¹ Paweno Adoni-Zedek, Hompa wa Jerusalem, ayuvire ashi Yoshwa ana kwata Ai na kumumana kumudjonaura ( yira mo arughanine kwa Jericho na Hompa wendi), ayuvu nka vantu vamu Gibeon omo vatulitirepo mpora na Israel namo vatungire kumwe. ² Vantu vamu Jerusalem vakalire na ghoma waunene mukonda Gibeon mbara yayinene, yira mbara yimwe yava Hompa. Yayo yinene kupitakana Ai, navakafumu vamo navantje vakalire vakavita vankondo. ³ Mpo Adoni-Zedek, Hompa wa Jerusalema, atumu mbudi kwa Hoham, Hompa wa Hebron, kwa Piram, Hompa wa Jarmuth, kwa Japhia, Hompa wa Lachish, na kwa Dbir, Hompa wa Eglon. ⁴ Yiyenu kwande na kuvatera. Renkenu tuhomone Gibeon mukonda vana kupampora na Yoshwa na vantu va Israel... ⁵ VaHompa vatano vamu Amorites, Hompa wa Yeshwa, Hompa wa Hebron, Hompa wa Jrmuth, Hompa wa Lachish, na Hompa wa Eglon kungwanekerenu, vavo na vakavita vavo navantje. Ava kara pamavango ghavo nakupiruka va rwite Gibeon. ⁶ Vantu vamu Gibeon ava tumu mbudi kwa Yoshwa na kuvakavita ku Gilgal. Ava ghamba ashi, '' Kwangurenu! mwasha ghupapo maghoko ghenu pavakareli venu. Yiyenu kwetu kwangurenu na kutupopera. Tupoperenu atwe, kuva Hompa navantje vava Amorites ovo vatungo muvirongo vya mandundu vanakupakerere pamwe vaya tuhomone.'' ⁷ Yoshwa ayendi ku Gilgal, uye ntani vakavita vendi navantje vakareli kumwe, na vakafumu navantje vakavita. ⁸ Hompa Karunga aghamba kwa Yoshwa, '' Washa tjira. Ame navatapa mumaghoko ghoye. Kwato nampiri umwe ogho ngashayikito muhomo ghoye.'' ⁹ Yoshwa aya wangu-wangu, nakulyatera matiku naghantje kutundilira ku Gilgal. ¹⁰ Hompa Karunga apiyaganita vanankore kumeho ya Israel, ntani Israel adipagha nalidipagho lyalinene ku Gibeon na kuvashupura mushitaura shakuyenda ku Beth Horon, ntani avava dipayere mushitaura sha Azekah na Makkedah. ¹¹ Omo vana kuduka vatjire va Israel, kutunda kundundu ya Beth Horon, Hompa Karunga avhukuma mawe ghamanene kutundilira kuliwiru awere papavo navantje mundjira yakuyenda ku Azekah. Makura avafu. Vangi vafiro kumawe kupitakana ovo vafiro kumarufuro kuvarwi vamu Israel. ¹² Makura Yoshwa aghamba kwa Hompa Karunga muliyuva ovyo atapire Hompa Karunga kuvakafumu vamu Israel lifundo kuva Amorites. Evi mbyo aghambire Yoshwa kwa Hompa Karunga kumeho ya Israel. '' Liyuva , kulikara pa Gibeon, ntani kukwendi, mumuramba wa Aijalon.'' ¹³ Liyuva aliyimana, na kakwedi akashayeke kuyenda dogoro shirongo ashi vyuta lighoko kuvana nkore vavo. Evino kapi vavitjanga mu mbapira ya Jashar ndi? Liyuva ngaliyimana pakatji kaliwiru; lyalyo ngalikarako liyuva nalintje. ¹⁴ Kapi ngali karako liyuva lyakukara yira ndyeli kuruku ndipo kumeho, opo ngayuva Hompa Karunga liywi lya muntu wendi. Mpo Hompa Karunga ngarwerapo vita va Israel. ¹⁵ Yoshwa na mbunga ya Israel nayintje ngava kavyuka ku kamba ya Gilgal. ¹⁶ Mpo ngoli va Hompa vatano ava shenduka nakakuvandeka naumwavo muntopa ya Makkedah. ¹⁷ Kwavi tantilire Yoshwa, '' Vavawanine! --- ¹⁸ Yoshwa aghambire ashi, ''Ghandumunenu mawe gha manene kumeho ya kanwa kantopa ntani turenuko vakwayita vatakamite. ¹⁹ Anwe naghumwenu mwashakara, kwamenu vana nkore venu nakuva homokera kuruku yavo. mwasha vapulitira vangene munkurumbara, mukondashi Hompa Karunga ava tapa mumaghoko ghenu. ²⁰ Yoshwa navan vavakafumu vaHompa Israeli vamanine kuvadipagha hambara navantje navi dipayito vyavinene ; vava sheshu tupu vanya vaparukiro vashendukiro mbova katikiro kunkurumbara dinya vapirire kudjonaura. ²¹ Makura mbunga nayintje yavakavita ava vyuka nampora kwaYoshwa kulivango pwiyumukiro kuMakkedah. Kundereko ogho aghanino aghambeko kuhamena vantu va Israeli. ²² makuara Yoshwa aghamba shi, Gharurenuko kukanwa kantopa, muntopa mo vandjitilirenu