¹ Kuli tangua limo vya kele ngechiye Yesu ua kele muku lomba kumu hela umo. Mua manethele, umo ua vandonge ua kuanyene nendi nguendi, ''Muene , tulongethe kulomba ngue mua longethele Youano vandonge vendi.'' ² Yesu ua kuanyene navo nguendi, ''momu mulomba ngueni, 'Tata, lidhina lyeni vali thingimike ngue mpundhi yakuyela.Vumuene vueni vuinje. ³ Tuhane mbolo yetu yankala litangua. ⁴ Tuechele kumilonga yetu, Ngue mutu nechela yetu vaka milonga yetu. keti utu tuamene kuvyetheko.'' ⁵ Yesu ua kuanyene navo nguendi, ''Yiya hakati keni ua kala na muthamba uendi, aya ku lyendi mukati kavutciki, naku kuanya nguendi, 'Muthamba, nji kuathe ko vimbolo vitatu. ⁶ kutunda oho hanendhile muthamba uendi uye ua tundilile kuchitavula, u yeneke navimo vyahi vyaku muyumbula ndi'? ⁷ Keho uye umo ua kele mukati ua kuanyeneko naku takanya nguendi, 'keti unji tanganganethe. Chikolo vana chishoko laya, nange na vana vange tuna kotha. konjatha naku hinduka nakuku hana yove mbolo.' ⁸ Ange njimileka eni nguange, nambe kahathele kuhinduka aku hane mbolo kuli yove muthamba uendi, moyi mukola nchuama ahinduka aku hana vimbolo vya vingi ngue mo una yongola. ⁹ Ange njimileka lalo nguange, lombeni, keho vaka mi hana vyo; theteleni, keho muka uana; ngongoleni, vaka mishokoluela. ¹⁰ Uoshe alomba akatambula, nou a thetala aka uana,' nou a ngongola vamu shokoluela. ¹¹ Yiya yishe mukati keni, nga mona a mulomba intci, Keho a muhane linoka keti nga intci? ¹² Ndi yikeye nakulombo livunda, uka muhane yinye ndi? ¹³ Muye vene, nga eni vaka milonga mudhivuka ku hana vuana vuachili ku vana veni, nkuma Yishe yeni ua muilu kaka tuvakana muakama kumihana Mpundhi Yakuyela kuli vaye voshe va mulomba ndi''? ¹⁴ Omuo Yesu ua tundithile mpundhi yaku vihya yiye yaku holoka kulu. Muye vene mpundhi yaku vihya moya tuhukile mo, mu mumala uye ua tcile lijui ua kuanyene, na mbunga ya komokele. ¹⁵ Vuno vantu vamo vakuanyene,'' nguavo Mbelezembulu, ntuama ya vimpundhi vyaku vihya, yikeye a tuhula mpundhi yaku vihya.'' ¹⁶ Vamo va muethekele naku thetela vimuetho vya muilu. ¹⁷ Vuno Yesu ua dhivukile vithinganyeka vyavo naku kuanya navo nguendi, ''Nkala vu muene vuoshe vuli tepa avuo vavenya kuvu kakala na ndhili, na ndjivo yiye yilitepa ayo vavenya yiua. ¹⁸ Nga Satana ali tepa vavenya, vati vui mana vumuene vuendi? Kuli yeni ngueni nja tuhuithile mpundhi yakuvihya kuli Mbelezembulu. ¹⁹ Nga njituhula mpundhi yakuvihya kuli Mbelezembulu, kuli yiya mu vandonge vove yiya akava tuhula mo? Mukonda vikakala mpangulo yeni. ²⁰ Vuno nga nji tuhula mpundhi yaku vihya na munye ua Kalunga, keho vumuene vua Kalunga vunenja kuli yeni. ²¹ Muye lyala ua ndhili uye nali vua hethela muku takametha njivo yendi, ohyela vufuko vuendi, ²² Vuno lyala ua ndhili na mutuvakana, lyala ua ndhili a tambula vufuko vua vuingi vuye vua tcelelanaku munyanga viye vya fukile. ²³ Umo uye kakala nange nakala nkole yange, na uye kalivandakana nange aka litepa nange . ²⁴ Ambe mpundhi yaku vihya yina tuhuka mumuntu, yikenda ngana mungocho naku tonda koyihuimina, yikuanya nguayo, Njihiluka kunjivo yange kuye konja tundile .' ²⁵ Moyihuluka,yiuana ndjivo yiye vanayi kombo naku vuahetha mo vuino. ²⁶ Keho yiya yika shaka vimpundhi vikuavo vitano na vivali vya kuvivya kutuvakana ayo vavenya na yikeyo lalo yakukale mo. Keho mukumanethela lyala oukuviha kuendi kutuvakana ha kulivanga.'' ²⁷ Vyuma vyakele ngechi, kua kele mukentu ua tuhuile lijui lyendi mu kati kambunga naku kuanye nendi nguendi,'' ²⁸ Vuno ua kuanyene nguendi, mua kutuvaka vavedhuka vaye vovua lijui lya Kalunga naku linyunga.'' ²⁹ Omu mbunga ya livuelele, Yesu