¹ Ene ngoli vantu va Israel varuwani vyakupira lipuro kuhemena vininke ovyo vatulirepo kuhamena lidjonauko. Akan mona wamukafumu wa Karimi mona Zabdi mona Zerah, wakurudi rwa Juda, aghupu vininke vimweya vatulire vyalidjonauko, ntani ugara waHompa wapire kuvyuka muva Israel. ² Yoshwa ghatumu vakafumu vatunde ku Jeriko vayende ku Ai, oko kwakaliro pepi na Beth Aven, upumeyuva wa Bethel. Aghamba kukwavo, '' Kanduka ukashane mbudi kushirongo shinya.'' Makura vakafumu avayendi vakashane mbudi kuAi. ³ Opo vakavyukire kwa Yoshwa, ava ghamba kukwendi, '' Washatuma vantu navantjeya vakanduke ku Ai. Tuma tupu mayovi matatu ndi opo maviri vayende vakahomwene Ai. Kapishi urenke vantu navantjeya varuwane muvita, momo vavo vasheshu mushivaro. ⁴ Makura vakare vakutika tupu mayovi matatu kuvarwivita, ene ngoli ovo vaduki vakufakakafumu va Ai. ⁵ vakafumu va Ai vadipayire okuno vavo pakuvakwama kutundilira kulivero lyashitata kumavango ghamawe ntani avava dipagha momo vaurumukire mumandundu. Dimushima davantu adiyengumuka yira mema. ⁶ Makura Yoshwa ghataura lirwakani lyendi. Ghuye navakurona vaIsrael avatura mbundu mumutwe nakurara vipara vyavo mulivhu kuwato wa Hompa, kukara mpopo dogoro ngurova. ⁷ Makura Yoshwa aghamba, '' Ah, Hompa Karunga, vinke ovyo unayitiri vantu vano varute Jordan? Nakutupapa mumaghoko ghava Amoriti vatudjonaure? Ashi ndi twatulire litoko nalyo peke ntani nakukara musheli munya ya Jordan! ⁸ Karunga, vinke nighamba, muruku oro va Israel vatungwilire nyima kuvana nkore vavo? ⁹ Momo va Canaanites ntani navtungimo navantjeya ngavaviyuva. Ngavatu kundurukida nakurenka vantu vapa udjuni vavurame madina ghetu. Vinke ovyo ngauruwana kulidina lyoye lyalinene?'' ¹⁰ Hompa aghamba kwaYoshwa, '' Rambuka! Vinke unararere opo na shipara shoye? '' ¹¹ VaIsrael vadjona. Vatjora likukwatakano lyande navo olyo navarawira. Vavaka vininke vimweya ovyo vaturapo. Vavaka ntani nka nakuhoreka ndjo davo mukutura ovyo vawake mukatji kaviweka. ¹² Vitundwamo, vantu vaIsrael kwato kuyimana kumeho yavana nkore vavo. Vapirukira dimuhongo davo kuvana nkore vavo mukonda ashi vavo naumwavo linavagaununa lidjonauko. Kapi nganivhura kukara nanwe nka nkwandi ngamu djonaure vininke ovyo vinawapero kudjonaukra, ene ngoli vinakara shimpe mukatji kenu. ¹³ Rambuka! Yita vantu kukwande nakughamba kwavo, kuyite naumwenu. Momo Hompa, Karunga wava Israel, '' Mpovili vininke vaturapo vinawapero kudjonaura ovyo shimpe vinakaro mukatji kenu, va Israel. Kapi muvhura kuyimona kumeho ya vana nkore venu dogoro ngamuupepo vininke vimwe pakatji kenu ovyo vinawapero kudjonaura.'' ¹⁴ Kungurangura, munahepa kukutapa kutwara mumarudi ghendi. Rudi oro Hompa ghatoghorora ngaruya pepi mumakoro ghavo. Liro olyo Hompa ghatoghorora ghahepa kuya pepi nandjugho yande. Ndjugho odo Hompa ghatoghorora diye pepi nandjugho yande. Ndjugho odo Hompa atoghorora diye pepi yimwe na yimwe. ¹⁵ Ngavishoroka ashi ogho ngavatoghorora ntani nagho akaliro navinke ovyo vatura vyalidjonauko, ngavamushora, ghuye na vyo ghaweka, mukonda ashi ghuye adjona likukwatakano lya Hompa ntani mukonda ashi ghuye aruwa viruwana vya lishwahu muIsrael.'''' ¹⁶ Makura, Yoshwa arambuka naruvede ngurangura nakuyita Israel pepi, tunda rudiyenda rudi, makura rudi rwava Juda avarutoghorora. ¹⁷ Yoshwa ayita makoro gha Juda pepi, ntani naliro lya Zerahite vavatogholire. Ayita pepi lira lyava Zerahite kumuntu kumuntu, ntani lira lyava Zabdi nalyo valitoghorolire. ¹⁸ Ayita ndjugho ya Zabdi pepi, kumuntu kumuntu, ntani Akani, mona Zabdi, mona zerah kutundilira kurudi rwa Juda, vatogholire. ¹⁹ Makura Yoshwa aghamba kwa Akhan, '' Monande,'' ghamba ushiri kumeho ya Hompa, Karunga wa Israel, ntani utape matongonweno ghoye kukwendi. Nakanderere ntantere ovyo wadjona. Kapishi uvihoreke kukwande.'' ²⁰ Akhan alimburura Yoshwa, '' ushiri, ame na djona kumeho ya Hompa, Karunga wava Isarel. Ovino mbyo nadjona: ²¹ Opo namonine pakatji kavana widi mbindja yayiwan yakutunda ku Jerusalema, ntani mafere maviri ghangcengcere vya Siliveri ntani nashimbangu sha ngorodo shinakaro navi ngcengcere dimurongo ntano, naviholire nakuvighupa. Vyavo kwavihoreka mulivhu kuntji mukatji katende, ntani na siliveri kuntji yavyo.'' ²² Yoshwa atumu vantumi, ovo vadukire kutende oko vya kalire vininke, opo vakakengire, ava kaviwana mutende yamwene, ntani na siliveri kuntji yavyo. ²³ Ava kaupa vininke mukatji kandjugho yashayira natni nakukaviyita kwa Yoshwa ntani kuvantu navantje va Israel. Avaviteta kumeho ya Hompa. ²⁴ Makura Yoshwa, nava Israel navantje vakaliro avaupu Akhan mona Zerah ntani nado siliveri, nambindja, na shimbangu shangorodo, vana vendi vavakamali nava vakafumu, Hove dendi, vidongi vyendi, vindjwi vyendi, nandjugho dendi dashayira, ntani navintje ovyo ghawekire, na kuviyita kulidamenena lya Akhore. ²⁵ Makura Yoshwa aghamba, '' Vinke ovyo watuhepekera? Hompa nove kwakuhepeka namuntji.'' Va Israel navantje ava muvhukuma mawe. Avavhukuma vakuhupako navo kuvatoghona nakuva toghona na mawe nakuvashora. ²⁶ Papendi ghuye ava turapo ndundu yamawe oyo yinakaropo nampiri namuntji lino. Hompa aghupupo ugara wendi wamundiro. Mpo ngoli ashi lidina lyalivango ndyo lidamenena lya Akhor dogoro kuliyuva lya namuntji.