti diampuni'. ¹⁶ Makae koa biaralah kita'k koa saling ngakooik dosanyu ba saling ba doaatn, biar kao samu. Doa urakng banar kade picayak di doaatn, aya'k sidi kuasae. ¹⁷ Elia koa manusia biasa sabaya ba diri'k, ia sidi-sidi ba doa biar ina'k turutn ujant, lalu ina'k turutnlah ujant ka tanah salama tiga tahutn anam bulatn. ¹⁸ Lalu ia ba doa ugak tarus angit nurunan ujatn ba tanah pun ngaluaratn buah he. ¹⁹ Kamaruk-kamarukku, kade ada ka antara kita'k nang nyempang dari kabanaratn tarus ada urakng nang ada minjawat ia muakng, ²⁰ Nauanlah, kade saepun nang minjawat urakng nang ba dosa muakng umpat ka maraga nang sasat, ia pasti nyalamatan jiwa/sumangat urakng koa dari maut ba nutupi manyak dosa.