¹ Krís aâ aschií weika tishkerá tentawá wrish chirí, Ékamá peh siramá karchiturí, Jesús tehkí karwaní. ² ¨Toh tentawá má ôisitakilerwá an mai kiwá tasyó akrí pisiramá in karkachituwᨠ³ Toh ehlertumá tasya karkatunhamá, tahña tartechkerá mai mai kakipé. ⁴ Toh akualermá tah kârá tehkrí.Toh arabahtá karkaperí ¨¿piâh pe prohapisá, toh suyá iñamá kuh sênnañama chituwá iró kawishprá?¨ ⁵ Ékañá arkapêí: ¨¿Sirá ââ pishpikachuwasá?¨ekañá ñehrí ¨Tawáh¨ ⁶ Ekañá tihkakií na kuhñá, achauwawí. Toh suyá sukuí, wishki, kaparkawá tihkíí kapinhí. Ekaña kawishkí toh apará arabahtá krá karpinri. ⁷ Toh wrihama wichâ pok pesh akachuwá tihká tehkí kapar kakapêí, toh ekaleraská, eña kauwawí tahrabahtá , tôh wâ. ⁸ Ekaleraská má êhlera arári nerí. Toh awarkimá kauwecherí, ará towah mustí tawarkrí. ⁹ Tohñama wrish lerí ká, ukua, ukua, ká, lerí toh peshrá Jesús ña tihkakir tehkrí. ¹⁰ Waripé tehkí toh kauwetañá tawehí toh apará bahta yó, nêhrí toh kuh dalmanuta. ¹¹ Inkashkuá toh Fariseos tapaskrí, ña warki ñehrí tohyó: ekañá prorí, irispirikená toh piriñá, toh awaská kripirishkrí. ¹² Ekamá aúh téshneí arásâña tihkakií; ¨¿inkré pamá yas prohíña wisá? yar tahpikapawá parowahá, tasmá asnaní ña kawishtapá ih chañawi. ¹³ Ekama warkineí, toh kauweta ñá warkí tokí, neñi atenñá. ¹⁴ Toh apará bahtá toh sirá suyá kartôhkré pechhetií.ekañá as pes kakachií. toh kauwetañá ¹⁵ ñá as tahpikapawá: äskén tapeupiwá karchelerá artokuwarú toh apinihayá toh Fariseos toh arpiniha toh Herodes.¨ ¹⁶ oh apará bahtamá peh sâ ameshkrí; ¨Imá pitasmá sirá suyá pitakachituwᨠ¹⁷ Jesús má arameshkí tihkakitií: ¨¿Pama inkró ameshkíña wisa toh sira suya pirkakachi tuwâí? ¿atewatá chê weshkutuñawí?¨ ¿pamá chê arihutuñawí? ¿Toh pi turusá paña aoiñawî? ¹⁸ Pamawá wáh pirkachuwa, ¿akaró achonowawi? pamawá pisunpikachuwá, ¿Akaró weshkutuñawi? ¿panawá pirtonchewá? ¹⁹ Tasña krá karpinharí, toh sirá suya pish tawarkí kauweñawîsá?¨Ekañá nêhrí ukua pok. ²⁰ Tasñá krá karpinha toh sirá suya tawáh toh tentawa wrish, arría ká, ¿ará pish kauweñawisá? ²¹ Ekañá nêhrí: ¨Tawáh¨Eká ñehí: ¿Pama atewatá arihatuñawí?¨ ²² Ékamá nehbori toh Betsaida.Toh tentawañá arwá awa acheno as pehkri,toh Jesúspenpiro. ²³ Jesúsmá asawayo sukui,toh arwaró awá achenó,nehlerá akua ken paki.Ahi Ekumá tehki achuni toh awaña tuhpiró,asawá tuhki a ekaró imá arkapei,"¿Iró cheisá? ²⁴ Ekamá tahwaké chei,tihkii: "Tasmá tis arwá whris kachaawã tarteshkerá. ²⁵ Inkashkuá Jesús tehki asawen tuki,toh arwá awá achenuña,toh arwamá awá taprihi,toh ãiñama enkacheilie. ²⁶ Jesús worki katunhi toh akaoñá Imá tehki,kaã uya tokuró. ²⁷ Jesús warkirá tapaskri, toh apará bahtoiyó:kaã ayehña,cesárea toh filipo.tahñá tarteshnelerma toh apara bahtaró karkapei;"¿Inkén ñelersá toh tentawa tahrákehna? ²⁸ Kriró Ekamá ñehri:"Juan toh kamuhtá.Ukuamá ñelerwá 'Elias' toh akuamá,profeta asnuni lerchinchawá" ²⁹ Ekañá karkapeí,"pamá¿inkan tãñawisá tasrawá? pedro ñehi,pama patatish táayeerwariyá. ³⁰ Jesús ña tihkakií,ñelertipiró toh Ekaró. ³¹ Jesús ñá kashiwiski tinkaki,tasma tehká õisitakilerpé,tasmá piráh enkatupawai toh .wãwã toh pitasãá toh pareri y escribari,amaskerá warki ishtahpiwá án mai. ³² Ekañá kamás tihkákii.toh Pedro akuapaki tihkii. ³³ Tohmá Jesús,warki kacheii toh apará bahtá inkashkuá Pedro tihkií,tassuhña tawarku amaisará!pama chẽ kachaotuwá toh papatishta ehró pitasté ẽhperó,kachei. ³⁴ Ekaña toh tentawarú karwani toh apará bahtá askenyó.tikakíí"toró tarachipiruiskumá,ña atareaké ñaupiwá,tohña sukuhuwa tarachowá. ³⁵ taró pipechkao õish pipiriskuasá,tahñará weski onnamá tosña tehpé toh evangelio kaenkipé. ³⁶ ¿Iró en ishkuasá toh arwá ás,toh kuh krinó sukúh piriskuá toh apeshkaomá õishpé. ³⁷ Arwã as iró wishpisá a tamaké toh a peshkaoró? ³⁸ tãhró ishkiumá tohñaró,taswá ishtaké pariskii,ña warki ishkiñawi, toh patatatishtá ayerwá, toh tehkuaché ta tus akuansá aparaá".