¹ Jajilah urak'ng-urak'ng nang panurut, sarupa aya aku nang nuruti tabiat Jubata. ² Angkit'n aku sidi-sidi muji kita' barang ga' kita' sau ngingat aku ka daap'm sigala hal, ba nyangii' sigala pituah-pituah baik nang ku matakat'n ka kita'. ³ Tapi, aku mao' kita' ngarati kade' kapala tiap nang laki koa Kristus Jubata, kapala nang bini koa urakng nang laki, dan kapala Kristus koa Jubata. ⁴ Tiap nang laki nang badoa ba banubuat ba kapala nang batutup ina' hormat ka kapalae. ⁵ Satiap nang bini kade' badoa atau ge' banubuat ba kapala nang ina' ba tutup, ia sabaya maan menghina kapalae. Nang koa sabaya maan motaki kapalae babaro. ⁶ Kade nang bini bai' nutupi' kapalae, labih baik kade' ia motaki' maan kapalae sampe abis. Tapi, kade'nya parasae supe'i' karna diri'e nang bini natak atau ge' nyukur buuk ka kakapale koa, biar ja' nang bini koa nutupi' kapalae ba kaik'ng. ⁷ Nang laki ina' muih nutupi' kapalae barang ga' ia koa caramin Jubata. ⁸ Nang laki ina' barasal dari nang bini, tapi nang binilah nang barasal dari nang laki. ⁹ Nang laki ina' dipinjawat onto' nang bini, tapi nang bini onot' nang laki. ¹⁰ Angke kuihanlah, nang bini arus ada batanda kakuasaan ka kapalae. ¹¹ Ka daap'm Jubata ina' ada nang bini tanpa nang laki, atau ge' nang laki tanpa nang bini. ¹² Sabape, nang bini barasal dari nang laki, ayakoa uga' nang laki muok dari nang bini. Nang labih panting, sigala nang ada ka dunia nyia asale dari Jubata. ¹³ Coa pikirat'n sidi-sidi, pantas ge' ina' kade' nang bini sambayang nyambah Jubata ina' batutup kapala? ¹⁴ Ina ge' koa nyalahi' aturan alam kade' nang laki babuuk panyak'ng, nang koa hina sasidie. ¹⁵ Tapi kade' nang bini babuuk panyak'ng, nang koa dah sapantase: barang ga' buuk koa dimareat'n ka nang bini sebagai panutup kapalae. ¹⁶ Kade' ada urak'ng nang mau malawan parintah nyian, ina' ada tabiat nang ayakoa ka kami, aduh agi' pakomoan jemaat nang nyambah Jubata? ¹⁷ Waktu mareat'n parintah nyian, aku ina' muji kita' karna kita' bakomo' buke' onto' parihal nang ina' baik, tapi onto' parihal nang ina' gagas. ¹⁸ Ngahe aku matak ayakoa, ayaian, waktu kita' bakomo' sambayanga', aku nangar ada ka antara kita' nang batengkes. Aku picaya', ada sebagian nang ayakoa. ¹⁹ Memang ga' arus ayakuihan supaya kateeat'n sae maan nang tahan uji ka antara kita'. ²⁰ Waktu kita' bakomo', nang koa buke' nya mao' makat'n perjamuan Jubata. ²¹ Waktu makat'n urak'ng naap doho' pamakanane babaro akibate ada nang kaaparat'n, ada nang kamabuk. ²² Ina' ba rumah me kita' onto' makat'n ba nyocoka'? Atau kita' koa memang singaja hane mao' masupe'i pakomoan jemaat karna kabat'ne kodo?? Ahe nang arus aku batakat'n ka kita'? Muji kita'? Tantulah ina'. ²³ Samua nang aku narima' dari Jubata udah aku nyarahat't ka kita', waktu Jubata Yesus dingaloki', naap koeh, ²⁴ aka' basyukur, Ia macah-macahat'n koeh koa sambi bakata Jare, "Nyianlah tubuh-Ku, nanag Aku nyarahat'n ka kita; pinjawatlah aya nang Aku minjawat nyian supaya kita' ina kaupaat'n ka Aku. ²⁵ Ayakuihan, aka' makat'n Jubata lalu naap cung sambi bakata Jare, "Cung nyian tanda perjanjian barahu ka daap'm darah-Ku. Pinjawatlah aya nyian ihan satiap kai kita' nyocok ia, nyian jaji paringatat'n onto' Aku. ²⁶ Jaji, satiap kai kita' makat'n koeh nyian ba nyocok dari cung nyian, kita' udah maritaat'n kamatiat'n Jubata Yesus sampe Nya atak'ng agi'. ²⁷ Jaji, sae nang makat'n koeh koa atau ge' nyaa nyocok dari cung Jubata nyian dengan cara nang ina' sasidie, ia bisà jaji badosa ka tubuh ba darah Jubata. ²⁸ Taino arus nguji diri'e babaro, baru' nya bisa makat'n koeh ba nyocok dari cung koa. ²⁹ Sabape, kade' ada ada urak'ng nang makat'n ba nyocok tapi ia bai' ngakui' tubuh Jubata, ia bisa kana ukum. ³⁰ Angke kuihanlah, ngahe manyak ka antara kita' nang jaji lamah lalu rongko' lalu mati. ³¹ Tapi, kade' diri' nee' ba nilai diri' babaro secara banar, diri' ina' diukum. ³² Tapi, kade' diri' diukum pun, diri jaji diajar di Jubata supaya diri' ina diukum sirage-rage ba urak'ng nang mao' diukum. ³³ Jaji, ayaian boh sigala page kamaru'ku, kade' kita' bakomo' onto' makat'n udah saharuse kita' batungui'. ³⁴ Kade' ada nang kaaparat', sabaike ia makat'n doho dari rumahe supaya ame kita' bakomo' kaheonto' diukum. Parihal nang lain, ku pane ana ngatur ia dudi.