¹ Lifingo lyauviri lyakuyura alingene mwaSimeon,Lira na lira. Maghupingwa ghavo kwakalire mukatji kamaghupingwa ogho ahaminino kurudi rwaJuda. ² Vawanine mughupingwa wavo, Beersheba,Sheba,Moladah, ³ Hazar, Shaul,Balah,Ezem, ⁴ Eltolad,Bethul na Hormah ⁵ Simeon nka awanine Ziklag, Beth Markaboth, Hazar Susah, ⁶ Beth Lebaoth, na Sharuhen. Ovyo mbyo vitata murongo navitatu, rambangako nadimukunda. ⁷ Simeon nka awanine Ain, Rimmon, Ether, na Ashan. Ovyo mbyo vitata rambangako nadimukunda. ⁸ Odo kwakalire kumwe, rambangako nadimukunda dakundurukido vitata ovyo ghure wakutika ku Baalath Beer(vyakufano naRamah muNegev). Oghuno ngo ghupingwa warudi rwa Simeon kumaruha namaruha. ⁹ Ghupingwa warudi rwa Simeon watuliropo ruha rwashirongo sharudi rwaJuda. Mukonda shi ndo ruha rwashirongo vatapire kurudi rwaJuda kapi nka shahaminine kukwavo, rudi rwaSimeon vawanine ghupingwa wamukatji karuha rwavo. ¹⁰ Lifingo lyaghutatu kwawelilire murudi rwa Zebulun, tunda lira yenda lira. Murudi waghupingwa wavo kwatamikilire paSarid. ¹¹ Murudi wavo kwayendire dogoro kwara ghutokero kutamba ku Maralah dogoro kukakwata Dabbesheth; avawederereko dogoro kumukuroghona ogho wakukundamo na Jokneam. ¹² Kutundilira kuSarid murudi aghupiruka ghutambe mughupumeyuva na kuyenda kumurudi wa Kisloth Tabor. Kutunda kunya aghuyendi ku Daberath makura aghukakanduka ku Japhia. ¹³ Kutunda kunya aghupiti kwara ghupumeyuva ghuyende ku Gath Hepher, makura aghuyendi ku Eth Kazin; kutundapo mbyo wakatyendire kuRimmon nakukapiruka ghutambe kuNeah. ¹⁴ Murudi aghupiruka kughumboyera ghuyende kuHannathon makura aghuyahulili mulidamenena lya Iphtah El. ¹⁵ Ruha shirongo runo kwa kaliremo navitata vaKattah, Nahalal, Shimron, Idalah, na Bethlehem. Kwakalire vitata murongo aviviri, rambangako nadimukunda. ¹⁶ Oghuno ngo ghupingwa wa lira lyaZebulun, tunda rudi yenda rudi, rambangako navitata vino,kupakako nka nadimukunda. ¹⁷ Lifingo lyaghune lyavyavingi kwawelilire kwaIssachar, tunda rudi yenda rudi. ¹⁸ Virongo vyavo kwakaliremo Jezreel,Chesulloth, Shunem, ¹⁹ Hapharaim, Shion , naAnaharath. ²⁰ Mwampo nka namo kwahamininemo Rabbith, Kishion, Ebez, ²¹ Remeth, En Gannim, En Haddah , ntani naBeth Pazzez. ²² Murudi wavo nka wakakwatire ku Tabor, Shahazumah, na Beth Shemesh, ntani aghuyashayere kuJordan. Vitata kwakalire murongo nantayimwe, kapakako nadimukunda. ²³ Oghuno ngo ghupingwa warudi rwaIssachar, kutwara mumarudi ghavo-vitata, rambangako nadimukunda. ²⁴ Lifingo lyaghutano lyalingi aliwere parudi rwaAsha, tunda rudi yenda rudi. ²⁵ Virongo vyo vyahamininomo Helkath, Hali, Beten, Akshaph, ²⁶ Allmmelek, Amad, naMishall. Kughutokero mudi avaghurundurura ghuyende ku Carmel na Shihor Libnath. ²⁷ Makura aghupiruka mughupumeyuva