ovo vaHompa vatano.'' ²³ Ava rughana momo a ghambire. Avava muyitiri vaHompa vatano vanya vakaghupire muntopa- Hompa wa Jerusalem, Hompa wa Hebron, Hompa waJarmuth, Hompa waLachish, ntani naHompa waEgion. ²⁴ Opo vavayitire vaHompa vanya kwa Yoshwa, a rawiri kehe uno muntu wamu Israeli. A ghamba kuvarawili vakavita ovo vayendiro naye kuvita, "''Turenu mpadi denu pantingo davo.'' Makura avayita po nakutura mpadi davo pantigo davo. ²⁵ Makura a ghamba kwavo, ''mwasha tjira ntani nka mwasha guva. Karenu munapama naupampi. Ovino mbyo ngarughana Hompa Karunga kuvanankore venu kuna kuyenda mukarwane. ²⁶ Makura Yoshwa a homokere nakudipaya vaHompa vanya. Ava mangelilire kuvitondo vitanovandjendjililire kuvitondo dogoro ngurova. ²⁷ Opo lyangenine mo liyuva, Yoshwa atapa marawiro ntani, ava vadumpwitako kuvitondo ava vhukumini muntopa omo vavandire vavene. Ava turako mawe a manene kukanwa kantopa.Mawe anya mpaghali nkoko nalya namuntji lino. ²⁸ Mundjira yino Yoshwa a kwata Makkedah ndyo lyo liyuva a dipayire kehe ghuno a kaliro po namarufuro, rambangako Hompa wavo. Munya kapi ashuviremo wakuparuka. A virughanine kwaHompa waMakkedah yira momo avi yuvire kwaHompa waJeriko. ²⁹ Yoshwa nava Israeli navantje vapitire kutulira Makkedah dogoro kuLibinah. A yendire kuvita pakatji kavo Libinah. ³⁰ Hompa Karunga naye avitapire mumaghoko gha Israeli kumwe naHompa wavo. Yoshwa a toghona nandungu yarufuro nakehe ghuno a kalire mo. Kapi Avi rughanine Hompa wendi yira mo a virughanine kwa Hompa wa Jeriko ³¹ makura Joshua na vaIsraeli navantje kumwe naye avayendi kutundilira Libna ku Lachish. Gha shikeverelire nakukuwapayikira kuvita. ³² Karunga atapire Lachish mumawoko ghavo Israeli. Joshua ashifaneke muliyuva lyauviri nakushiteta na kushikondo sha rufuro, na kehe muntu akaliro mo, yira momo aruwanine kwa Libna. ³³ Makura Horama, Hompa wa Gezeri, aya mukuyavatera Lachish. Joshua amuhomona na vakavita vendi dogoro naumweshi mpili ghumwe owo aparukiro ahupiro mo. ³⁴ Makura Joshua na vaIsraeli navantje avapiti vayende kutulira Lachish dogoro Egloni. Vakeverelire kukwasho nakukuwapayikiro vita pakatji kavyo, ³⁵ Nakushifaneka ndyolyo liyuva limwe. Avashi tunashikondo sha rufuro nakumanenenapo kudjonaghura kehe uno akaliro mo, yira momo aruwanine Joshua kwa Lachash. ³⁶ Makura Joshua na vaIsraeli navantje avatwikiri kuyenda kutundilira Egloni dogoro Hebroni. Vakuwayikilire mukarwa vita. ³⁷ Avashifaneke nashitwa naghuhura wa rufuro, na Hompa washo na dimukunda dasho, na kehe uno mumwasho. Kwato ogho vashuvire mo ghuyumi, yira moomo varuwanine kwa Egloni, vashidjanaghulirepo na kehe uno muntu mwasho. ³⁸ Makura Joshua apiruka, na vakavita navantje vaIsraeli kumwe naye, avatwikiri ku Debiri na kukakuwapayikira vita. ³⁹ Avashifaneke, Hompa washo na dimukunda nadintje da maparambo. Avavatu na shikondo sha rufuro na kuvadjonawilirapo vantu navantje vakaromo. Kwato ogho vashuviremo namwenyo. Varuwanine kwa Deberi na hompa washo yira moomo varuwanine kwa Libna na hompa washo ntani kwa Hebroni. ⁴⁰ Joshua afundire shirongo mudima, virongo vya mandundu, virongo vya rukukutu rwa runene, virongo vya vidamenena, na matamekero gha ndundu. Pavahompa vavo navantje kapishi ashuvirepo mpili ghumwe na mwenyo. Amaninepo kudjonaura vinamwenyo navintje, yira Hompa, Karunga wa Israeli, omo avarawilire. ⁴¹ Joshua avatu kutundilira Kadeshi Barneya dogoro kuGaza, na virongo navintje vya Goshen dogoro kuGibeyoni. ⁴² Joshua afaneke vaHompa vanya navantje na virongo vyavo pashirugho shimwe mukonda Hompa, Karunga waIsraeli, aruwaninepo Israeli. ⁴³ Makura Joshua, navaIsraeli navantje kumwe naye, avavyuka kundjugho dalikeverero ku Gilgali.