¹ Aku ngahedaki kade kao daapat batoleransi ba aku daapm manyak ka bodoatn, tapi kao batol - batol batoleransi basama aku!. ² Karana aku cemburu nganai kao,aku miliki kacemburuatn nang Ilahi untuk nyu, sabab aku dah bajanji ka kao daapm panganten untuk nang laki, aku dah janjiatn untuk hadiahatn kao aya urakng dara nang kudus ka Kristus. ³ Tapi ayamae pun aku gaik, aya uwar nang dah nipu Hawa pake ka licikatn, pikiran - pikiran nyu bisa ngantat kao ka uwas dari suatu parenungan nang tulus, murni ka Kristus. ⁴ Karana andaikata kade ada urakng atakng nganalatn Yesus nang lain dari nang dah kami kotbahatn. ato andaikata kao narima roh nang beda dari pada nang dah kao nariama. atao andaikata kao narima injil nang lain dari pada nang dah kao tarimakao batoleransi ba hal nyian cukup baik. ⁵ Karana aku bapikir kade aku bukelah nang paling babah di bandingan kabatne nang nyabut rasul - rasul nang hebat. ⁶ Tetapi bahkan kade aku nape talatih daapm mare pakataatn - pakataatn, aku nape talatih daapm pangatahuan. daapm sagal cara dan ka daapm hal nyian kami dah mare nauan ka kao. ⁷ Ada ge aku badosa ngalalui babahatn diriku babaro sahingga kami dapat di tinggian? karana aku sacara bebas kothbahatn injil Allah ka kao. ⁸ Aku dah ngarampok jamaat - jamaat nang lain ngalaui narima dukungan dari kabatne supaya aku bisa ngalayani kao. ⁹ waktu aku basama kao dan aku daapm kabutuhatn, aku ina bebani sae pun. karana kabutuhan ku dah di panuhi di kamaruk - kamaruk nang atakng umpat ka Makedonia. daapm sagala hal aku dah nyaga diriku babaro dari dari suatu beban ka kao,dan akan balanjut ngalakuatn hal koa. ¹⁰ Ayamae kabanaratn Kristus ada ka daapm kukabagaatn ku nyian inak akan di diaman ka bagian Akaia. ¹¹ Ngahe? sabab aku inak ngasihi kao?Allah nauan. ¹² Tapi ahe nang gi aku lakuatn, aku uga akan lakuatn, aku akan lakuatn supaya aku dapat natak kasampatan dari kabatne mao kasempatan untuk di tamuan ayamae diri ada ka daapm ahe nang gi kabatne banggaatn. ¹³ Urakng - urakng nang aya koa adalah rasul - rasul palsu dan pakaraja - pakaraja nang penuh tipu. kabatne nyamar kade kabatne koa rasul - rasul Kristus. ¹⁴ Dan hal nyian, inak heran bahkan setan nyamar diri e jaji malaekat tarakng. ¹⁵ Hal nyian bukelah kejutan nang hebat kalo hamba - hambae nyamar diri kabatnekabatne sabagai hamba - hamba kabanaratn. takdir kabatne akan tajadisatimpal ba parbuatan - parbuatan kabatne. ¹⁶ Aku ngataatn agi amelah saurakng bapikir aku urakng nang bodo. tapi kalo aya koa, tarima lah aku sabagai urakng bodo sahingga aku bisa bangga sadikit. ¹⁷ Ahe nang aku ngataatn nganai kayakinan nang minjawat bangga nyian buke lah di kahendaki Jubata, tetapi aku bakata sabagai urakng nang bodo. ¹⁸ Karana manyak urakng bangga manurut daging, aku akan berbangga uga. ¹⁹ Karana kao repo basama - sama ba urakng - urakng bodo, kao bijaksana bagi diri nyu. ²⁰ Karana kao basama ba urakng nang kalo ia nawan kao, jikalo ia naatn kao, jikalo ia naap kauntungan dari kao, jikalo ia nganggap dirie labih baik dari kao, ato jikalo ia nampar muha nyu. ²¹ Aku akan bakata atas kahinaan kami kade kami talalu lamah untuk hal koa, tapi kalo saurakng bamegah aku gi bakata - kata sabagai urakng nang bodo aku akan bamegah uga. ²² Ahe ge kabatne urakng - urakng Ibrani?, ku uga ahe ge kabatne urakng - urakng Israel? aku uga. ahe ge kabatne katurunan - katurunan Abraham? aku uga. ²³ Ahe ge kabatne hamba - hamba Kristus? aku bakata saolah aku ilang pikiran, aku labih agi, aku dah paranah ka daapm pakarajaan nang labih sulit, ka pinjara - pinjara nang jauh daapm pangkongan, malabihi ukuran, daapm manyak ngadapi bahaya kamatiatn. ²⁴ Dari urakng Yahudi aku narima lima kai, ampat puluh cambukan kurang sote. tiga kai aku di pangkong pake tungkat, sakai aku di tabaki pake batu, ²⁵ tiga kai aku ngalami kapal karapm, aku sa ari sa maam ka laotan luas. ²⁶ Aku dah ba ulang kai daapm pajaanan daapm bahaya ka sunge - sunge, daapm bahaya. parampok daapm bahaya dari umat kubabaro, daapm bahaya buke urakng Yahudi, daapm bahaya ka kotadaapm bahaya ka padang gurun, daapm bahaya ka laotan, daapm bahaya dari kamaruk - kamaruk nang palsu. ²⁷ Aku paranah daapm karaja karas dan daapm kasulitan, daapm maam - maam kurang tidur, daapm kaparatn ba aus, pancah bapuasa daapm kadinginan dan ba,antoatn. ²⁸ Ka luar sagala sasuatu nang lain, ada uga takanan satiap ari atas aku dari kakuatiran untuk samua jamaat. ²⁹ Sae lah nang lamah, dan aku inak lamah? sae sih nang paranah akibatatn tarantuk, dan aku inak tasulut bera? ³⁰ Kade aku harus bamegah, aku akan bamegah nganai ahe nang nunjukatn kalamahan - kalamahan ku. ³¹ Allah dan bapa dari jubata Yesus, Ia nang tarus di puji salamae, nauan kade aku inak pangalok. ³² Ka Damaskus gubernur ka babah raja Aretas gi nyaga kota Damaskus untuk nangkapa aku. ³³ Tapi aku di turunan daapm sabuah karanjang ngalalui jandela ka dinikng, dan aku talapas dari kokote.