¹ Kidi man Jisas kidi ûn kaupak kalahkiuna dawak yalahwi sak day kuma was nâns yak. ² Muih mahni kal uduhwi yuyulwa banday witin yaih nitiak, kapat dawak kuma kurin yak kawi yalahna witin karak. muih bitik ban day witin karak kauhmak kunyak. ³ Kapak dawak Jisas witinna yak yulna yul mahni yulwa day yulbirna karak witin yulna: "Bang adiyak, yamak dah wa muihn as dahna kalah kiuna. ⁴ Balsa witin minik dahwa yak minik asas ta pirin yak bubukna dawak uhbin balna arwi duwi uhukna dai. ⁵ Minik ukbalna bubukna say kidara karak pasyak, kidiyak sau yamni disdai minitni yak dadauna kat sau mahni disday banh dadauna. ⁶ Bikg wat makalahna teim, busbukna kat rikni yamni sau yak kawas dai dawak bik buhlana dai. ⁷ Minik uk balna bik bubukna pan ukun karak pasyak dawak uk un panan balna mik balakwi i yamna. ⁸ Minik uk balna bik bubukna saû yamni yak dawak yamni barak wi minik duduna asaskidi cien pitni baisa asas kidi setenta pitni, dawak asas kidi treinta pitni. ⁹ Kidi balna tapanina duduwa kidi dakaka wanh papanh yuln kisan mayak sakki yak, dawak bikg witinna yak bikg diyawas dana. ¹⁰ Disaipil balna aina dawa yuyulna Jisas yak: "¿Bikg ainihn man yultamanh muih balna yak yul birna karak?" ¹¹ Jisas yulna dai:"Mana yak manana dai sumalta yamni dakanimna kidi dakanama kisag mayak witin pani yakah, bikg witinna yak laih kalawas dana. ¹² Bing ainihn wais karanh dawih witin yak kau mahni kalawaran, dawan mahni palni dawaran bing wais diskidi witin yak yakpamwaran witin duwakidi kaupak. ¹³ Kidi kawak witin yulna witinnayak birna yulni karak: bikg ainihn talwa dawak tatalwas kapah yah, dawak dakakawadawi dakakawas kapatni nu diskapatki. ¹⁴ Big witinna Isaias ulna balna kidi karkana, ban andi yulweh "BAISA DAKASMANA KAI, DAKANAUH, BIG DIÂS KARAK BIKG AWASKARAN DAKANIMNA; BAISA TALASMANA YAK, BIKG DIASBIKG KARAK LAIHTA DUTAS AWANAMA, ¹⁵ KAPATBANG ADI PÂ MUINH BALMAKIDA PAININA DADASMIKI DAWAK TAPANINA BIKG TIHINI BALNA DAI DAKAMINNA, DAWAK MINIKMAPA BIKG, LAMANA DAI KIDI KAWAK SIP TATALWASKI MIMIKNAPA KAU, DAWAK DAKA NIMNA TAPA NINA KAU, DAKA NINA PUTNIMA KARAK, KAPAT BANG WITINNA WITIN YAK DUDUWARAN, DAWAK YANG RAKKI" ¹⁶ Bikg yamni awama mamaknapa kidi, kat talama: dawak tapamana kidi, dakamana banh. ¹⁷ Rait palni ki yang mana yulta yang prafit mahni dawak ahal yamni kulawakidi talkih diyawadai dî balna mâna talama kidi, dawak bikg sip talas mana dai, dawak witinna want di yawa dai dakaninna di balna mâna daka mana kidi, dawak bik dakakawas dai. ¹⁸ Dakanauh ais yulni yah yulbieali yulni yulwi dahwa as yulni yulnin. ¹⁹ Muihas yul libitwibirwa yulni yulwi papanhun kisan yak kidi bikg sip dakakausdai, kapat dawak witin karna dai di dutni as dawak rum lakna dai witin yak kalahna kidi putni payak dahna daikidi adika kudah minik dahna dai kidi tâ kun yak. ²⁰ Kidi balna dahna uina dai saû kidara karak dawa yak kidi laih adika papanh yulni ulna yak dakawi dawak witin putni yak duna