¹ Kapat dawale Jisas disaipilni balna karale ban dai Jerusalin yaihnityak dawak uina dai Betfage yale, kalpakwi uina dai Olivos pânpasni yale, dawakah Jisas pamna dai disarpil bû yakah. ² Yuyulwi: " Yawanauh isti palni pâ as yaihnit yaleah istipalni kalpaktanamá biriku yal as silna sakki dawak walanbis bik karale uluhta dawak duitanauh. ³ Muih as ma yulwaran adi din yulni, mano bik kalyultanauh, "Papónh witin wat kalawi" , dawak kidi muihn kidi isti palni pamwaran mana karale." ⁴ Adi kalahna kidi laih profit as kiuwi yulna kidi kaikana. Witin yulna: ⁵ "KALYULTAH SION WALANBIS YAYALBALNA YAK: TALAH, KINMA KAIWI MAN YAK, PUTNI YAMNI KARAK BIRIKU AS YAK KILWI KAIWI, WALANBIS BIK DAWAK NANANKARAK." ⁶ Dawak disaipil balna uiwi yayamna Jisas ais lan yamna kapat. ⁷ Duduinadai biriku as walanbiskarak, ihilnadai kilninní din yak dawak Jisas kilna. ⁸ Muih mahni balna kidi ririwadai asnina balna tâkunyak, dawak ûk balna laih pân tin dakwi talakwadai ta kun yak ⁹ Muih balna uiwadai baisa Jisas kiwis yak uk balna karak usnit uwa balna karak, yakapdi yuyulwa dai: "¡KING WALANBIS AL DAVID! , ¡YAMNI PALNI KARAN WITIN AYANGNI DUWI KAIWAKI DI. PAPANG YAMNI KAKAN WITIN UNYAK! " ¹⁰ Witin Jisas Jerusalin yak kakiuna teim, pâ nuhni balna kidi yaklawi yuyulnadai: "¿Wais yah adi?" ¹¹ Muih mahni balna nannit lawi yuyulna:, "Adika kudah Jisas frafit al Nazaret kaupak dawak Galilikaupak." ¹² Kapat dawak Jisas witin kakiuna papanh ûn payak. Witin di bakannin dinbalnadawk bakakanuadai papanh ûn payak. Witin bikg laihwi rumyakwadai di ilnin balna dawak lalah ilnin balna yalahnin din balna dawak butku bakanyan balna bikg. ¹³ Witin diyulna: "Ulnani yak sakki: YANG ÛK AYANNI KIDILAIH MAMIKIT YULNIN ÛN'; BIKIG MANA BALNA MIK YAMTA DUTA BAMMA SITAN ÛN AS KAPAT." ¹⁴ Kapat dawak muih minilepa dis balna sakahwa balna ainadaipapanh yulni yulga ûn yak, dawak witin mik rakna dai. ¹⁵ Bikg mampat ai nayah tunun nuhnibalna dawak ulian balna aiwi di yamni yamnayah, dawak walabis alahal yakapdi sarahwak dakakana papanh yulni yulwa ûn yak dawak yulna dai: "Yamni karan David walanbis al", witinna yamni karak duduna. ¹⁶ ¿Dawak yuyulna: "¿Dakamanh apat yulwaki adi muinh balna?" Jisas mik diyulna: " ¡Bahan! ¿Bikg asbik yulwi talwas dai: 'WALABIS BINTIS TINPAS KAPAT DAWAK TÂ SUYANG BALNA KAPAT BARANNI AIWAWANWAKARAN'?" ¹⁷ Kapat dawak Jisas dawi kiuna Betania pâniyak dawak kidi yak kamana. ¹⁸ Mapirispalni, witin pâ nuhni yak kaiwas yakat, yuh kalwa dai. ¹⁹ Ani panan as tâ kun yak sakkah talwi; kiuna dai kidi, bikg minik as bikg yakwas dai basni manah dai. Dawakat kalyulna: "Wat minik kalahwas karan kiti panan kaupak" Isti palni panan kidi buhlana dai. ²⁰ Dawak disarpil balna adi talna dawak muihsak dadauna dawak yuyulna: "¿Ampat pal dawak adi âni panan adi isti palni buhlanayah?" ²¹ Jisas yulwi apat yulna: "Ramhpalni yang mana yultayan, mana balna kasak kulatamana kat di uk yak kulalawinih sip awas karan yang yamna yang adi âni panan yak, bikg yulwaskaran adi panpasni yak bik, 'Alah yuyulwaran adi pân pasni yak, yak pamtah dawak kuma was pâ yakat taman yakpamtah', dawak kapat palni yamna karan. ²² Di bitik yulta kasak kulata karak mamat yulmakat, dutanama". ²³ Jisas witin kiuna papanh yulni yulwa ûn yak, tunun nuhni balna dawan muih barak pâ kau pak balna ainadai witin yak baisa sumalwayak dawak kalyuyulna: "¿Ais parasnini karak adi dinbalna yamtamanh? ¿Dawak wais manayah adi parasniniadi?" ²⁴ Jisas mik kalyulwi dawak yulna: "Yang mik yul as madakaki. Bahan ya