¹ Ana, muyupe ashemi enu kwa mbumu, kakuli mo kufanene. ² “O kuteke o sitowe ni nyina owe” (o nulao no weli wikalile ni sepiso) ³ “kuli eyowe ikonde kame uyoye amaywa no kupula mu litanga,” ⁴ Nanyi atate, mulese kukambata anenu kuli mane atine. Kono mwakulise mo mwasi mweta no mbumu. ⁵ Azike muyupe ni mucima mbumu kwa olyena mu nyama mo mutenda ni micima no kusepahala kwanyi omomu yupela o krester. ⁶ Muleseokwa belekela abami alikete kwanyi kame musinga kuwabeliswa anu kono no mulimu okutunda mumucima wowe. Mwa sebeleze mo mu nabelwe kwanyi kame ⁷ musebeleza o mbumu kasa anu. ⁸ Kono mulimuke o munu ni munu aikale mubika Kamba oyo a alukuluhile kama ata kutambula kwa mbumu yo kumana ni kuwaba kwa eya atenda. ⁹ Nangi ambumu, mutende abika enu mundila imweya. Mulese kwa fumbela. Mulimu nji wenu o mbumu kwali kuwilu kame kakwisa sahiluti kwa yonyene. ¹⁰ Ku mama nenno, mukongote kwa kreste kame na mu maata aye a kwindi esinu. ¹¹ Muleme eyinoku lwisa yoshe no mulimu, kuli mutwese o kongola kwa nole no diabulosi. ¹² Kakuli e ndwa yetu ka yanyamani unyinga, kono kame tulwa ni molinga ni mibuso no ambumu a Litunga eli lili muuwi ni mumebo no n’ole eyi ikalile mu mabaka no kuwilu. ¹³ Cwale mulonde eyino kilwisi yoshee no mulimu, kuli mutwese oku ongota mu liywa elino kwiba, aba muto kutula iyino kwiiba yoshe, ni kwima mo mukongotile ¹⁴ Cwale mukongote mo mukunungile o lukanda mumbunda e niti kame mukufuke esikumango no silelezo o kwamba nji ku luka. ¹⁵ Kame, ku makonda mukumange iyino kutukiseta o kutwala evangeli no kozo. ¹⁶ Beulu neyi yoshe muleme e tebo no tumelo mutwese o kutima a masho no auyo no kwiiba. ¹⁷ Kame mu kufuke e kuwani no masole ni mikwale no mebo kwamba e liywi no mulimu. ¹⁸ Mukumbele mu mebo munako yoshe mo mu kumbela mumebo kame mukumbele a apumena oshe. ¹⁹ Muni kumbelele ni mene kuli ni biwe o kwamba kwasa ese ni cilile mukumbele kuli ni twese o kulimuka e kunutu no evangeli. ²⁰ Mene ne nili ndumeleti no yonyene ni ikalile mu mawenge kuti nambe eyayo kwasa ese nicile kakuli kame nifanene kwamba. ²¹ Kono kuli nanyi mulimuke eyambo yange omo ni yoyela tilikeo mwabange oyo asingiwa o nubika no kusepahala no mbumu yota ku mwambela yoshe. ²² Kame sina kumutuma kwanyi mulibaka eli, kuli mulimuka omo twikalele, kame amikwise e micima. ²³ E kozo ibikiwe kwa abange ni lisinga ni tumelo eyi tunda kwa mulimu o tate nakwa Jesu kreste. ²⁴ E sishemo sikale ni onyene oshe a singa o mbumu Jesu kreste mu lisinga nakwa biluka.