¹ Vya kele muye halitangua limo lya Sapalalo, muye mua yile munjivo yaumo uava kuluntu vava Faliseo muku lya mbolo, navo vamu talelele vakele muhyehi-hyehi. ² Teni, kulutue luendi kua kele lyala ua yandele na vuvedhi vua kudhimbanga. ³ Yesu ue huile vaka majui alishiko lya vaYundeya na vaFaliseo, ''mulishiko litava ku kanguitha hali tangua lya sapalalo, ndi kuahi?'' ⁴ Vuno vakevo va holokele kulu. Yesu uamu tambuile , uamu kanguithile naku mutuma aye. ⁵ Ua kuanyene navo nguendi , ''Yiya ueni uye ali na mona ndi na hove yendi yije yina uila mulithima hali tangua lya Sapalalo ha ntcimbu oyo vene ajeneke ku ka yikoka mo?''' ⁶ Uahi uathele kulimbulula ko kuli yevi. ⁷ Muye Yesu ua muene kuli voshe vaye vava thaneneko muku hangula vipundi vyaka thingimiko, ua handekele chithimo, naku kuanya navo nguendi, ⁸ "Ambe vana kulanya kuchilika chimo chavulo, keti u tumame mu muhela ua kathingimiko,mukonda kuali umo uvana lanya ua kutuvakana kathingimiko kove. ⁹ Muye muntu uye nami lanya yeni muva voshe momu heta, aka mileka nguendi, 'vahane muhela ou kuli mukueni,' na nchuama yove yikatuvakana muku tambula muhela ukuavo. ¹⁰ Vuno ambe vana ku lanya, yauye naku tumama mumuhela ua undende, omo enja uye nami lanya,na halumo aka kuanya neni nguendi, 'Muthamba, uange londa kuno kuilu, Ngocho uka uana kuthigimika ku mesho avoshe vaye vanatumama nove kutafula. ¹¹ Mukonda nkala uoshe aka lihaka vavenya ku vukama vaka mukehetha, nauye lalo ali kehetha vavenya vaka muhametha.'' ¹² Yesu lalo ua kuanyene nauye uamu lanyene nguendi, "Ambe uhana vya kulya vya chinguethi ndi chilika, keti uthane ko vavu thamba ndi vamu nanoko vava mala ndi vavushoko vove ndi vaka mahalembo vove vampite, ambe muye lalo vaka kuhilukila kumithana naku lifueta. ¹³ Vuno ambe u haka chilika, thana vihutu, vilema, vaka kupokoka mahindi na vaka kutca mesho, ¹⁴ keho ukavedhuka, mukonda kuvakatha kuku fueta. Ove vaka kufueta ha chishitukilo chavaka vuchili." ¹⁵ Muye umo uavo ua tuma mene ku chitafula na Yesu uo vuile evi, ua kuanyene nendi nguendi, "ua vedhuka uye akalya mbolo muvu muene vua Kalunga!" ¹⁶ Vuno Yesu ua mulekele nguendi, "Kuakele lyala umo ua vua hethele vyakulya vya vingi vya chinguedhi naku thana vavengi. ¹⁷ Omo vinahu ku vuahetha vyakulya vya cinguedhi, ua tumine ngamba yendi aka leke vaye voshe vova thanene, 'yinjeni, mukonda vyoshe vinahu kuvua hetha.' ¹⁸ "Voshe va li fuile mumo lika na kushangumuka kulyamena avo vavenya. Ua mbangelo ua kuanyene nendi nguendi, 'Njina landa lihya, Keho njina pande kuya linga njika li tale. Shukulukambu njitave njiye.' ¹⁹ "Mukuavo nguendi, 'Ange njina landa vihove likumi, keho njichi ya linga nji ka vyetheke, njina lombo unjethele.' ²⁰ "Mumala mukuavo nedi nguendi, 'Njinambata mukentu, keho kunjija ko.' ²¹ "Ngamba uye ua hilukile na kuka vyambulula kuli shokuayina, keho vavenyanjivo ua vavalethele navua mbunge yendi na kukuanya na ngamba yendi nguendi, 'Yauye vuathi muvingila na kuvinchongo vya membo uka shake vihutu, vaka kuvenduka, na vaka kutca mesho na vilema.' ²² Keho ngamba yendi nguendi, 'Shukulu, vyuna nji tumine vinahu kulinga, keho nolo kuli muhela.' ²³ "Shokuayinaua lekele ngamba nguendi, 'Yauye mu dhingila dhakama muvaleke vakukovele, nguove njivo yange halumo yishula. ²⁴ Mukonda ange njikuleka nguange uahi hakati kavo vamala vaje vanji na thanene vaka makele vyakulya evi.''' ²⁵ Keho mbunga yakama ya mushuamene, endi ua tenguluka, ua valekele nguendi, ²⁶ "Uoshe uye enja kulyange nga kadhindi yishe, nambe vayina,nambe mukentu uendi, nambe mona, nambe vamu nayina vavamala, nambe vamunayina vavakentu, nambe muono uendi, kaka pundonge yange. ²⁷ Uje uoshe ayeneka kuambata chiti chaku lindakana na kunji shuama kakapu ndonge yange. ²⁸ Yiya umo ueni ayongola kutunga njivo yaku laha ayeneke mbangelo ku tumama atande vi pangethetho vyendi nga vinapumo? ²⁹ nga ngocho, muye muana shamgumukile luvula luendi keho kalu manethele, vaye voshe vanalumona luvula luacho va ka shangumuka kumu jola, ³⁰ nguavo, Lyala ou ua shangumukile kutunga vuno kalumane thele.' ³¹ Ndi muene yiya, muye muaka liuana na muene mukuavo mundhita, ka vanga kutumama nakutolila mana nga atha kukatuka namakulukadhi likumi a vamala ku ka luitha muene mukuavo uje amu katukila namakulukadhi makumi avali a vamala? ³² Nga keti ngocho, muye mova chendela vakuavo hale, a tuma tunganda linga vaka lombe chivovo. ³³ Muakemo honi, uoshe hakati keni ka hana vufuko vuendi katha kupua ndonge yange. ³⁴ Mongua uachili, vuno ambe udhimbaletha kutovala, vati vaka utovaletha lalo? ³⁵ Kouethi namulyo kulivu, ndi nambe kuvuilo. Vaumbila kuti. Ou ali namatui akuvua, ovue."