yuyulwi, kalyulki semh yulkarak ais parasninikarak yang yamtayang adi dinbalna adi. ²⁵ Juan bautismo ni kidi, ¿Ankaupak kaiwih, kisak ma kaupak dawak bikg ahal balna kaupak?" Wilinna kalkanwi yuyulna: "Yangna yulnakikat, 'kisagmakaupak, witin yulwaran: '¿Bikgainihnin kulalawas yah witin yak?' ²⁶ Bikg bahan yuldakati ahal yulni, mashmahni dudi, kat witinna tatalwi Juan yak prafit as kapat tatalwi." ²⁷ Kapat dawak witinna kalyuyulna Jisas apat yulwi: "Yanna nu disyangna". Witin bik kalyulna: "Yang bik yulkiais parasnini karak yang yamta yah adi din balna. ²⁸ Bikg, ¿Ais karanh? Muih al as walabis ahal bu duwa dai. witin kiuwi as yak kolyulna: 'Walak bis, talah dawak war tak tah yamak yak'. ²⁹ Walanbis al kidi yulwi apat kalyulna dawak yulna: 'Yang yawas awaki', bik kapat dawak kulawi talwi wat kiuna. ³⁰ Wat muinh al dai kiuna dai walanbis âl uk yak ais yulna dai kapat yulna. Adi walanbis yulwi apat yulna: 'Bahan Jisas, yang yawasawaki', bikg kiwas dai. ³¹ ¿Andi walanbis kidi papanh putni laka yamna yah? Witinna yuyulna: 'Witin tatuna kidi.' "Jisas kalyulna, "Raitmana yultayang, tunun minit yakwabalna dawak yayal tunun dutni balna kakawaran witinna pas papanh ûn yak kakawaran mana laih awas awama. ³² Juan kaina mana yak tâ baranni as yak, bik mana kulatas dana mana; kapat dawak tunun minit yakyang balna dawak tunun dutni balna kulalana witin yak. Dawak manabalna, adi talnamana bik putmana la ta kulatas dana mana. ³³ Dakanauh yul uk birwi yulna adi. Muih al as sakdai, muinh kidi saû nuhni palni duwa dai. Witin dahnadai yamak nuhni duwa kidi yaki witin yamak yak dahusi daklana dai, wain yamnin pani as yamna dawale mayakatkilwi maintalnin pani as yamna. Usnit kat sauni kidika di molyang balna yakat saû ni bakan pamwi pâ uk yak kiuna. ³⁴ Dawak wain minik sánin trimni kaina dai, witin pamna dai muih balna asas yak yamak sayan balna yak minik balna waliaknin. ³⁵ Bikg yamak dahyan balna dudana dai warkni takian kapat, as yak babauna dai, as yak ihinadai, wat ûk yak laih kidara kau borhnadai. ³⁶ Ma uk as yak, witin danwankidi war takian uk pamna, kau kidi tatuna pamna kidi, bikg sayang balna kidi aiskalyamna kapat uk balna yak bikg lealiamna. ³⁷ Bitik dawak, witin dawan pamna witin walanbis palni witinna yak, yulwadai: 'Witinna kukulwaran walanbis yak' ³⁸ Bikg mampat uva sayan balna kidi talalnayah witin walanbisyale, biri biri yuyulna: 'Adika kidi winkalian karan; arwanauh, mawi inin dawak dudaran witin di yamni dawak, di. ³⁹ Kapat dawi duwi uina, yamak pâkaupak yalewi rumwi dawak ipapamna dai. ⁴⁰ Waradi wat yakmak danwan kaiwaran ¿Ais witin kaliamwaran sayan balna yak?" ⁴¹ Muih balna kidi yuyulwi: "Witin muih ahal dutni balnakidi minikan dawas ipamwaran, kau yamnani dutnikarak, dawak kalalawaran yamak dahyang uk balna yak, muih ahal minik minit lawa balna yak kidi yak sak karan sasawabalna bitik". ⁴² Istipalni Jisas di yulna: "Man kultamanh mana wat as bikg yulta talas manadaih ulnaniyak: ⁴³ Bikg rait palni mana yulta yan, papanh un kidi namanhna yakwaran dawak muih uk yak kalawaran minik yakwa muinh balna yakat. ⁴⁴ Wais karan kai buk waran adi kindara minit yak karan kat pisni yak manah sahwi kalah wa karan dawak wais wais kidi kindara minit yak buk waran kat sahwi wanan monah kalah waran. ⁴⁵ Kapat dawak Sacerdotes balna dawak fansi balna dakakana adika birna yulni yulwa dai kidi, tatalna dai witinna yulni yulwa daikidi. ⁴⁶ Bikg watwat witinna tingnina ahawa dai witinna yak, kat muih balna kidi totalwa dai profit as kapat.