¹ Jisas witin disapilni doce balna yak sumalwi dana teim, dawak witin kidi kaupak kiuna dai niningha,nin dawak sumalnin pâ nuhni balna yak. ² kidi dawak Juan witin laihwi duwa ban pakat dakana Jisas,witin di balna yamwi yulwi pamwak kiuna disaipilni balna karak, ³ dawak kal yulna:"¿man yah as kainin kidi,awaskat muih uk as yah yangna tahatik ban at nikna?", ⁴ Jisas witin yulwi dawak diyulna: "yawa kalyulta nauh Juan yak di balna talamanakidi dawak dakamana kidi. ⁵ muih minikpa dis balna kidi tatalwi,lapakwas balna kidi lapapak wi,leper signisni dawa balna kidi bikg klin kalalahno,tapan birna dakawas balna bikg dakakawi,dauna balna bikg yaklalauna dawak muih yamni kosol kirabalna yak yul yamni sumalna dai. ⁶ yamni palni karan wais yang yak di dutnias bikg yakulawas balna kidi." ⁷ Adika muih ahal lapkwi uiwa tanina yak,Jisas Juan yulni yulwadai muih balna yak:¿ais talnin yulni uina yah muih uiwas pân yak?¿win mik tisnak as yak isihna? ⁸ bikg ¿ais talninna uina yah? âl as parak yamni kana sak kat talna yawa namanh?ramh palniki, kidi balna parak yamni kakawa kidi banki king yalahwa pan yak. ⁹ Bikg,¿talninna alah uina kidi?¿prafit as yak? raih,mana yultayang,dawak prafit kapat mohni karan. ¹⁰ adika kuduh whis yulni ulna sakkidi: "TALNAUH,YANG PAMTA YANG SUMALIANKI AS MAN TAMAT YAK, TÂ AS RI DI YAMNIN YULNI". ¹¹ Rait palni mana yulta yang,adi sau adika yak muih mahni kalahna yâl as kaupak,asbikg kau nuhni diski Juan bautista karak.dawak bikg muih as kau mini kun kidi kau nuhniki witin karak yak. ¹² Juan bautista sak atna man kaupak waradi kat, papan yalahwa pani kisang ma yak kalma kunwi karak,dawak muih ahal parisnina karak minit bayakwi tingnina yak duninna kulalawi. ¹³ Profit balna dawak lâ karak sumamalna dai kisang mayak papan yalahwi sumalwi sakkidi yulni yulwadai Juan kaina kat. ¹⁴ dawak banh mona rait dunimna kulata nanah,Elias yak,kidika muih kuduh kainin dai kidi. ¹⁵ witin tapan duwi dakanin kat,daka wanh. ¹⁶ ¿ais din karak libit tik talnik yah yah waradi man balna adi karak? simh muih bin bintisbin as bakan wa ûn as yak yakis dasakkapat,witin kulawanh dawak yakapdanh asas dawak uk balna yak bikg. ¹⁷ dawak yulwi: "yangna balna bara puhtik matayang mana balna yak,dawak mana dans pultas mana dai.ban yangna dai putkina kulatik karak,dawak maná balna aidas mana dai." ¹⁸ bikg aininh Juan kaiwi brit kaswas dana yah,dawak wain wasni bikg diwas dana yah,dawak yuyulna:'witin walasa dutni as dawa dai.' ¹⁹ Witin muih walanbis âl kalna ukwi diwi dawak witinna yuyulna:'¡talnauh,witin âl as di uk yang dawak bikg wasak diyanki,tunun minit yakwa balna karak bikg talianni ki dawak bikg dutni yamwa muinh as ki! bikg yamni kulanani mik di yamwa kidi bitik yamni manahki." ²⁰ kapat dawak Jisas ramh anwi yamna pâ nuhni balna yak witin tingni din balna yamwak kalahwadai,kat witinna putnina lawas bandaî yulni. ²¹ "¡i man mama kun man,corazinpani! ¡kat mana balna pasmangna yak tingni din yamwa yamwi dana dai tiro dawak sidón pani karak yak bik,witinna yak bikg uman kidi temni kaupak umlon putnina lawi kulanin parakni kawi dawak bikg wakarak kalkahwi. ²² bikg tiro dawak sidon pani muinh balna yak kau pat nuhni karan lâ yamwa man yak. ²³ dawak man,capernaum pani,¿kulatamanh kisang mayak kat ma Ilwaran?dikah man laih maduwi kiwaran saû dinit puksahni yak;kat sodoma yak witin tingni yamwi dana man yak,kidi pani kidi kauh sak atnin dai waradikat. ²⁴ bikg mayulta yan la yamwa man yak sodoma pani kau pat nuhni duwaran mana karak kat." ²⁵ kidi man yak Jisas yulna:"yang aiwantayang,papanh,Jisas kisang ma kaupak kidi dawak sau kaupak yak bikg,man malnaman adi din balna adi sinskira balna yak,dawak kalatan nu kalna walabis balna yak. ²⁶ bahan,papanh,kat man kapat want manh. ²⁷ adi din balna bitik papanh yang tingki yak yana saki.dawak muih as bikg talwaski walanbis yak bikg witin papan yak laih,dawak muih as bikg talwaski papan yak dawak bikg witin walanbis,dawak wais karan yak walanbis kapat want talnin kat. ²⁸ yang yak aiwanauh, wark tak wa balna bitik dawak di tihini turukwa balnakidi bikg,dawak yang mik kalaki dunin. ²⁹ duyawanauh yang turukna yang kidi wat lankalta nauh yang kaupak,kat yang kidi abukna yang wat putki yudutni yang,mana waliaknama putmana ris duninni. ³⁰ kat yang turuk tayan kidi laih isiki dawak istiki yang turuk tayak kidi."