¹ Mulibaka eli, mene paulusi aba ni ikalile e lipandiTI no jesu kreste elibaka no anji ano macaba. ² Mwendi na mukuyupa omo sina kutabelwa o musebezi kwa mulimu ni sishemo ana kuniba elibaka lyanyi. ³ Sina ku simwetwa e kunutu sina ku sinulelwa eyi niti ina kushwekiwa eyo sina kumi nolela Kanyonyo. ⁴ Aba muta kubala mo kame muta kulimuka e kutwisiso nili nayo mu kunutu ili kwa kreste. ⁵ Eyi kaya silimukwa kwa ana no anu mu masika nakale kono ino enako kame ina kusinulelwa mu mebo kwa apositola aye n kwa apolofita. ⁶ Eyi kunutu no niti nji a malieba kama ata kuyola r sanda bamweya na isilale, kutenda o mwili mu mweya noo, kama ana tabelwe bamweya noo mu sepiso ili kwa jesu kreste mu Evangeli. ⁷ Kakuli eyi evangeli sina kutendwa sayo mu mpo no sishemo no mulumi ese nina kubiwa mu kutwesa kwa maata aye. ⁸ Kwa mene – me nili munyonyo kwa no kukena ano mulimu- esishemo esi sina kubiwa, kuli ni twese o kwambela ano macaba o ufumu no kreste owu kauta kuwaniwa o unene wawo. ⁹ Kame ni singa o kumonisa anu oshe e yambo no kumutu eyo ina kushwekiwa kwa mulimu simba kwatanga. Oyu no kutateka eina yoshe. ¹⁰ Kuli cwale e milonga ni mibiso no kuwilu ilimukiswe mu keleke o unungu no mulimu owu wiya ukeyile mutindila no kupula. ¹¹ O kwenda ni mulelo no kutelela owu ana kusinga jesu kreste mbumu wetu ¹² Kakuli kwa kreste kame tutwesa kusheteto kwa mulimu mu sepo na mutumelo eyi tuli nayo kwa yonyene. ¹³ Simbangeso kame ni mukumbela iji mulese kukoka e micima elibaka no manyanolo ano kwiya kwa mene mubika lyanyi esi ni kanya yenu. ¹⁴ Mulibaka elyo kame ni kubama ba inwi mu lubala lwa tate. ¹⁵ Kwa yonyeno a masika o she na kuwili na bashi asicinwa. ¹⁶ Kame ni kumbela nji kama ata kumiba, o kuta ni ufumu no kanga yaye, yo ngotwe mu maata no mebo oyu ali mu munu no mukaci. ¹⁷ Kame ni kupela nji kreste atwese o kuyoya mu micima yenu mu kupumene, kame emibisi yenu ni mutomo mu lisinga laye. ¹⁸ Kuli mutwese o kuyupa, bamweya na anu a o mulumu no kukena, mu upala, mu kuleba, muwilu na mushi, ¹⁹ No kulimuka e lisinga no kreste, eli lita beulu no utali kuli mwikale mwiyalile ni mwiyateto no mulimu. ²⁰ Cwale kwa yonyene oyu atwesa o kutenda kuta beulu mwa yoshe tulemine o kukumbela Kamba kuyambuta o kuta ni maata aye a sebeza kwa aci. ²¹ Kwanyonyene kwikale e kanya mukeleke na kwa jesu kreste mu masika oshe nu tinako no mutina ko.