¹ Vasuverua, amu itavere o mbepo aihe, nunguari kondononeje o zombepo kutja o za Mukuru, orondu o vaprofete o vengi vo vizeze va kumukira mo uje. ² O Mbepo ja Mukuru tu i tjiua nai: o mbepo aihe ndji ma i hongoronona kutja Jesu Kriste ue ja mo njama tjandje ja zu ku Mukuru. ³ Nu o mbepo aihe ndji hina ku hongonona Jesu tjandje ka i zire ku Mukuru. Nu ingui tjandje eje o mupirurakriste, ngu mua zuva kutja me ja mo uje, nu nambano ngu ri mo uje hapo. ⁴ Mu a va mo Mukuru, vanatje, nu ene mu eve taara, orondu ingui ngu ri muene o munene oku kapita ingui ngu ri mo uje. ⁵ Ovo o vo uje, opu ve za oku hungira komunda uo uje, nu o uje u ve zuva. ⁶ Ete o uete o va Mukuru: Ingui ngu tjiua Mukuru u tu zuva; Ingui ngu he ri o ua Mukuru ka jenene ok utu zuva. Itji otji tji tu tjita kutja tu pangunune o mbepo jo uatjiri mo mbepo jo posio. ⁷ Vasuverua, nga tu suverasane, orondu o rusuvero rua za ko Mukuru, nu o mundu auhe ngu ma suvere ua kuatua oku za ku Mukuru, nu u tjiua Mukuru. ⁸ Ingui ngu hina ku suvera ke na pa tjivirue Mukuru; orondu Mukuru o rusuvero. ⁹ Mu itji o rusuvero rua Mukuru rua vandururirue muete, Mukuru tjinga a hindire o Muna Ue o mukuatua erike mo uje kutja ete tu jenene oku muina o muinjo mu Je. ¹⁰ O rusuvero ru ri mu itji, ka kutja ete tua suverere Mukuru, Nunuguari kutja Eje ua suverere ete, nu a hindi o Muna Ue oku rira o tjisuta tjo mauvi uetu. ¹¹ Vasuverua, Mukuru Tje tu suverere nai, ete uina opu tua soku suverasana. ¹² kapena mundu nai ngua muine Mukuru nangarire mo ruveze rumue. Ete tji tua suverasana, Mukuru U kara muete, nu o rusuvero Rue ru puisiua muete. ¹³ Mu itji ete tu tjiua kutja tu kara mu Je, nu Eje U kara muete, mena ro Mbepo Je Eje ndja jandja ku ete. ¹⁴ Nu ete tua muna nu tu na o uhatoi kutja ingui Tate ua hindire ingui o Muna oku rira o Mujame uo uje. ¹⁵ Auhe ngu ma hongonona kutja Jesu o Muna ua Mukuru, Mukuru u kara mu je, nu eje u kara mu Mukuru. ¹⁶ Nu ete tua tjiua nu atu itavere mo rusuvero Mukuru ndue naro kuete. Mukuru o rusuvero, nu ingui ngu ma kara mo rusuvero ma kara mu Mukuru nu Mukuru ma kara mu Je. ¹⁷ Orondo ko itji,O rusuvero rua puisiua muete, kutja tu kare no uvande me juva ro mbanguriro, kutja otja indi Eje Tje ri, ete uina otji tu rim o uje mbui. ¹⁸ Kapena mburuma mo rusuvero, nunguari o rusuvero ndua pua ru nakera o mburuma pendje, orondu o mburuma ina o mberero. Ingui ngu na o mburuma ke ja puisiua mo rusuvero. ¹⁹ Ete tue mu suvera mo kutja Eje Ue tu suvera rutenga. ²⁰ O mundu auhe ngu ma tja, “mba suvera mukuru'' nu ae njengua o muangu poo erumbi re o munavizeze. Orondu tje ha suverere o muangu poo erumbi re ngua muna, ma jenene vi oku suvera Mukuru ngue hi ja muna? ²¹ Nu, tu na etuako ndi oku za ku Je, kutja ingui ngua suvera Mukuru ua soku suvera o muangu poo erumbi re uina.