¹ Aku harus babangga, tapi inak ada nang di tamahan dihe, tapi aku akan tarusatn ka visi - visi dan wahyu dari Jubata. ² Aku nganal saurakng daapm Kristus ampat balas tahutn nang lalu-baik daapm tubuh mao pun ka uwas tubuh. aku inak nahui. Allah nahui- dah di anggkat ka saruga nang ka tiga. ³ Dan aku nganal urakng nyian-baik daapm tubuh mao pun ka uwas tubuh, aku inak nahui Allah nahui. ⁴ Dah di angkat ka daapm saruga dan nangar hal - hal nang magaik'i untuk urakng kataatn. ⁵ Atas dama urakng nang aya koa aku bamegah, kacuali nganai kalamahan - kalamahan ku. ⁶ Jikalo aku mao babanga, aku inak jaji bodo, sabab aku akan ngataatn kabanaratn, tetapi aku nahan dari babanga, supaya inak seko pun akan bapikir labih dari ku dari pada ahe nang kateeatn ato tadangar dari aku. ⁷ Aku uga akan nahan dari babanga sabab kaluar biasaan ragam wahyu - wahyu nyian, karana koa, duri daapm daging dah di mareatn ka aku, saurakng utusan dari setan untuk nyiksa aku. supaya aku inak jaji talalu sombong. ⁸ Dah tiga kai aku minta ka Jubata nganai hal nyian, untuk Ia angkat dari aku. ⁹ Dan Ia ngataatn ka aku, " Anugerah ku cukup untuk nyu, sabab kuasa jaji sampurna daapm kalamahan." maka aku labih baik manyak babanga nganai kalamahan ku. supaya kuasa Kristus sadapat mungkin natap ka daapm ku. ¹⁰ Karana koa aku puas demi Kristus daapm kalamahan - kalamahan akibate, daapm masalah - masalah, daapm panganiayaan - panganiayaan dan situasi - situasi nang nakan, karana kamie pun aku lamah maka aku kuat. ¹¹ Aku jaji urakng bodo! kao mojokatn aku ka hal nyian, karana aku saharuse dah kao puji, karana aku sama sakai buke labih babah terhadap nang di sabut rasul - rasul hebat, walopun aku inak ada ahe - ahe. ¹² Tanda - tanda nang batol saurakng rasul dah di nunjukatn ka antara nyu ba kasabaran panuh, tanda - tanda ba mujizat dan pabuatan - pabuatan nang luar biasa. ¹³ karana aya mae kao kurang penting dari saluruh dari jemaat - jemaat kacuali kade aku buke suatu beban ka kao? amponi aku untuk hal nyian. ¹⁴ Tee! Aku siap atakng katiga kai ka kao, aku inak akan jaji beban ka kao , sebab aku inak mao ahe nang jaji milik nyu, aku mao kao,karana anak - anak inak saharuse nabung untuk urakng - urakng tuha nang sehat. Melainkan, urakng - urakng tuha nang nabung untuk anak - anak. ¹⁵ Aku paling senang inak gunaan dan di gunaan untuk jiwa - jiwa nyu, jikalo aku labih ngasihi kao, aku kurang di kasihi. ¹⁶ Tapi aya mae adae, aku inak membebani kao, tetapi karana aku talalu caradik, aku lah nang nangkap kao oleh panipuan. ¹⁷ ada ge aku naap kauntungan dari kao ngalalui saurakng nang aku utus ka kao?. ¹⁸ Aku dorong Titus untuk ampus ka kao, dan aku ngutus saudara nang lainba Ia. ahe ge Titus naap kauntungan dari nyu? buke ge kami idup bacara nang sama? buke ge kami idup daapm langkah - langkah nang sama?. ¹⁹ Ahe ge kao bapikir kade salama nyian kami dah macah diri kami sandiri ka kao? ka mata Allah, kami ada ka daapm Kristus terus ngataatn sagala sasuatu untuk nguatatn kao. ²⁰ Karana aku gaik kade pas aku atakng aku inak namui kao sarupa nang aku mao'an, aku gaik kade bisa ada argumen - argumen, kacemburuan, baberaatn, ambisi pribadi, gosip, sombong dan ina taratur. ²¹ Aku gaik pas aku muakng, Allah ku dapat babahatn aku ka adapatn nyu. aku pun gaik kade aku bisa di dukacitaatn di urakng manyak dari kabatne nang dah badosa sampe angkitn, dan nang inak batobat dari ka inak murnian dan moral sexsual sarata hawa nafsu pencabulan nang kabatne praktekatn.