1 Kolintu Kapitulu 8
1
Vunoviuma viakukombeleja kumahamba tunathivuka nguetu tuvoshe tulinamana. Mana akeo alilialetha, vunoni tjilemo tjeketjo tjikoletha mbunga.
2
Ngakuliumo nathinganyeka nguendi nathivuka tjuma tjimo, navuno venekanda atjithivuke ngatjije tjamuviukila kuthivuka.
3
Vunoni umonga ajongola Kalunga ounendi namuthivuka.
4
Ngotjovene mukulia viuma viakukombeleja kumahamba, tunathivuka ngatjije lihamba liahiho hanohathi. Keho kakuethi Kalunga ueka nau mouahi, kuvanga umolika.
5
Muomunambe kulivimo vekutumbula viKalunga nambe kuilu nambe hathi. Ngetjije kuviliKalunga via vingi, navimuene vavengi.
6
Vunoni kulietu kuliKalunga umolika, ikeje tata, ikeje viuma vioshe vinatundu, netutulikuli ikeje. Namuene umo, Jesu Kilistu, ikeje viuma vioshe kuvili, netuhali ikeje.
7
Vunoni kati nguehoni vantu voshe valinamana oo, vunoni vamovanethilila limahamba.
8
Vunoni via kulia kavihatha kutuy vuathetha kumesho aKalunga, nambe katuli. Katuvihana vua, nambe tulia, katu vuahana vua.
9
Vunoni thangamenikuteua mpoko ei jeni ikapua tjilimbikitho kuli vakakutheja.
10
Muomu umonga nakumona ulinamana, natumama mutembele jamahamba mukulia. Nga ikeje mukakutheja, keho mbunge jendi, ikalithimpitika mukulia kuviuma viakukombeleja kumahamba.
11
Muomu manaovemukakutheja akanonga, munanoko uje vene janathililile Kilistu.
12
Keho ngotjo mukuvulumuitha vakueni nakumithathi mbungethavo itheja, mukuvulumuna lalo Kilistu.
13
Ngotjo vene ngaviakulia vishe vuitha mukueni ngakandjililalothitu thitu joshe jajaje kuteua tjimushevuitha.