alasna nuhni karak dawak bikg minitni yak. ²¹ Bikg witin kidi rikni yamni diskat witin semh karan witin minit as la sakkaran, pat kai waran signis balna karan kidi laih witin papanh ulnani yak sakki kaupak kalanwi, witin isti palni kidi kaupak kalah kiwaran kidi kau pak. ²² Witin dahna kiuna pas yak pân ukuning karak, kidi kuduk witin papanh yulni dakawa kidi, bigk witin uba putni kulalawâ day sau dun yulni dawak bik alasni din balna yak kau nuhni kulawi papanh yulni karak yak, dawak kaiwaran minik as bigk diskarak. ²³ Witin dahna kiuna sau yamni yak, kidi laih papah yulni dakawa muinh dawak bikg yamni dakawadai, kidi kuduh witin ramhpalnikidi minik yakwa dawak minik laihwa kidi, cien veces baisa, sesenta, dawak asaski treinta kat. ²⁴ Jisas mik yulwi dakana yulbirta ûk as witinna yak, witin di yulna: "Witin papanh ûn kisan mayak simh muih al as dahwa minik yamni trigo saun kapah karan. ²⁵ Bikg baisa muih kakamayak, yamak dahwa muinh al wainh la kaina dawak bik dahna minik dutni bik trigo pasyak, dawi kiuna. ²⁶ Plawar minik barakwak dawak mahni kalahna yamak yak dawakat ukun dutni bik barakwi kalahna dai. ²⁷ Sau danwan ahal balna aina dawak witin diyulna:"Jisas ¿Man yamni dahtas danaman minik adi sau yamni yak? ¿Waradi ampat duta mahn ukun balna kidi?" ²⁸ Witin yulwi: Weimhla as yamna adi, wark kalahwa balnaki mik kalyulna: ¿Wantman kat yangna yawik dutnaki? ²⁹ Witin saun danwan yulna: "Dikah, bigk ukun kidik dutma kat plawar minik bik dut waran. ³⁰ Datanh barakwan bupak papat saninkat minik sawaran kat yang kalaki dahyang balna yak: "anawaran ukun balna pas dawak sit waran tingni kau busnin yulni, bikg, plawar minik kidi laih apakna karan apakninni yak" ³¹ Kapat dawak Jisas witin yak nininkana yul birna balna karak witinna yak, witin yulna: "Witin kisag mayak dahwa minik kapah mostaza has kapah muih alas duwi kiuna kapah dawak dahna witin saun yak. ³² Kidi minik kidi laih dutni dawak bintis binki minik bitik pas kaupak bigk dawak barak wak, laih kau nuhniki kidi bitik pas kaupak kutna payak panan balna kidi pan nuhni bararakna, kapat dawak uhbin balna arwi unina yamna dai pan tingni balna yak." ³³ Kapat dawak Jisas witin yulna witinna yak yul birna yulna uk karak. "Papanh ûn kisang mayak kalaih levadura as kapat ki yâl as duwi kiuna dawak mix yamna kulna bas karak plawar kidi yamni laih waran banhwaran kat." ³⁴ Jisas adi din balna bitik yulna muih balna yak yulbirna karak; dawak bik yul birna yulna kara yak witin di as bikg yulwasdana. ³⁵ Adika day kiwi yulna prafit balna yakut arwidi rait kidi yamwaran, mamhpat witin yulna yah: "YAN TIKPAS WAAHKI YUL BIRNA BALMA KARAK KAL YULKI DIBALNA MALMAYAK BAN ATMA KIDI DISKAUPAK DAWAK SAU YAMNAKAT." ³⁶ Kapat dawak Jisas yulna muih mahni yak dawak û as yak kakana disaipil balna aina witin yak dawak kalyuyulna: " Ya yultanauh yul birna yulni pân ukun karak sauni yak." ³⁷ Jisas mik kalyulna dawak yulna: "witin