¹ Omuo mumu katuhikila vitozi venu ku ndzita na kulua, omuo mumu kamona tuvalu, matemba, na kulana ca vantu kumi hiana enu, mua pandele kukeve vua vuoma; Muomu Yehova Njambi yenu ali nenu, ikeye uze ua mifumisile mu cifuti ca Ingito. ² Omo ngue ha muku kovela mundzita, sasendote na pande ku suenako naku handeka kuvantu. ³ Na pande ku handeka kuli vakevo ngueni, ' Ivuililenu, Isaleli, mukuya ku ndzita mukulua na vitozi venu. Kati muecele ngoco mitima yenu ifuvalale. Kati mu ivue vuoma amba kuzaza. Kati muivue vuoma vua vakevo. ⁴ Muomu Yehova Njambi yenu ikeye a kuya mumo nenu mu kumiluila enu kuveta vitozi venu muku mio iela enu.' ⁵ Kaha misipai va kahandeka kavantu nguevo, ''Iya yala ouo natungu ndzivo ya ihia kaha kanda aikundika? Ahiluke ku ndzivo yeni, liga kati akatse mundzita kaha ueka yala ai suane. ⁶ Kuli umo na kunu lihia lieni lia mivi niu vunoni kanda alia kuvusuka vuayo? Ahiluke ku ndzivo yeni, linga kati atse mu ndzita ya ueka yala na ueka yala alie kuvukua vuayo. ⁷ Iya yala naniungila mpuevo vunoni kanda amu mbata? Ahiluke kuimbo lieni linga kati atse mu ndzita kaha yala ueka mu mbate.' ⁸ Misipai vaka handeka naua ku vantu nguevo, 'Iya yala mukua vuoma na vua ngasisi amba ua mutima ua kufuvalala? Ahiluke kundzivo yenu, linga mitima ya va muana ye kati isanguke ngue mutima ueni.' ⁹ Omu misipai vana manesa kuhandeka ku vantu, vaka hangule tupitau hakati kavo. ¹⁰ Omo mumu kanduka kuya mukulua na limbo limosi, vahienu ntsimbu yaku kala na litava siano lia ciyulo nenu. ¹¹ Nga vaka tava kumi soskoluela kuzimbelo ziavo, vose vantu vali muimbolize vana pande kuvahia vipangi via ntsindiye kaha vana pande kumi pangela. ¹² Vunoni nga kava lingile ciyulo kuli enu, vunoni vahianga kulua nenu, kaha enu muka lizingilike, ¹³ Kaha omu Yehova Njambi yenu a kamihia kuvahsa na kuva kuintsi ya ciyulo cienu, kaha mukatsiha yala uose muze muimbo. ¹⁴ Vunoni vampuevo, vana vava ndende, vimuna, na viose viuma vili muimbo lize, na viose via kupupa, muka vimbata ngue vienu. Muka mbata viose via kupupa via vitozi venu, vaze vana mihie Yehova Njambi yenu. ¹⁵ Mukemuo mumu kulinga na membo ose aze ali kulako cikuma nenu, membo a aka esi membo avifuti evi. ¹⁶ Mu memboavantu avali kumihia Yehova Njambi yenu kupua vusuna, kamukohiela na cimo cahi cize cikuhuima. ¹⁷ Vunoni, mukavienieka mpundu: Kahiteu, naka Amole, mukua Kanana, ka Pelizeu, Kehiveu, naka Eembuseu, ngue omu Yehova Njambi yenu uami kambele. ¹⁸ Lingenu vene ngecize linga kati vakamilongese kulinga kuvimo viakuzinjila zia vizila viavo, ngue omu muvana lingi nava njambi vavo. ngue enu mu kalingamo, kaha muka vulumuna kuli Yehova Njambi yenu. ¹⁹ Omo muka zingilika limbo ku ntsim bu ya kama, omo mulua na mukuva fungulila, kati mukenieke miti yalio muku ipakula na njimbu. Muomu mukahasa kuliako, ngecize kati muka ipakule. Muomu muti ua mulihia ukeko muntu amba mu upakule? ²⁰ Kuvanga miti ize imu na ziva nguecize kavekuilia; imu kenieka na kupakula ; mukatungila vimpaka limbo lize limu kulua nalio, noho liku ua.