¹ Aku Paulus, Aku babaro lah nang mohon ka kao, oleh ka babahatn ati dan kalamutatn Kristus, aku psarah pas aku ka adapatn nyu, tapi aku barani ka kao waktu aku jauh. ² Aku minta kao kade pas aku ada ba kao. aku inak akan parlu jaji jaji barani ba kayakinan diri babaro, tapi aku bapikir aku parlu barani uga pas aku ngalawan kabatne nang ngira kami nyian idup manurut daging, kami nimbang parang koa manurut daging. ³ Walopun kami idup ka daapm daging, kami inak nimbang parang koa manurut daging. ⁴ Karana sanjata - sanjata kami baparang buke lah sacara daging, Melainkan, sanjata - sanjata nang ada kuasa Ilahi untuk ngancuratn benteng - benteng pertahanan. sanajat - sanjata nang ngicakng ka argumen nang sama sakai inak kaliru. ⁵ Kami uga ngancuratn satiap hal nang tinggi nang mao ngalawan pangatahuan Allah, kami naap satiap pikiran nang tertawan ka daapm kataatatn daapm Kristus. ⁶ Dan kami dah siap untuk ukum satiap tindakan ka inak setiaan , segera saat kataatatn nyu ba insi. ⁷ Tee lah ahe nang jalas ka adapatn nyu,jikalo saurakng di yakinan kade ia milik Kristus, biarlah ia ngingat dirie babaro kade ayamae ia adalah milik Kristus, yakoa uga kami. ⁸ Kade pun aku sadikit bangga nang balabihatn nganai otoritas kami, nang dah jubata mareatn ka kami untuk bangun kao dan buke untuk ngancuratn kao, aku inak akan di pasupei. ⁹ Aku bai hal nyian kateeatn kade aku masagaii kao oleh surat - surat ku. ¹⁰ Karana ada urakng - urakng nang bakata, " surat - surate koa sarius dan panuh kuasa, tapi sacara fisik ia lamah, kata - katae inak layak di dangar. ¹¹ Biar lah urakng - urakng nang aya koa jaji sadar, sae kami daapm kata - kata dari surat - surat kami pas kami inak hadir adalah kami nang sama nang akan ada daapm tindakan - tindakan pas kami ada di naun. ¹² Kami inak ampus jauh untuk ngalompokatn diri kami babaro ato bandingan diri kami ba kabatne nang muji diri kabatne babaro, tapi pas kabatne ngukur diri kabatne babaro ba seko ba nang laine, kabatne inak ada pengertian. ¹³ Akan tetapi, kami inak akan ba megah ngalabihi batas dari ahe nang dah Allah tugasatn ka kami, batas - batas nang ngjangkau sajauh kao. ¹⁴ Karana kami inak ngalabih - labihatn diri kami babaro pas kami atakng ka kao, kami nang pamulaan untuk ngajangkau sajauh kao pake injil Kristus. ¹⁵ Kami inak bangga ngalabihi batas - batas nganai karajaan urakng lain. Malainkan, kami baharap iman nyu tarus batumbuh karana bidang kami pun bakaraja akan bakembang pesat. dan masih daapm batas - batas nang pantas. ¹⁶ Kami ngarapatn untuk hal nyian, supaya kami bisa kotbahatn injil bahkan ngalabihi daerah - daerah nyu,kami inak akan bamegah nganai karajaan nang di ngalakuatn ka daerah urakng lain. ¹⁷ Tapi biarlah barang sae nang bamegah, bamegah daapm Jubata. ¹⁸ Karana buke lah sae nang nganalatn dirie ia nang di tarima. malainkan, barang sae nang Jubata kanalatn.