1
Repué ke alboroto akabá, Pablo a mandá a buká a risipulo rí sí i ndá animo, ele asé despedí rí ané i a bae a Masedonia.
2
Kuandi ele güe a e regione i abiendo ndao palabra rí animo, a bae a Gresia.
3
Repué ri tá aí trilingó meses, un chochá ri gende judía a poné kondla ri ele miendla ele taba pa embakka a Siria, asina ke ele a residí gobbé pó Mesedonía.
4
Antonse akompañá a ele pa Asia Sópater moná ri Pirro ri Berea; Aristarko i Segundo, tó ané bilingó kreyende ri Tesalónika; Gayo ri Derbe; Timoteo ; i Tíquico i Trófimo ri Asia.
5
Poro é ombe taba bae primó ke suto pa eperá a tó suto endi Troas.
6
Suto pasá ri Filipos repué ri e ría rí pan ke nú tén lebadura, i endi kilingó ría suto a yegá a Troas, aí suto a kelá pó sielingó ría.
7
Endi primó ría ri semana, kuandi suto taba jundá pa patti pan, pablo a chitiá a má kreyende. Éle taba pensá bae endi uto ría, asina ke a chitiá a tá amanesiá.
8
Abia un chochá rí lampara endi aposento atto andi suto taba jundao.
9
Endi bentana taba sendao un majanasito ke asé ñamá Eutiko, kiene a ndrumí juetemende miendla Pablo taba chitiando rí má, é majanasito, ke taba ndrumí, a kaí rí trilingó piso i má gende a kujé a ele lungao.
10
Poro Pablo a bajá, i a kujé a ele i abrasá antose Pablo a chitiá : " Tené pá pokke ele tá bibo".
11
Antose Pablo a kujé pa andi ele taba i a pattí pan i a kumé. Repué ri kombesá kú ané pó un chochá ri tiembo a tá amanesé ele a bae.
12
Ané a tré uto be a majanasito bibo i tó ané a kelá kú pá.
13
Suto memo a kujé i a bae ri lande ri Pablo pó bakko pa Asón, andi suto a planea tré a Pablo. Pokke ele keleba bae pó tiela.
14
Kuandi suto a topetá kú ele andi Asón, suto a tré ele pa andi bakko i suto a salí pa Mitilene.
15
Antose suto a embakká rí aí i a yegá má uto ría pó patte ri lande ri isla ri Kío. Ría repué suto a yegá endi isla ri Samos, repué ri enú güe ke suto a yegá a siura ri Mileto.
16
Pokke Pablo keleba pasá ri laggo pa Éfeso i asina nú pasá niggú tiembo endi Asia; pokke lo kke ele keleba é yegá a Jerusalén pa é ría rí Pentekostés, sí ele polé ele kelé asé asina.
17
Renje Mileto ele a mandá ombe a Éfeso i a ñamá a má karrusiano rí ilesia.
18
Kuandi ané a yegá, ele a chitiá : " Enú memo a sabé ke renje primó ría ke i poné pie endi Asia, kumo tó tiembo ndalo a tó ané i ndá tó tiembo rí mí rí tiembo mí a tó enú.
19
I a kelá siendo moso rí Ño kú tó umidá ri mende i kú lagrima, i akogojamiento ke a pasá a mí pó kuenda ri má Judíos.
20
Enú sabé ke i nú rejá rí chitiá kusa ke tó enú nesesitá, i kumo i tá insiñá endi publiko poro tambié kuandi güe ri posá endi posá,
21
dando a kunosé a Judíos kú Griegos mensaje ri arrependimiento a Rioso i fé endi Ño suto Jesús.
22
Aora, güatía, i a bae a jerusalén, jundo a epiritu ri Rioso, sin sabé nu un kusa ke a polé pasá kú i,
23
ná má ke epiritu sando ndá fecha má endi siura ke a yegá, chitiando ke karena kú akongojamiendo tá miní pa mí.
24
Poro nú kree ke mbila mí sendá kujuisio pa i memo, lo ke i kelé e akabá kambiá ir kumplí kú ministerio ke Ño Jesús ndá mí, pa ndá perito ri ebangelio ri nglasia ri Rioso.
25
Aora, güatía, i sabé ke tó enú, lendro ri kiene i a tá predikando e reino ri Rioso, nú güatía kala mí má.
26
Pó tando, i a sé perito eté ría, ke i sendá inosede ri kuakié pola ri ombe.
27
Pokke i nú rejá ri chitía a tó enú tó boluntá ri Rioso.
28
Pó tando tené kuirao ri enú memo, i ri tó jende ke epiritu sando a ndá kaundí a sé tó enú obispos. Tené kuirao kaundí á pastorea a ilesia ri Rioso ke elé a komplá kú pola ri elé memo.
29
I sabé ke repué ke i nae, lobo kú faya a miní a lendrá endi tó enú, o nú peddoná a niggú ri e rebaño.
30
Tambié i sabé ke lendro ri enú memo aggú má ombe i tán miní pa rerotá belá ri Rioso pa alejá a má rissipipulo pó kuendá ri siguí trá ané.
31
Asina ke kelá endi guaddia. Kolá ke pó trilingó años i nú rejá ri insiñá a tó enú kú lagrima endi okurana i ría.
32
I aora i a rejá a tó ané pó kuenda ri Rioso, i a palabra ri nglasia sí, palabra ke a sé kapas ri yená mbila ri sí i ndá a erensia jundo ri tó enú ke a tá kú i.
33
I nú a kelé burú, runjusú, ni chepa ri niggú ombe.
34
Enú memo sabé, ke makaneo ri mano mí asé ke i tené tó kusa ke i tén nesesirá i ri tó ané ke taba kú i.
35
Endi tó má kusa i ndalo ejemplo ri kumo enú tén ke ayulá a tó ke tén nesesirá, i ri kumo enú tén ke kolá má palabra ri Ño Jesús, palabra ke Elé memo a chitía: " sendá mejó ndpa ke lesibí".
36
Repué ke elé a chitía tó kusa, elé a kujé i a poné ri rodía i orá kú tó ané.
37
Tó má gende a yolá un chochá ri ndá abraso a Pablo i ndá beso.
38
Un chochá ri ané taba aj¿kongojao pó kuenda ri tó kusa ke elé taba chitía, ri ke ané nú güatía kala ri elé má. Antose ané a bae kú elé a tá aí bakko.