¹ Kidi tamni yak Herodes tunun yuhni kidi dakana Jisas yulni. ² Witin yulna usnit uiyan balna yaki adika laih Juan Bautista; "dauna kaupak yaklauna kidi kawak adi parasnani yamwa saki witing yak." ³ Dawak Herodes kidi Juan yak laihna sitwi silak ûn yaik ana, kat Herodes yulni, yalni kidi wahaini, Felipe, yalniday. ⁴ Dawak Juan mik kat yulnaday: "yamni awas ki dunin witin man yalma kapat" ⁵ Herodes mik laihwi watan, bik yaman duwaday muih balna yak, kat kula lawaday prapit as kapat. ⁶ Kapat dawak Herodes kidi kurih laihra tem, Herodias walanbis yal kidi kalah wi yakisdana muih manhni papusni yak wat yul bauna Herodes yak. ⁷ Yulwaday rait palni kalanin ais watman ki di ya yulta maki sadkian. ⁸ Capat dawak kal yulnaday nanan mik yal kidi kalyulna: "Yatah ukninni yak, Juan Bautista tunan kidy." ⁹ Witin king kulana nuhni duna putni yak yulna kidi yulni, di balna bitik yulni masan uknin yulni witin karak, witing yulna das kapat karan day. ¹⁰ Yulnaday Juan kidy silak un kaupak yuknin. ¹¹ Kapat dawak tunun kidy ukninni as yak daywi kalana dawak kulana walanbis yal yak, wat walanbis yel day nanan yak kalana. ¹² Kapat dawak disaipil balna aina, dulawi nununai muinday adi minitni yak, vinaday Jisas yak kal yulna. ¹³ Dawak Jisas dakana adika kalah kiuna pâ as pirin yak dawak muih balna adika dakakana usnit uina kal kau lapakwi tawanhni balna yak. ¹⁴ Kapat dawak Jisas witingna yak kaina, wat talna muih balna yak: witing dalani talna muih balna yak wat rak wadas siknis balna bitik. ¹⁵ Dawak pukta lakwak disaipit balna witing yak kaiwi kal yulna: "Adi pân adi naiyacki wat mâ adi uman dahkalna datan viwan muih balna, kidi panina yak uiwi baka kan wah di ukna witingna yulni" ¹⁶ Bik Jisas kal yulna: "Witingna uinin nit diski mana kalatanauh kasnin din apis." ¹⁷ Witingna yuyulna: " Yagna dutayagna bret sinka wat pahwa bû." ¹⁸ Jisas yulna "Duyatanauh yang yak" ¹⁹ Dawak Jisas yulna muih balna yak yalahtanauh tiriski yak witing duna bret sinka wat pahwa bû mayak witing tulwi blas yamna dawak kalana disaipi balna yak, kapat dawak disaipil bulna kidi kalana muih balna yak. ²⁰ Witingna bitik kakasma bitik artani palni kakasnaday dawak wat ududukna yayan balna punigni salap minit kau bû. ²¹ Kididibalna kakasna day 5,000 muih ajal kapat dawak yayal wat walabis saityak. ²² Istpalni witin disaipil balna udukwi duna kuring yak kawi na as ûk yak dak yaklana baisa witin kiwas yak kaupat dawak witin muih balna yak ramh dawi kiwaday. ²³ Muih balna kidi dawak uina day witing kilkiuna panpas yak minit yulnin pakta lakwak witing kidiyak alas sak day. ²⁴ Bik kuma kuring laih sakday kuma was papus yak, win parasni wauwaday kidi kauwak. ²⁵ Pukta arunka tajawaday Jisas kainaday witigna yaihnit yak lapakwi kuma was minit yuh. ²⁶ Dawak disaipil balna talna day Jisas kidi was minit yak lapak waday witigna muih sak dadauna day wat kal yulna: "Wolasa has" wat yaman duih sara rahna day ²⁷ Bik Jisas diyulna baisa tanit yak wat yulna: "¡Parasni awanauhi! ¡yan Jisas! ¡yaman dadawinih! " ²⁸ Dawak Pedro kal yuhwi apat yulna: "Jisas man kat ya yultah yan bik yawak man yak was minit yuk" ²⁹ Jisas kalyulna: "aiwah" kapat dawak Pedro kalahwi kiuna kurig kaupak lapakwi wasminit yak Jisas yak kiunun yulni. ³⁰ Bik dawak talna win parasni yak, yaman duna witin ding kakiwayak sarahna "Jisas subit yayaktak." ³¹ Jisas istipalni tingni dulawi Pedro yak laihna wat kal yulna; "Kasak kultas ûlni man ¿ainih kulatasman?" ³² Kapat dawak Jisas Pedro karak kuriga yak kilwak win day laihwatna. ³³ Kapat dawak disaipil balna kurig kaupak alasna nuhni kalana Jisas yak wat yuyulwaday: "Rait palni man kidi papan walambisman". ³⁴ Dawak witingna bayyakwi uina day Genesaret sauniyak. ³⁵ Dawak kidi pan ajalny balna Jisas yak nû kakalna yul papamnaday pâ bitikyak ban kidiyak kapat dawak dudui waday witing yak siknis balna. ³⁶ Witingna yuyulwaday ya datanauh parakni sutni yak pan kah kisakian wat kanwa balna kidi rau waday.