minik yamni dahwaki di laih papah walanbis al. ³⁸ Witin saun kidi laih sau din; dawak minik yamni kidi laih papanh ûn sakyak pan ukun karak kidi laih muih dutni balna walanbis balna ³⁹ dawak witin wainhla dahna kidi laih sitan, witin sawaran sakidi laih sau saran yak, dawak sawa balna kidi laih insalbalna karan. ⁴⁰ Apat karak baisa pân ukun karak uduhwi dawak bus waran kuhpaukarak, sau saran yakat. ⁴¹ Witin walanbis âl kidi pam waran insal balna yak, dawak witina dadiwaran papanh ûn yak a di bitik pak dutni balna karan panis duduwa balna kidi, dawak kidi balna dutni yamwa balna kidi bikg. ⁴² Kapat dawak witinna balna kidi kuhpau yak rumna karan kidi paniyak laih kaidi anan kaswi karan. ⁴³ Kapat dawak muih yamni balna kidi mâ kapat dalwaran papanh ûn yakat kidibalna tapan duwabalna kidi daka kawayan. ⁴⁴ Papanh ûn kisag mayak sakidi laih di as yamni as malna sak kapat sakki yamak payak âl as yakna dawak bikg malsagna, witin alasna karak kiuna , dua atna kidi tak bakan pamna, dawi wat yamak pa day bakan pamna dai. ⁴⁵ Dawak wat witin papanh ûn kisag mayak sakkidi laih âl as kapah day di bakannindin as kapat dawak kidara gulminit yamni sak kapat karan. ⁴⁶ Witin kalpakna di yamni minit din as kiwi dawak bakan pamna di bitik duduwa day dawak bakanna. ⁴⁷ Dawak wat, papanh ûn kisang mayak kidi laih kuma kurin was yak lubuih wak pahwa satni bitik kaupak kawak laihwa kapat ki. ⁴⁸ Kapat dawak butninni kidi banhna day, dawak pahwa laih yang balna kidi marwi kauhmak mayak murwi ihilna kapat dawak yolalahwi, dutni balna kidi laih baiyak yakwi rurumna. ⁴⁹ Kapat karak sau saran yak, insal balna kidi aiwaran dawak sahwi yakwaran dutni balnakidi bik dawak yamni balna kidi bikg. ⁵⁰ Dawak witinna yak rumwaran kuh dalhwa daihniyak, kidi yak pâ as dutni dawak anan kaswi karak karan. ⁵¹ ¿Adi din balna adi bitik dakanamah? disaipil balna mik yuyulma: "bahan." ⁵² Dawak Jisas yulna witinna yak: "Ulyah balna bitik putnina lalana disaipil balna kakalna papanh ûn kisang mayak sakyak, muih al as û danwan kapat, witin andi di utunh yak wakidi dawak di wisam yakwakidi di yamni ki," ⁵³ Dawak bikg yamni kaina Jisas dahn yamna di yulbirna karak, witin kiuna kidi pâ kaupak. ⁵⁴ Kapat dawak Jisas kakiuna witin selp paniyak dawak muih balna yak nininkana Sinagoga yak, witinna uiwi wawatna day muih sak karak dawak di yulna: "Andi kaupak yakwih di kulana yamni dawak adi di yamnin sip awas din yamwa kidi?. ⁵⁵ ?Adi awaski muih âl carpintero walanbis âl? adi awas yah nanan kidi Maria? ¿Dawak wahain balna kidi: Santiago, José, Simón, dawak Judas? ⁵⁶ ?Dawak witin wiranh balna, bitik ban awaski mayangna kalpak? Kapat banh ¿Andi kaupak adi muih al adi yak wih adi din balna adi? ⁵⁷ Witinna anwi kalyamma ban dai, bikg Jisas mik kalyulna: "Profit as kidi kulnani diskat, witin selp saun yak dawak bik witin ûn pâ palni yak bikg." ⁵⁸ Dawak yamwas dai sain balna mahni kat witinna dutnini yaw wa dai banh.