¹ Opu me ku rongere po murungu ua Mukuru na Muhona Jesu Kristu, ngu meje ku pangura o vanamuinjo no vati, nu motjimbe tjo mamunikiro Ue na mo Uhona Ue; ² Zuvarisa Embo; a ue rirongera kutja opo ruveze o rupupu poo o ruzeu. Vera, posa, zeuparisa no muretima auhe no mahongero. era, posa, zeuparisa, no muretima auhe no mahongero. ³ Orondu o ruveze ma ru ja ovandu tji ve hina ku je ku zara o mahongero o masemba. Nunguari mo tjimbe tjo zonduma zao no matui uao nge njua, ma ve je ku riuoronganisira o vahonge. ⁴ Nu ave pora o matui uao ko uatjiri, nu ave tumburirua ko vihambarere. ⁵ Nunguari ove, tarera mo vina avihe. Nanena mo miihamo; ungura o tjiungura tjo mu handjaure uembo; jenenisa o tjiungura tjo ukarere uoje oku ura. ⁶ Orondu ami nambano mbe ritunine oku punguhiua, nu o ruveze ro makumukiro uandje rua tumbuka. ⁷ Mba rua o tjirua o tjiua; mba mana o tjikara tja ndje; mba tiza o ngamburiro. ⁸ Oku za imba pa turikirua ami ekori ro utoni ro usemba, Muhona, o Mupangure o Musemba ndi me je ku ndjipa Mejuva ndo, nu ku ku heri ku ami poruao, nunguari ku avehe mba suvera o mamunikiro Ue. ⁹ Hakahana uje ku ami mo ruveze o rusupi. ¹⁰ Orondu Demas ue ndji imbirahi. Eje tjinga a suvera o uje mbui ua nambano nu ua ja ko Tesalonika. Kreskens ua ja ko Galatia, Titus ko Dalmatia. ¹¹ Lukas o nguri pueena ami uriri. Toora Maruko u mu jeterere pueena ove eje tjinga ae na o mbatero ku ami moku karera. ¹² Mba hinda Tikikus ko Efesus. ¹³ O nguava ndji mbe jesa na Karpus ko Troas, tji moja jeterera,no mambo, tjinene inga o uo mikova vio zondu. ¹⁴ Aleksander ingui o muungure uo ngoporo ua tjita o uvi tjinene kuami. Muhona nge mu sute otja ko vitjitua vie. ¹⁵ Ove uina ritjevera kuje, eje tjinga a pirukiririre o mambo uetu tjinene. ¹⁶ Mo meriziriro uandje inga o matenga, kapena mundu ngua kuramene pueena ami. Nunguari, avehe ve ndjesire peke. Me kumbu kutja atji ha varua otja o ndjo kuvo. ¹⁷ Nunguari Mukuru ua kuramene pueena ami nu E ndji pe o masa, kutja muami o mazuvarisiro jo mambo je jenenisiue, nu o viuana avihe vi zuve. Nu ami mba jamua e hakanua oku za mo tjinjo tjo ngejama. ¹⁸ Nu Muhona Me ndji jama mo tjiungura atjihe tjo urunde nu Me ndji jamene mo uhona Ue uo majuru. Ku Je nga rire o ujere aruhe ngaaruhe. Amen. ¹⁹ Minika Priskila, na Akuila no ndjiuo ja Onesiforus. ²⁰ Erastus ua seua ko Korinde, nunguari mba jesa Trofimus aa vera ko Miletus. 21 ²¹ Kondja oku ja ko murungu uo kupepera. Eubulus ue ku minike, na Pudens, na Linus, na Claudia, no vakambure avehe. ²² Muhona nga kare pueena o mbepo jo je. O tjari nga tji kare pueena ove.