1
"Má numano i tatá, kuchá refensa mí ke asé a enú."
2
Kuandí chochá ri gende a kuchá a Pablo chitía endi lengua ri Ebreo, ané asé kayá. Éle a chtía:
3
I sé judío, nasió endi Tarso ri Silisia, poro sendá edukao endi é siurá a má pié ri Gamaliel. Kuandí sendá majanasito, I aprendé má Ley ke Moisés a ndá a karrusiano suto. Sendá seloso ri Rioso, asina memo kumo tó enú agüe.
4
I a siguí é Kaddume ata lungá; I a nkalá, a ombe i mujé i yebalo a tramakúa,
5
kumo sumo saserdote i tó má karrusiano poleba ndá fecha ri é kusa. I a lesibí katta ri ané pa má numano endi Damasko, i bae aíi pa trée ri buetta amalao a Jerusalén pa ke ané güeba kattigao.
6
A pasá ke kuandí tán biajá i tán yegá a Damasko, sekka ri merio ría ri lepente un chochá ri lú ri nsulú a kumensá a briyá a lao mí.
7
I a kaí a suelo i kuchá ubó ke a chitía: 'Saulo, Saulo, ¿pokke a siguí mí?'
8
I a lepondé: '¿Kié sendá bo, Ño?' Éle a chití: 'I a sé Jesús ri Nasaret, a kié bo tá siguí.'
9
Lo ke tá ku I a miná lú, poro ané nú kujé mboso lo ke kombesá.
10
I chitiá: ´¿Ke poleba asé, Ño? Ño kondá mí: Lebandá i baé pá Damasco; pá i polé kondá to ma kusa lo ke bo tén ke asé'.
11
I poleba miná nú po merio ri lú lo ke taba lumbrá, asiná ke I baé pá Damasko, ku ayula ri ma mano lo ke taba ku I.
12
Aí memo I kondlá ombe lo ke se ñama Ananias, un ombe ri Rioso lo ke tá segí lei i lo ke se chitiá ri éle po to ma jurio lo ke sendá ri ai memo.
13
Éle a miní endi mí, i a palá lao mí, i chitiá: ´Numano Saulo, angalá bita´. Endi é momendo I minalo.
14
Repué éle chitiá: ´Rioso ri ma ansetro suto a kujé bo pá Bo kunusé bolundá Éle, pá bo polé minalo, pá bo polé kuchá mboso ri é boka Éle memo.
15
Pokke bo tén ke sé perito ri to ma ombe lo ke bo memo miná i kuchá.
16
Aora ´¿pokke bo tá epelá? Lebandá, bautisá, labá ri ma pekaro, i ñama nombe Éle´.
17
Repué ke I bobbé ri Jerusalen, i miendlá I taba orá aí templo, a pasá ke yegá mí un bisió.
18
I minalo bajá, ´Abansá i rejá Jerusalen ri un bé, pokke ané tá asetá nú prerika ri Mí´.
19
I a chitiá, 'Ño, ené memo sabé ke I mappoliá i a mete endi tramakuá a kiene keé endi nombe Si endi to masiruma.
20
Kuandí pola rí Esteban, perito rí Bó, a derrama, I tambié taba aí asettando é kúsa, I a gualá chepa rí to ané ke a lungá.'
21
Poro Éle chitiá mí, 'nda, pokke I a mandá a ma gentiles.' ''
22
Ma gendé reja éle chitiá toé kúsa. Poro ané a jarana í a chitiá, ''Kita éle rí tiela, mata éle''
23
Miendla ané jarana, ané a kitá chépa i a trirá,
24
kambinbante rí ma chechélo chitiá pa tree Pablo ku kutú. Kambinbante chitiá pa ma chechelo mappolia a Plablo pa éle sabe pokke ané a tan epepita
25
Chechelo mala a éle ku sinto po ma pie, Pablo a chitiá ku senturion kiene taba palao aí lao éle, ''¿Sendá legal pa enú nda bindaso a ombe romano i sin juisio?''
26
Kuandí senturion kucha é fecha, éle bae pandi kapitan i a chichiá, ''Ke bó tan asé? Ete ombe é romano.''
27
Jefe rí guardia miní i chitiá a éle, ''¿chitiá mi, bó sendá rí roma?'' Pablo chitiá: ''Asina.''
28
Kapitan a kontetá: '' Sendá e kusa namá po un chochá ri burú ke a resibí ri ma gende ri siurá. Poro Pablo a chitiá, I a sendá Romano pokke I a nasé aí.''
29
Antonse ma kompaombrito ke tamba asé un chochá ri prounda a rejá a ele. Ma kambimbante ri ma guaddia a tené miero tambié, kuandi ele a sabé ke Pablo jueba ri Roma, pokke ele a amalá a Pablo.
30
Ma uto ría, ma kambindante ri ma guaddia keleba sabé ma belá ri to akusasió ri ma judío kontra ri Pablo. Asina ke ele a sottá a Pablo i mandá a primó anabukurú i ma gende ri konsilio pa ané jundá. Antonse ele a bajá i pablo a ponelo endi merio.