¹ Keo, otu yuba kukwanga, keo tukengeela ngao kuli thiwana ku ithiya kunyima ku Athenithi. ² Keo tutuma Timoteya, oma petu kame mubeleki mukwetu kwa Mulimu mu musebezi wa Kelesite, kumi tiitha na kumi omba-omba mu tumelo, ³ ngao kokuna waniwa wa kunyanganithiwa mou utata. Kakuli omwe no mu limuka ngao no muketiwa. ⁴ Shemwa, otushili nenu notu mi ambela ngao tutamba kunyandithiwa, kame kuna tendaala bene ngeyo, omu kunatendalele. ⁵ Peli libakeli, inooyoka, keo na swanela kuli muka yo tumelo thenu. Ngao mwendi o muetheki ona mietheke, ngao o musebethi wetu upiluke wa mbango. ⁶ Keo Timotea owiya okwetu kutunda okwenu na kutuletela mai mawa no tumelo thenu na lilato. Notu ambela nago mwatu kengeleela nga nako thoshe, kame mwa shukela enene kutumona shina o mu tushukwela natwe kumi mona. ⁷ Baken'isa ei akwetu, mono tuomba-ombiwa okwenu baken'isa o tumelo thenu, na mun'alelwa thetu namu kunyandithiwa. ⁸ Kakuli ngeno twa yoya, omwe aibandi mwa tiyela kwa Mulena. ⁹ Keo o uitumelo upi outukumela ku Mulimu baken'isa omwe, tho tabo thoshe tuna kutumele potho tha Mulimu wetu? ¹⁰ Uthiku na mushinonga twalapela enene ngao tumone ethipolo thoye na ku ekeza ei tokwaala mutumelo thenu. ¹¹ O Mulimu wetu na Iwetu shemwa, na Mulena wetu Jesu,atopelithe e nthila thetu okoye. ¹² O Mulimu akulise mihupulo na kuwapelisa munu na mukwaye, shinomu tu mitendela natwe. ¹³ Ngao atiise e michima thenu ngao thipiluke tho mbula kunyathaala potho tha Mulimu na Iwetu pa kuwiya kwa Mulena wetu Jesu naaye no kukena oshe.