1
Jesu a ba ana kuikalanga fa likamba la Mutia wa Genesareta e nyangela o kwiye ku mwiyala mu manyonga nji, ayupe e liywi la Mulimu.
2
Jesu aba ana kumona e isepe iyili fa likamba, na ndui aana tundu mu meyi, a yowisa o tunyandi koo;
3
oyo o kwingena mu sisepe simweya, sa Simoni cwale oyo ku kuambela nji a fuule kanyonyo o ku tuna fa likamba, o kwi kala mu Sisepe, o kwiyela e nyangela.
4
Aba aana mana kwayeta, oyo o kwa mbela Simoni nji o cwale mu ngala, cwale muyumbe o tunyandi muyambe.
5
Simoni o kwingula nji kame tu na londo o usiku, oshe kakwisa nesi tu na leme, kono mu liywi lowe kame tuyumba a kanyandi.
6
Aba a na tende ngeso, ao o ku lame e litunda linene no lindi, mane a kanyandi o ku pwacuka.
7
Ao, o kwita a likami oo sisepe sicili nji aiye a lemise, Ao o kwiya, mame o kwiyata e isepe iyili, mamela nyonyo ko kame ina ku lwela.
8
Simoni, Pitolosi, a ba a na mono ngeso, oyo o kukwiseta ku manwi a Jesu ni kwamba nji; otunde kwa mene, wene we mbume, ka kuli mene nili mulume wa muezalibi,
9
kakuli kame ana kulemwa ni luwewe, yanyene, na aa na kwikalanga noo oshe, kalibaka la libunda linene la tindi eto a na yamba.
10
Kame ku na kukala ngeso ni kwa Jacobo ni Joani ana a Zeledea, a likani a Simoni, cwale Jesu oyo kuti kwa Simoni wesu kucila, o kutunda balelo, kame soyambe a anu.
11
Ao o ku twala e isepe ku likamba, oku siya eyowo yoshe, o ku mukon`olela
12
Jesu a ba ana kwikala mu mundi unyili, o mulume simbingwa o ku mumona, oye o kwela banji ni kubala, nji mbumu a bo singa kame so ni yoyise.
13
Jesu a kolola elika lyaye ni ku mulema ni kwamba nji ; kame ni singa ulale. Cwale omomo munako e mbingwa o kutenda kwa yonyene.
14
Oyo o ku mukon`omeka nji, wese kwambela o munu, atiuka kumohaze kwa Muprisita, cwale o mube empo eyi no kubala, omu ina kwambelwa kwa Mushe ele o upaki kwa onyene
15
E libubo laye o kuta ba libala o ku lasana, mi e nyangela eyo o kuwana o kuye ku muyupa, ni kwa a banga a matome owo.
16
Cwale yonyene kame ana kwikalanga mu liyunga yo lapela.
17
Mu liywa linjili, Jesu kame ana kwiyetanga anu. A falisi na a luti a mulao aa atunda mu Jerusalema, kame ana kwikalanga naye. Cwale a mata a Mulimu kame ana kuta kwa yonyene, aano kubanga anu.
18
Cwale kwa kale, alume ana shimbi o munu ba mumbeta oyu kukutile o lun`an`ali kame ana ku singa ku mwingenyeka ni ku mubeka ba lubala lwa Jesu.
19
Mi ka siwana omu noku mwingenyekela mulibaka la anu apulile. Ao o kutina fa situwa, oku tundisa elitina, o ku mu shetumuna ni mumbeta waye mu lubala lwa Jesu, mukaci no anu.
20
Aba ana mono e tumelo yoo. Jesu o kuti wene we munu, e iti yowe ne swalela.
21
A n`oli na afalisi o kuyambula mu micima yoo, ati oyu nanyini, oyu otwesite o kulemena eibi, konji Mulimu yo foci.
22
Jesu ba kulimuka eyi a yambuta, oyo o kwa tambula o kwamba kwa onyene sikene esi mu kengeyela mu micima yenu?
23
Esoto ni sibini, ni kwamba nji; Eibi yowe, neku lemenwa, ni kwa nji , oimane ukwendele?
24
cwale kame musinga kulimuka nji; o mwana munu kame a kwite a mata bamo banji, aa noku swalela (oyo okwambela oyu u kutile o lun`an`ali oyo o kuli;) kame ni ambela nji aimane ulonde o mumbeta ote mundo yowe.
25
Ababo oyo o kwimana ba lubala loo, okulonda o mumbela omu ana kulanga, o u kundo yaye, yo lumbeka o Mulimu.
26
Ao ku makala oshe, ni ku lumba o Mulimu. Ao okucila onene, amba nji balelo kame tu namono esi no ku makalisa.
27
Eyo aba inamana. Jesu o ku tunda mo, cwale o ku mona o mutelisi, oyu wikwa nji Livi, yo ikalile ba ohile no mutelo, oyo okwamba kwa nyene nji; Livi oni kon`elele.
28
Oyu o kusiya e imu yoshe ni ku mukon`elela
29
Livi oku mutendela o mukiti munene, o uno ilya mundo yaye. Mi kame kuna atelisi na aya akala noo.
30
A falisi na n`oli aba a mono ngeso. Ao o kutongoka, ni kwambela a lutiwa aye nji; sikene mulyela naa telisi, nazaliti ni kumwa noo?
31
Jesu o kwambela nji aa yoya wino ka saela onganga, kono kame isaelwa naa atomine.
32
Ka naisanena a alukile ku kubaka kono a ezalibi.
33
Cwale ao o kumwambela nji alutiwa a Joani kame a kumananga e ilya, mu kupula, kono kama a tenda eti tapelo; na a falisi kame a tunda konti a owe kame alya ni kunwa.
34
Jesu o kuti kwa onyene ki kuli kame ku konahala nji alikani aoyo o sikukwata a kumane e ilya, o si ku kwata ata a Sikalile noo?
35
kono a maywa ka keyile, ao sikukwa aba sa tusiwe o kumona. Ba sa kumanene e ilya mu ao a maywa.
36
Kame oyo o kwambela e nguli no kuti; ka kwisa omumu so tundisa a simanahani ba sikufuko sae e sipya, o kubeta ba sikufuko sae, esi no kale. Balino ko kame ka na kuyatula e sikufuko sipya. Mi e simanabane e sipya ka sikufekile ne si no kale.
37
Kame kakwisa o munu so itela e veine ipya mu mabototo a no ikumba no kale; Aba kuli ngeso, e veine ipya, kame se itwese oku yatula e ikumba ni kwileka a maboto o kufa.
38
Kono kame ku itelwa e veine ipya mu mabototo mapya.
39
Kame kakwisa omunu singa e veine ipya oyu una nwi eyi no kale; kakuli kame atli; eimamatile niyi no kale.