¹ Yesu ua kuanyene ku vandonge vendi nguendi, "kuchitava vuno nga vukovelelo vuakushevuitha vukeja viuma viye vyatha kutu shuedha tulinge kumilonga, vuno ngongo ya muntu uye kuye kuvi kedhilila! ² Vikakala hashako kuli yikeye nga vamukutiya mavue vamudhengeye muntcingo yendi naku mumbila mu ndonga ya Kalunga nga aka dhimbaletha umo ua vanike vavandende. ³ Litaleni yeni vavenya. Ambe mukuendje vove uamu mala alinga mulonga, muvyanene, nendi ambe natenguluka, mutundithile ho. ⁴ Ambe naku vihithila dhinthimbu vitanu navivali mulitangua, keho eja lalo dhinthimbu vitanu navivali nguendi, 'Njinalihiluitha,' nolo una pande ku muechela!" ⁵ Vapostolo vakuanyene na Muene nguavo. ''tuvuedheleleko lutcelelo luetu.'' ⁶ Muene ua va lekele nguendi, ''nga muakele nalutcelelolua ku kola ngue mbuto ya muthalata, naku kuanya nachiti cha mukuyu ngueni 'Tukuka mo, naku litombeka mumema a Kalunga, 'na chi kecho chika myononoka. ⁷ Vuno yiya umo ueni, uje ali nangamba apulula ndi alitha vinjui, a kuanye nendi nguendi muje vene neja mukutunda kumahya, 'Ija hanthimbuo yo tumama linga ulye'? ⁸ Vuno kou kuanya nendi ngueve 'Njivuahethele ko vimo vyakulya linga njilye, lihake muiva uove kuvidhala vyove naku njihana noho njinamane kulya nakunua. Kunima yacho umba ukalya naku nua ndi'? ⁹ Keku shangala ngamba yendi mukonda keku apanga vyuma vyaku mutuma, ndi ? ¹⁰ Nambe yeni lalo, ambe muna panga vije viva namitumu, kunyenini ngueni, 'etu vangamba vangocho. Tuna pangako lika vipanga vije vituatha kupanga."' ¹¹ Vyakele ngechi muayile ku Jelusalema, uayile hakati ka vingamba vyaSamalia naNgalileya. ¹² Keho muye muakovele muimbo limo, muje muali uanene na vamala likumi vaka vikeka.Vemanene hale nendi ¹³ vatambakanene na majui avo, naku kuanya nguavo, ''Yesu, Muene, tuvuile ko ngodhi.'' ¹⁴ Muye muava muene, ua kuanyene navo nguendi, ''Yeni mu ka lyambulule eni vavenya kuli vaSasendote.'' Muoshe muvayile va na kanguka. ¹⁵ Muye umo uavo omo uamuene nguendi nakanguka, ua tengulukile kunima, ua tambakanene muku shangala kalunga. ¹⁶ Ua tcikamene kumyanja ya Yesu, naku mushangala. Ua kele mu kaSamalia. ¹⁷ Keho Yesu ua kuanyene nguendi, "Keti vaje likumi kovakangukile ndi? Kuiko vali vaje vatanu nava uana? ¹⁸ Ko kuakele vakuavo vahilukile mukushangala Kalunga, kuvanga mungendhi?'' ¹⁹ Ua kuanyene nendi nguendi, ''Katuka, uye. kutcelela kuove kuna ku kanguitha.'' ²⁰ VaFaliseo vamuihuile nthimbu muka vumuene vua Kalunga vuija, Yesu ua valimbuilile nguendi,'' Vumuene vua Kalunga kuvuija thangameni na ku talela. ²¹ Ndi vakamileka nguavo, 'Taleni, vuavuno!' ndi, 'Vuavuje!' Muafua taleni, vumuene vua kalunga muvuli muli yeni.'' ²² Ualeka vandonge, "Matangua akeja amukaliveyela kumona litangua lya muna muntu, vuno kumu kalimono. ²³ Keho vakamileka nguavo, 'Taleni, kuje!' Taleni, kuno!' vuno keti mukayeko ndi muka vashuame, ²⁴ muafua muyi kavyatha mihyato kusinyeli lya lilu naku sinyeli lya lilu, mukemo muli kafua litangua lya muna muntu. ²⁵ Vuno mbangelo napande kuyanda kuviuma vyavingi nakumuvyana kumushovo ou. ²⁶ Ngue muvya fuile kuma tangua aNoua, mukemo lalo muvikafua kumatangua amuna muntu. ²⁷ Valile, vanuine, vambatele, keho valihangelele kamane litangua lyakovelele Noua muvuato-na lihuenja lyedhile keho lyaku vadhimanganene voshe. ²⁸ Ngechi lalo vene, muvya kele hamatangua aLote valile na kunua, valandele na kulandetha, vatombekele na kutunga. ²⁹ Vuno halitangua liye Lote lyatuhukile mu Sandoma, kuanokele tuhia tuatundile muilu, na kuvanongetha voshe. ³⁰ Kunima yavithinganyeka vyakulifua vika kala hali tangua lyaMuna Muntu aka yomboloka. ³¹ Halitangua liye keti uka mutavethe muntu uje ali hanchongua yanjivo naku shuluka hantci linga aka tuhuithe mo vitenga vyendi munjivo, keho keti uka tavethele uye ali mulihya linga a hiluke. ³² Vulukeni mukentu ua Lote. ³³ Ku uoshe a thetela muono uendi aka udhimbaletha, vuno uoshe adhimbaletha muono uendi aka uohyela. ³⁴ Njimileka nguange, ku vutciki vuye kuka kala vantu vavali hamuhela umo. Umo vaka mutuala, namukuavo vakamutha. ³⁵ Kukakala vakentu vavali vakatua kumo. Umo vaka mutuala, namukuavo vakamutha.'' ^{36 37} Va muihuile nguavo,''Kuiko, Muene?'' Ua kuanyene navo nguendi, ''Kuoshe kuli muvila, makuvi lalo kuva kalundama.