¹ Jadi Aku dah mutusatn untuk bagian ku kade aku inak akan atakng agika kao daapm kaadaan - kaadaan nang nyakiti. ² Kade aku dah ngakibatatn kao padih, sae agi nang bisa minjawat aku senang, sabuke urakng nang dah aku nyakiti. ³ Aku dah nulis ayamae samastie nang dah aku nyusun supaya pas aku atakng ka kao aku sadapat mungkin ina tasakiti, di sae pun nang dah minjawat aku basukacita. ⁴ Karana aku dah nulis ka kao dari pandaritaan nang hebat dan ati nang padih, Malainkan aku mao nahui kadaaman dari kasih nang ada ka aku untuk nyu. ⁵ Kalo urakng dah ngakibatatn kapadihatn, ia inak kahe ngakibatatn koa ka aku, Malainkan, daapm batas tatantu. inak bamaksud talalu kasar ka kao samua. ⁶ Ukuman ka urakng koa oleh samanyak mungkin urakng munkin cukup. ⁷ Maka angkitn dari pada ukuman, kao amponi dan hibur ia. Lakuatn lah hal nyian supaya ia inak di liputi talalu manyak kasadihatn. ⁸ Jadi akuy dorong kao sacara publik kokohatn kasih nyu untuk ia. ⁹ Nyianlah alasan ku nulis. supaya aku sadapat mungkin nguji kao dan bisa nahui ahe ge kao batol - batol taat ka daapm sagala hal. ¹⁰ Kade kao ngamponi sae pun, Aku pun dah ngamponi urakng koa uga. ahe nang dah Aku ngamponi-kade Aku dah amponi ahe aja hal koa udah di amponi demi kao ka kahadirat Kristus. ¹¹ Hal nyian supaya setan inak nipu diri. karana kami inak ngabayatn samua rencana'e. ¹² Pintu udah di buka di jubata untuk ku pas aku atakng ka Troas untuk khotbahatn injil Kristus di naun, ¹³ Walopun ayakoa Aku inak ada kadamaian pikiran, sabab aku inak namu kamarukku Titus di naun, jadi aku ningaatn kabatne dan muakng agi ka Makedonia. ¹⁴ Tapi kirae sukur ka Allah, nang daapm Kristus salalu nuntun kami daapm kamanangan. Malalui kami Ia nyebaratn bau harum pangatahuan nang manse akan Ia di mae - mae. ¹⁵ Karana kami bagi Allah bau harum nang mase dari kristus, kadua'e baik ka sae pun nang di salamatatn mao pun ka antara sae pun nang gi binasa. ¹⁶ Ka urakng nang gi binasa, adalah bau harum kamatiatn ka kamatiatn. ka urakng nang di salamatatn.adalah bau-harum dari kahidupatn ka kahidupatn. sae sih nang layak untuk hal nyian? ¹⁷ Karana kami buke sarupa ba kamanyakatn urakng nang nyua firman Allah untuk ka untungan. Malainkan, kamurnian motivasi - motivasi, kami bakata - kata daapm Kristus. Ayamae kami di utus dari Allah , ka mata Allah.