a tameka kukuanya nguendi, ''Mushovo ou u keuo mushovuo ua kuvihya. mutonda njimi hane chimuetho nambe vava hane chimuetho kuvanga chimuetho cha Yona. ³⁰ Nga Yona ua kele chimuetho cha ku Ninive, nambe Muna Muntu nendi akakala chimuetho chaku mushovo ou. ³¹ Na Muene uye ua mukentu ua kuvutokelo aka katuka ku npangulo na lyala ua ku mushovo uye naku uhitha, mukonda mukentu ua tundile kuye kua kalenga livhu aku tolilile mana a Solomone, naku mona, uye ua kama na tuvakana Solomone ali hano. ³² Nalyala ua kuNinive nendi akemana kumpangulo namu shovuo ou ua vantu naku u hitha, mukonda vatengulukile mukua mbulula cha Yona, na kumona, uakama kutuvakana Yona ali hano. ³³ Naumo uahi, ashuameka lambi, ayi shueke ndi ayihake muintci lyachihele, vuno ha ngundhi yalambi, omuo voshe vakovela vamone mutangeko. ³⁴ Lisho lyove likelyo mutangeko ua muvila. Ambe lyisho lyove lya chili, namuvila uove uoshe una shulu na mutangeko. Ambe lisho lyove lyavihya, muvila uove uoshe ua shula na muthithi. ³⁵ Muye vene, livandeke ou mutangeko uli mulyove keti muthithi. ³⁶ Nga muvila uove uoshe una shulu namutangeko, na chilyo chove chimo chahi chikakala mumuthithi, namu vila uove uoshe ukafua ngue muye muye kuvyadhima lambi kalanganja kulyove.'' ³⁷ Muye mua manene kukuanya,ka Faliseo ua muihuile linga a kalye nendi kunjivo yendi, Oho vene Yesu ua yile naku tumama ³⁸ Ka Faliseo ua komokele omo Yesu katanene kulutue lua kulya vya kulya vya chinguedhi. ³⁹ Vuno Muene ua kuanyene nendi nguendi,'' Muye vene, eni va Faliseo mu mueku vuahetha vinganja namalonga helu ndi, vuno muintci lyeni munashulu namilonga na vya kuvihya. ⁴⁰ Ove lyala ua litha! Ou ua pangele vya hanja keti yikeye lalo ua pangele vya muintci ndi? ⁴¹ Hana kuvi hutu vaye vali mukati, na vyuma vyove vyoshe vika vuaha. ⁴² Vuno ngongo yeni vaFaliseo, mukonda chimo chaku likumi chachitaka mbunge na nkenda na nkala vipata vyavyo vya vihemba,vuno eni muombilile kuti vuchili vua kuyongola kalunga.chachingulu kupanga mualolo naku yongola Kalunga, muku yeneka kuvyatha mupange vyuma vyavyo lalo. ⁴³ Ngongo yeni vaFaliseo, nga eni muyongola vaye vatumama kulutue musinangonga na kuvakunda na kathingingimiko muye mua kulandethela, ⁴⁴ Ngongo yeni, eni muafua ngue vihilo vya vantu viye vekuenda ho vantu vya kuyeneka chileketho,'' ⁴⁵ Umo uava nkulungu mu majui ali shiko ua kuanyene nendi nguendi,''Mulongisi,vyouna kuanya netu una tupaya.'' ⁴⁶ Yesu ua mulekele nguendi,'' Ngongo yeni valongisi vama shiko! Eni mueku hana vantu vikutila vyaku lema mukuvya mbata,vuno eni komueku humako kuvi kutila nambe munye ueni umo uahi. ⁴⁷ Ngongo yeni eni, mukonda mueku tunga vihilo vyava polofeto,navaye vova tcihile va nkaka yeni. ⁴⁸ Ngocho eni muna kala vambangi kuvi panga vyava nkaka yeni, mukonda va kevo vava tcihile chili hakeho muva tungila vihilo vyavo. ⁴⁹ Nga chikuma chino lalo, mana a Kalunga ana kuanya nguavo,' Ange njiva tumina va polofete na vapositolo, linga vavayandethe nakuva tciha vamo vavo.' ⁵⁰ Mushovo ou, ukeuo, aka vatcimanena maninga ava polofeto vaye vova tcihile kutunda kuku shangumuka chachifuti, ⁵¹ Kutunda kumaninga Abele naku maninga a Zakaliya, uye uva tcihilile mukati kamutula na muhela ua kujela. mukemo, Ange njimi leka nguange, mushovo ou vaka uhana chitengeketho. ⁵² Ngongo yeni valongisi va mashiko, mukonda mua litambuilile shapi ya vunkulungu;ko ua kovelelo yove vavenya, naku yeneka kuihula vaye vakovelamo.'' ⁵³ Mua manene Yesu uatundilemo kuye, valongisi va mashiko na va Faliseo va shangumukile kumu luitha na kumu vangeya navyuma vya vingi, ⁵⁴ Vayonguele kumutela mumejii end vavenyai.