¹ Barang koa harus labih taliti dirik maratiatn ahe nang dah udah dirik dangar, biar dirik ame anyut diicakng arus. ² Barang kade firman nang dingataatn ba parantara malaekat-malaekat tatap balaku, ba satiap palangaran ba ina taat namu balasan nang satimpal, ³ ayamae gek dirik ana bisa lapas, kade dirik nyia-nyiaatn kasalamatan nang ayak koa, nang pamula dibaritaatn di Jubata, ba dangan nang dah nagar, ka dirik ba cara nang dapat di picayaik, sedangkan ⁴ Jubata nguatatn kasaksian kabatne ba tanda-tanda ba mujijat-mujijat ba ka macam-macam tanda kakuasaan ba karna Roh Baraseh, nang dimagi-magiatn di-He sasuai kamaoan-Ne. ⁵ Barang buke ka malaekat-malaekat udah Ia naklukatn dunia nang atakng ana, nang dirik nyuritaatn nyian. ⁶ Ada urakng nang suah mare' kasaksian ka daapm sete' nas, jare: "Ahe gek manusia, sampe Kao ingat ka ia, gek anak manusia, sampe Kao ngarepoatn ia? ⁷ Tapi Kao udah minjawat ia untu waktu nang sidi singkat sadikit labih babah dari pada malaekat-malaekat, ba udah mahkotai' ia ba hormat ba kamuliaan. ⁸ Sagala sasuatu udah Kao nundukatn kababah paha-E." Barang daapm nundukatn sagala sasuatu ka Ia, ina ada sete pun nang Ia ngacualiatn, nang ina tunduk ka Ia. Tapi angkitn nyian nape dirik nee' kade sagala sasuatu udah di nundukatn ka Ia. ⁹ Tapi Ia, nang untu waktu nang sabantar diminjawat labih babah dari pada malaekat-malaekat, yakoa Yesus, dirik nee, nang di singsara kamatian, dimahkotai ba kamuliaan ba hormat, biar di kasih karunia Jubata Ia ngalami maut untu samua manusia. ¹⁰ Barang memang sasuai ba kaadaan Jubata-nang untu-Ia ba di-He sagala sasuatu dinyajiatn-, yakoa Jubata nang ngicakng manyak urakng ka kamuliaan, ugak nyampuranaan Yesus, nang mimpin kabatnne ka kasalamatan, ba panderitaan. ¹¹ Barang Ia nang ngudusatn ba kabatnne nang dingudusatn, kabatnne samua barasal dari Sote'; koalah gasak e Ia ina supe' nyabut dangan koa kamaruk, ¹² Ja kata-E: "Aku ana mao'k matakatn dama-Nyu ka kamaruk-kamaruk Ku, ba muji-muji Kao ka tangah-tangah jemaat," ¹³ ba ugak; "Aku maok narohik kapicayaatn ka Ia, " ba ugak: "Sasidie, nyianlah Aku ba anak-anak nang udah dimareatn di Jubata ka Aku." ¹⁴ Barang anak-anak koa lah anak-anak dari darah ba dagen, koalah Ia ugak jaji sama ba kabatnne ba namu bagian daapm kaadaan kabatnne, biar di kamatiatn-Ne Ia musnahatn ia, yakoa Ibalis, nang bakuasa kaatas maut; ¹⁵ ba biar sacara yakoa ugak Ia mebasatn kabatnne nang saumur idupe ada ka daapm pangambaatn barang gaik ka mati. ¹⁶ Barang sasidie, buke malaekat-malaekat nang Ia ngasihatnni'k, tapi katurunan Abraham nang Ia ngasihatnni'k. ¹⁷ Koalah gasak e, kade' kadaapm sagala parihal Ia harus disamaan ba kamaruk-kamaruk-E, biar Ia jaji Imam Ayak nang narohatn belas kasihan ba setia ka Jubata untu mendamaiatn dosa samua bangsa. ¹⁸ Barang koalah Ia babaro udah menderita di pancobaan, makae Ia bisa nolong kabatnne nang di nyobai'k.