¹ Makura vaHompa navantje vatungiro kushelikunya ya Jordan mushirongo shandundu, ntani mumavango ghaku lyalyakana kumwe nalifuta lyalinene kumeho ya Lebanon-va Hittites, va Amorites, va Canaanite, vaPerizzites, VaHivites na vaJubusites------- ² Avano kwapongire pamwe mulirawiro limwe, mu kuvareka vita pakatji kaYoshwa na Israel. ³ Opo vaviyuvire vatungi mo vamuGibeone kuhamena ovyo arughanine Yoshwa kwa Jericho ntani na Ai vavo avayitapo lighano lya uyivi. ⁴ Vavo kwayendire yira vantumwa vambudi. Vavo vaghupire vyuma vyaku tavauka ava vitura pavidongi vyavo. Vavo shimpe nka vaghupire ndjato da kukurupa nakutavauka kavashimbiranga vyakunwa ava dino ndjayiki. ⁵ Ava tura vicapa vyakundembauka navi vyakukurupa kumpadi davo, nakudwata mudwato wa kukurupa, nakutavauka. Mboroto nadintje dakaliro mundjugho yavo yakuyotera adikukuta nakuunda. ⁶ Makura avayendi kwa Yoshwa mumararo muGilgal aghamba kwendi naku vantu va Israelm, '' Twa yendire kushirongo shaure unene, weno renkenu likukwatakano kumwe natwe. ⁷ Vantu vaIsrael avatantere vaHivites ashi, '' Walye nange vatungire pepi navo, weni mukakukwatakana kumwe natwe'' ⁸ Ava tanta kwa Yoshwa, '' Atwe vakarelipo voye.'' Yoshwa aghamba kwavo, '' Ove are ? kuni muna tundiliri? ⁹ Ava mutantere ashi, '' Vareli voye vakulivango lyapeke lyaure vanaya nkokuno, mukonda yalidina lyaHompa Karunga ghoye. Twayuva ovyo varapota kuhamena kwendi nevi arughanine navintje muEgipite----- ¹⁰ ntani nka navintje arughanine kwa vahompa vanya vaviri va Amorites kuruha runya rumwe rwa Jordan--- kwa Hompa Sihon wava Heshboni, na kwa hompa Og wa Bashan ogho akaliro ku Ashtaroth. ¹¹ Vakondi vetu navakalimo vamushirongo shino vatutantilire ashi, wapayikenu ruyendo rukare mumavoko ghenu. Yendenu muka kugwanekere navo naku kavatantera ashi, '' Atwe vakareli venu. Tokwenu tukuyuve na kukuwa kumwe na maghano ghakutundilira kukwenu nakukwetu.'' ¹² Mboroto yetu yino yakalire shimpe ya upyu opo twayi yoyitire kumandi ghetu muliyuva olyo twatulirepo lyakuya kukwenu. Ene ngoli weno, kengenu, yina kukuta nakughunda. ¹³ Edi ndjato dashipapa kwakalire dadipe kumeho turongeremo vimwe vyetu, ene ngoli kengenushi omo dinafana weno, nakushoshoma. Vyuma vyetu navicapa vyetu kunavidwata muruyendo rwetu rwarure ngudu.''' ¹⁴ Makura vaIsraeliti ava wapayiki, ene ngoli kapi vashungidire Hompa Karunga ava vyukite. ¹⁵ Yoshwa atapa mpora kukwavo nakukwatakana kumwe, ava vapulitiri vatunge mulivango linya, vapititi vavantu vavo navo ava ghana mughano kukwavo. ¹⁶ Kunyima ya mayuva matatu, opo varughanine likkwatakano kumwe, vakushongire ashi nani vavo maparambo ntani nka vatungire pepi kumwe navo. ¹⁷ Makura vantu VaIsrael ava kupongeke na kuyenda kumankurumbara yavo muliyuva lyautatu. Nkurumbara davo kwakalire ngoli Gibeon, Kephirah, Beeroth, Kiriath jearim. ¹⁸ Vantu vamu Israel kapi vav homokire mukondashi vampititi vavo ghanine mughano kuhamena kwavo kumeho yaHompa Karunga, Karunga wava Israel. Va Israelite navantje kwavungutire kuhamena vampititi vavo. ¹⁹ Ene ngoli vampititi navantje ava aghamba kuvantu navantje ashi, Atwe twa ghanine mughano wakuhamena kwa Hompa Karunga, Karunga wava Israel, ntani weno kapi tuvhura kukavatjupita. ²⁰ Evi mbyo tukavarughana: Mukuka kandanapo ugara ogho ghuvuro katuyera morwa ashi mughano ogho twa ghanine kukwavo, kutukava shuva tupu vatunge. '' ²¹ Vampititi avatantere vantu vavo ashi, vavashuve tupu vatunge.'' Makura, va Gibeonites vakalire vakutjava vikuni navaveti mema vama Israelites namuntje, yira momo vavi ghambire vampititi kuhamena kukwavo. ²² Yoshwa avayita nakuvatantera ashi, '' Vinke munatukongere anwe kuna ghambashi, '' Kwatungaure natwe, ene ngoli pepi-pepi tupu twakukarera? ²³ Weno, mukonda yevi kuna kumufinga, anwe vamwe ngamukara tupu vapikwa, vya kutjava vikuni nakuveta mema gha mundjugho yaKarunga wande. ²⁴ Ava limburura nakughamba kwaYoshwa ashi, '' Mukondashi vatantilire vakarelipo ashi Hompa Karunga ghoye kwaraghulire mukareli wendi Moses amupe livango nalintje, ntani akadjonaure vatungimo linya kumeho yoye-- mbyo ngoli twakalire nautjirwe kumaparu ghetu mukonda yoye. Mbyo twa rughanine vyakufana ngoli. ²⁵ Weno, Kenga una tukwatere mumpangero nankondo doye kehe vino vyaviwa ndi unapanda ghurughane kwetu, virughane. ²⁶ Makura Yoshwa avarughana vino: Ava yogholire munya mumpangera davantu vaIsrael, mposhi vaIsrael, kapishi vavpoye. ²⁷ Liyuva linya Yoshwa atulire vaGbeonites vakatjavi vikuni nakuveta mema gha mumukunda, na shidjambero sha Hompa Karunga, Kunamuntji, mulivango olyo atoghorora Hompa Karunga.