¹ Nyian lah ka tiga arie aku atakng ka kao." Tiap tuduhatn saharuse di akaatn ngalalui bukti dari dua ato tiga saksi." ² Aku dah ngataatn ka urakng nang badosa sanape'e dan ka samua nang lain pas aku di naun kadua kalie, dan aku kataatn agi: pas aku atakng agi, aku inak akan ngalapasatn kabatne. ³ Aku ngataatn hal nyian sabab kao ngago bukti kade Kristus gi bakata ngalalui aku. Ia inak lamah ka kao, malainkan, Ia panuh kuasa daapm kao. ⁴ Karana Ia dah di salipatn daapm kalamahan, tetapi Ia idup oleh kuasa Allah. karana diri nang lamah daapm Ia, tetapi akan idup ba Ia oleh kuasa Allah ka antara kao. ⁵ Salidiki diri nyu babaro untuk nee kalo kao ada ka daapm iman. ujilah diri nyu babaro, inak me kao sadari kade Yesus Kristus ada ka daapm nyu? Ia ada, kacuali kao inak di akoik. ⁶ Dan aku yakin kade kao akan namui kade kami buke lah nape di akoik. ⁷ Angkitn kami badoa ka Allah kade kao ame ngalakuatn ahe pun nang salah, aku inak badoa kade kami bisa kateeatn dah lewati ujian. melainkan, aku badoa kade kao bisa lakuatn ahe nang batol,meskipun kami bisa saolah - olah dah gagal ujian. ⁸ Karana kami inak sanggup untuk lakuatn ahe pun ngalawan kabanaratn, tetapi kahe untuk kabanaratn. ⁹ Karana kami basukacita pas kami lamah dan kao kuat. kami uga badoa kade kao bisa jaji sampurna. ¹⁰ Aku nulisatn hal -hal nyian samintara aku jauh dari kao, supaya pas aku basama kao aku inak harus batindak kasar ka kao, aku inak gunaan otoritas nang dah Jubata bareatn ka aku untuk ngabangun kao dan buke ngancuratn kao. ¹¹ Akire, kamaruk - kamaruk basukacita lah! bakaraja lah untuk pamulihan, tadorong lah, satuju lah seko ba nang laine, iduplah daapm damai. dan Allah sumber kasih dan damai akan nyaratai kao. ¹² sambut lah seko ba nang laine ba ciuman kudus. ¹³ Samu urakng - urakng picaya mare salam ka kao. ¹⁴ Kirae anugerah dari Jubata Yesus Kristus, kasih Allah, dan persekutuan Roh Kudus nyaratai kitak samua.