ghuyende kuBeth Dagon nakuyenda ghure wa Zebulun, makura aghuyendi kulidamenena lya Iphtah El, kwara ghumboyera kuBeth Emek naNeiel. Makura aghutwikiri ghuyende kuKabul kuruha rwaghumboyera. ²⁸ Makura aghutwikiri kuAbdon, Rehob, Hammon, naKanah, ghure wakutika kuSidon. ²⁹ Murudi aghupiruka kuruku ghuvyeke kuRamah, makura aghutamba ku kushitata sha nkondo shalidina Tyre. Makura murudi aghukapiruka ghuyende kuHosah aghukashayera kulifuta, muruha shirongo shaAkzib, ³⁰ Ummah, Aphek, naRehob. Nkurumbara dino kwakalire dimurongo mbiri nambiri rambangako nadimukunda. ³¹ Oghuno ngowakaliro ghupingwa wa rudi rwa Asheri, marudi na marudi- nkurumbara, rambangako dimukunda davo. ³² Muliyuva lyauntayimwe avakwama litokoro olyo vatulirepo lyaweliliro murudi rwa Nafutali, marudi na marudi . ³³ Ngoli murudi wavo aghudirukiri muHeleph, kutunda kuOak muZananimu, muAdami Nekeb na Jabneli, mposhi Lakum; avikashayera pa Jorodani. ³⁴ Murudi aghupiruka kughutokeyuva kuAzinoti Tabori nakuyenda kuHukok; vyakugumine Zebuluni ku ucuma, ntani nakatika kumukuro wa Jorodani. ³⁵ Ngoli unankondo wambara oko Zidim, Zer, Hamat, Rakkath, Kinnereth, ³⁶ Adama, Rama, Hozor, ³⁷ Kadesh, Edrei, na En Hazor. ³⁸ Ngolishimpe pakalire Yiron, Migdali Eli, Horem, Beth Anath, Rakkath, naBeth Shemesh. Kwakalie nkurumbara murongo nantane, rambangako dimukunda davo. ³⁹ Oghuno ngo ghupingwa warudi rwa Nafutali, marudi na marudi- nkurumbara, rambangako nadimukunda davo. ⁴⁰ Muliyuva lyauntambiri avaghupupo litokoro olyo vatulirepo mukuwera parudi rwa Dani, marudi na marudi. ⁴¹ Kumpangera yaghupingwa kupakako Zora, Eshtaoli, Iri Shemesh, ⁴² Shaaladbbin, Aijalin, na Ithla. ⁴³ Ngoli shimpe mwakalire Elon, Timnah, Ekron, ⁴⁴ Eltekeh, Gibbethon, Baalath, ⁴⁵ Jehud, Bene Berak, Gath Rimmon, ⁴⁶ Me Jarkon, naRakkon kumwe nampangero yavindakano muJoppa. ⁴⁷ Opo lyakombanine livhu lyarudivharwa rwaDan kukwavo, Dan ahomokere Leshem kumwe nakulivyuta. Vavo avafundu vaunyavo namarufuro, kughupa livhu lino nakutunga mo. Livhu lino avalirukururako likare Dan, lidina lya lira lyavo lyalikondi. ⁴⁸ Oghuno ngo ghupingwa wakaliro kurudi rwaDan, maarudi namarudi-mu vitata,rambangako nadimukunda. ⁴⁹ Ngoli opo vamanitire kutamununa Shirongo shaghupingwa, Vantu vamuIsraeli avatapa ghupingwa mukatji kanaghumwavo kwa Joshuwa mona wa mukafumu wa Nuni. ⁵⁰ Mudimuragho da Karunga avamupa ghuye nkurumbara oyo vapulire, Timinath Sera wa mundundu ya shirongo sha Efurayimu. Ghuye adikurura nkurumbara nakutunga momo. ⁵¹ Oghuno ngo ghupingwa wa mukamali Eleyazari, Joshuwa mona wa mukafumu wa Nuni, navampititi varudi rwa vantu vaIsraeli nakuyinkondopeka kwa Karunga muShilo, kumeho ya Karunga, pakungenena mutende yashigongi. Mpovamanine kunkondopeka shirongo.